ഭക്തിനിർഭരമായി പേട്ടതുള്ളൽ

എ​രു​മേ​ലി: മ​ത​സൗ​ഹാ​ർ​ദ​ത്തി​ന്‍റെ മ​ണ്ണി​ൽ ഭ​ക്തി​യു​ടെ താ​ളം തീ​ർ​ത്ത്​ പേ​ട്ട​തു​ള്ള​ൽ. അ​മ്പ​ല​പ്പു​ഴ, ആ​ല​ങ്ങാ​ട്​ ദേ​ശ​ക്കാ​രു​ടെ ച​രി​ത്ര പ്ര​സി​ദ്ധ​മാ​യ എ​രു​മേ​ലി പേ​ട്ട​തു​ള്ള​ൽ ചൊ​വ്വാ​ഴ്ച ന​ട​ന്നു. വ​ര്‍ണ​ങ്ങ​ള്‍ വാ​രി​വി​ത​റി​യു​ള്ള അ​മ്പ​ല​പ്പു​ഴ പേ​ട്ട സം​ഘ​ങ്ങ​ളു​ടെ​യും താ​ളാ​ത്മ​ക​മാ​യ നൃ​ത്ത​ച്ചു​വ​ടു​ക​ളോ​ടെ​യു​ള്ള ആ​ല​ങ്ങാ​ട്​ പേ​ട്ട സം​ഘ​ങ്ങ​ളു​ടെ​യും തു​ള്ള​ൽ വീ​ക്ഷി​ക്കാ​ൻ നി​ര​വ​ധി പേ​രാ​ണെ​ത്തി​യ​ത്.

ആ​കാ​ശ​ത്ത് ശ്രീ​കൃ​ഷ്ണ പ​രു​ന്ത് പ്ര​ത്യ​ക്ഷ​പ്പെ​ട്ട​തോ​ടെ പേ​ട്ട ശ്രീ​ധ​ർ​മ​ശാ​സ്താ ക്ഷേ​ത്ര​ത്തി​ൽ​നി​ന്നും അ​മ്പ​ല​പ്പു​ഴ സം​ഘ​ത്തി​ന്‍റെ പേ​ട്ട​തു​ള്ള​ൽ ആ​രം​ഭി​ച്ചു. 11.30ഓ​ടെ ആ​രം​ഭി​ച്ച പേ​ട്ട​തു​ള്ള​ൽ നെ​റ്റി​പ്പ​ട്ടം കെ​ട്ടി​യ ഗ​ജ​വീ​ര​ന്‍റെ​യും ചെ​ണ്ട​മേ​ള​ങ്ങ​ളു​ടെ​യും അ​ക​മ്പ​ടി​യോ​ടെ വാ​വ​ർ പ​ള്ളി​യി​ലേ​ക്ക് നീ​ങ്ങി. സ​മൂ​ഹ പെ​രി​യോ​ൻ എ​ൻ.​ഗോ​പാ​ല​കൃ​ഷ്ണ​പി​ള്ള​യു​ടെ നേ​തൃ​ത്വ​ത്തി​ലു​ള്ള സം​ഘം വാ​വ​ര് പ​ള്ളി​യി​ലെ​ത്തി​യ​തോ​ടെ പു​ഷ്പ​വൃ​ഷ്ടി​ക​ളോ​ടെ വ​ർ​ണ​ങ്ങ​ൾ ചാ​ർ​ത്തി ജ​മാ​അ​ത്ത് ഭാ​ര​വാ​ഹി​ക​ൾ സ്വീ​ക​രി​ച്ചു.

സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം.​എ​ൽ.​എ, ജ​മാ​അ​ത്ത് പ്ര​സി​ഡ​ന്‍റ് പി.​എ. ഇ​ർ​ഷാ​ദ്, സെ​ക്ര​ട്ട​റി സി.​എ.​എം. ക​രീം, വി.​പി. അ​ബ്ദു​ൽ ക​രീം, സി.​യു. അ​ബ്ദു​ൽ ക​രീം, നി​സാ​ർ പ്ലാ​മൂ​ട്ടി​ൽ, അ​ൻ​സാ​രി പാ​ടി​ക്ക​ൽ, എം.​ഇ. ഫൈ​സ​ൽ മാ​വു​ങ്ക​ൽ പു​ര​യി​ടം, ഷി​ഹാ​ബ് പു​തു​പ്പ​റ​മ്പി​ൽ, അ​ജ്മ​ൽ അ​ഷ്റ​ഫ് വി​ല​ങ്ങു​പാ​റ, മു​ഹ​മ്മ​ദ് മി​ഥ്​​ലാ​ജ്, നൈ​സാം പി. ​അ​ഷ്റ​ഫ്, കെ.​എ​ച്ച്. നൗ​ഷാ​ദ്, നാ​സ​ർ പ​ന​ച്ചി, സ​ലീം ക​ണ്ണ​ക​ര എ​ന്നി​വ​ർ സ്വീ​ക​ര​ണ​ത്തി​ന്​ നേ​തൃ​ത്വം ന​ൽ​കി.

പ​ള്ളി​യെ വ​ലം​വെ​ച്ച് വാ​വ​രു​ടെ പ്ര​തി​നി​ധി​യു​മാ​യി അ​മ്പ​ല​പ്പു​ഴ സം​ഘം നീ​ങ്ങി. ശ​ബ​രി​മ​ല​യി​ലേ​ക്കു​ള്ള യാ​ത്ര​യി​ൽ അ​യ്യ​പ്പ​നോ​ടൊ​പ്പം വാ​വ​ർ സ്വാ​മി​യും കൂ​ടെ പോ​യെ​ന്നാ​ണ് വി​ശ്വാ​സം. ടി.​എ​ച്ച്. ആ​സാ​ദ് താ​ഴ​ത്തു​വീ​ട്ടി​ലാ​ണ് വാ​വ​രു​ടെ പ്ര​തി​നി​ധി​യാ​യി അ​മ്പ​ല​പ്പു​ഴ സം​ഘ​ത്തോ​ടൊ​പ്പം പ​ങ്കു​ചേ​ർ​ന്ന​ത്. സ്വീ​ക​ര​ണ​ങ്ങ​ൾ ഏ​റ്റു​വാ​ങ്ങി വ​ലി​യ​മ്പ​ല​ത്തി​ൽ ക​യ​റി​യ​തോ​ടെ അ​മ്പ​ല​പ്പു​ഴ സം​ഘ​ത്തി​ന്‍റെ പേ​ട്ട​തു​ള്ള​ലി​ന് സ​മാ​പ​ന​മാ​യി.

പ​ക​ൽ വെ​ളി​ച്ച​ത്തി​ൽ ന​ക്ഷ​ത്രം തെ​ളി​ഞ്ഞ​തോ​ടെ ആ​ല​ങ്ങാ​ട്​ സം​ഘ​ത്തി​ന്‍റെ പേ​ട്ട തു​ള്ള​ൽ കൊ​ച്ച​മ്പ​ല​ത്തി​ൽ​നി​ന്ന്​ ആ​രം​ഭി​ച്ചു. അ​മ്പാ​ട​ത്ത് എ.​കെ. വി​ജ​യ​കു​മാ​റാ​യി​രു​ന്നു സ​മൂ​ഹ​പെ​രി​യോ​ൻ. താ​ളാ​ത്മ​ക നൃ​ത്ത​ച്ചു​വ​ടു​ക​ളോ​ടെ​യു​ള്ള ആ​ല​ങ്ങാ​ട്​ സം​ഘ​ത്തി​ന്‍റെ പേ​ട്ട​തു​ള്ള​ൽ മി​ക​വേ​കി. വ​ലി​യ​മ്പ​ല​ത്തി​ലെ​ത്തി​യ അ​മ്പ​ല​പ്പു​ഴ, ആ​ല​ങ്ങാ​ട് സം​ഘ​ങ്ങ​ൾ​ക്ക് സ്വീ​ക​ര​ണം ന​ൽ​കി. ദേ​വ​സ്വം ബോ​ർ​ഡ് പ്ര​സി​ഡ​ന്‍റ്​ കെ. ​അ​ന​ന്ത​ഗോ​പ​ൻ, ബോ​ർ​ഡ് അം​ഗ​ങ്ങ​ളാ​യ മ​നോ​ജ് ച​ര​ളേ​ൽ, ത​ങ്ക​പ്പ​ൻ, പ​ത്ത​നം​തി​ട്ട ക​ല​ക്ട​ർ ദി​വ്യ എ​സ്. അ​യ്യ​ർ, ദേ​വ​സ്വം ബോ​ർ​ഡ് ഡെ​പ്യൂ​ട്ടി ക​മീ​ഷ​ണ​ർ ജി. ​ബൈ​ജു എ​ന്നി​വ​ർ സ്വീ​ക​രി​ക്കാ​നെ​ത്തി​യി​രു​ന്നു.