തടസ്സം നീങ്ങി; എരുമേലി തെക്ക് വില്ലേജ് ഓഫിസ് ഉടൻ പ്രവർത്തനം ആരംഭിക്കും -എം.എൽ.എ

എ​രു​മേ​ലി: എ​രു​മേ​ലി തെ​ക്ക് വി​ല്ലേ​ജ് ഓ​ഫി​സി​ന് പു​തു​താ​യി പ​ണി​ക​ഴി​പ്പി​ച്ച സ്മാ​ർ​ട്ട് ഓ​ഫി​സ് കെ​ട്ടി​ടം ഉ​ട​ൻ തു​റ​ന്നു പ്ര​വ​ർ​ത്തി​ക്കു​മെ​ന്ന് സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം.​എ​ൽ.​എ പ​റ​ഞ്ഞു. വ​ർ​ഷ​ങ്ങ​ളാ​യി എ​രു​മേ​ലി തെ​ക്ക് വി​ല്ലേ​ജ് ഓ​ഫി​സ് പ്ര​വ​ർ​ത്തി​ച്ചി​രു​ന്ന​ത് എ​രു​മേ​ലി സ്വ​കാ​ര്യ ബ​സ് സ്റ്റാ​ൻ​ഡി​ലെ ഷോ​പ്പി​ങ് കോം​പ്ല​ക്സി​ന്റെ ര​ണ്ടാം നി​ല​യി​ലെ ചെ​റി​യ മു​റി​യി​ലാ​യി​രു​ന്നു. ശു​ചി​മു​റി സൗ​ക​ര്യം പോ​ലു​മി​ല്ലാ​തെ​യാ​ണ് ഓ​ഫി​സ് പ്ര​വ​ർ​ത്തി​ച്ചി​രു​ന്ന​ത്.

ഓ​ഫി​സി​ൽ എ​ത്തു​ന്ന പൊ​തു​ജ​ന​ങ്ങ​ൾ​ക്കും ഏ​റെ ബു​ദ്ധി​മു​ട്ട് നേ​രി​ട്ടി​രു​ന്നു. ഇ​തോ​ടെ എ​രു​മേ​ലി പി.​ഡ​ബ്ല്യു.​ഡി റ​സ്റ്റ് ഹൗ​സി​ന് സ​മീ​പം 10 സെ​ന്റ് സ്ഥ​ലം ല​ഭ്യ​മാ​ക്കു​ക​യും 50 ല​ക്ഷം രൂ​പ അ​നു​വ​ദി​ച്ച് പു​തി​യ സ്മാ​ർ​ട്ട് വി​ല്ലേ​ജ് ഓ​ഫി​സ് കെ​ട്ടി​ടം നി​ർ​മി​ക്കു​ക​യു​മാ​യി​രു​ന്നു. സം​സ്ഥാ​ന നി​ർ​മി​തി കേ​ന്ദ്ര​ത്തി​നാ​യി​രു​ന്നു നി​ർ​മാ​ണ ചു​മ​ത​ല. എ​ന്നാ​ൽ കെ​ട്ടി​ട നി​ർ​മ്മാ​ണം പൂ​ർ​ത്തീ​ക​ര​ണ ഘ​ട്ട​ത്തി​ൽ എ​ത്തി​യ​പ്പോ​ഴേ​ക്കും വി​ല്ലേ​ജ് ഓ​ഫി​സ് കെ​ട്ടി​ടം നി​ർ​മി​ച്ച ഭൂ​മി ദേ​വ​സ്വം വ​ക​യാ​ണെ​ന്നും ഇ​വി​ടെ വി​ല്ലേ​ജ് ഓ​ഫി​സ് പ്ര​വ​ർ​ത്തി​ക്കാ​ൻ അ​നു​വ​ദി​ക്ക​രു​തെ​ന്നും ആ​വ​ശ്യ​പ്പെ​ട്ട് സ്വ​കാ​ര്യ വ്യ​ക്തി കേ​ര​ള ഹൈ​ക്കോ​ട​തി​യി​ൽ ഹ​ര​ജി ന​ൽ​കു​ക​യാ​യി​രു​ന്നു. ഹ​ര​ജി​യെ തു​ട​ർ​ന്ന് ക​ഴി​ഞ്ഞ ഒ​രു വ​ർ​ഷ​ക്കാ​ല​മാ​യി കെ​ട്ടി​ടം തു​റ​ന്നു പ്ര​വ​ർ​ത്തി​ക്കാ​ൻ ക​ഴി​യാ​ത്ത സ്ഥി​തി​യാ​യി​രു​ന്നു.

എ​ന്നാ​ൽ ഭൂ​മി​യു​ടെ രേ​ഖ​ക​ൾ ഹൈ​ക്കോ​ട​തി​യി​ൽ ഹാ​ജ​രാ​ക്കി റ​വ​ന്യൂ ഭൂ​മി​യാ​ണെ​ന്ന് ബോ​ധ്യ​പ്പെ​ട്ട​തി​നെ തു​ട​ർ​ന്ന് ഹൈ​ക്കോ​ട​തി​യി​ൽ നി​ന്നും അ​നു​കൂ​ല വി​ധി ല​ഭി​ച്ചു. തു​ട​ർ​ന്ന് സ​ർ​വേ സൂ​പ്ര​ണ്ടി​ന്റെ നേ​തൃ​ത്വ​ത്തി​ൽ ഭൂ​മി അ​ള​ന്ന് തി​ട്ട​പ്പെ​ടു​ത്തി സ​ർ​ക്കാ​ർ ഭൂ​മി​യാ​ണെ​ന്ന് ഉ​റ​പ്പു​വ​രു​ത്തി പ​ണി പൂ​ർ​ത്തീ​ക​രി​ച്ച വി​ല്ലേ​ജ് ഓ​ഫി​സ് കെ​ട്ടി​ടം തു​റ​ന്നു പ്ര​വ​ർ​ത്തി​ക്കാ​ൻ ഇ​പ്പോ​ൾ സ​ജ്ജ​മാ​ക്കി​യി​രി​ക്കു​ക​യാ​ണ്. ഉ​ദ്ഘാ​ട​ന​ത്തി​നാ​യി റ​വ​ന്യൂ മ​ന്ത്രി കെ. ​രാ​ജ​നെ ക്ഷ​ണി​ച്ചി​ട്ടു​ണ്ടെ​ന്നും ഒ​ക്ടോ​ബ​ർ പ​ത്തി​ന് ശേ​ഷം ഉ​ദ്ഘാ​ട​നം ന​ട​ത്തു​മെ​ന്നും എം.​എ​ൽ.​എ പ​റ​ഞ്ഞു. ശ​ബ​രി​മ​ല തീ​ർ​ഥാ​ട​ന​കാ​ലം ആ​രം​ഭി​ക്കു​ന്ന​തി​നു മു​മ്പ്​ തീ​ർ​ഥാ​ട​ന ഏ​കോ​പ​ന ചു​മ​ത​ല കൂ​ടി​യു​ള്ള എ​രു​മേ​ലി തെ​ക്ക് വി​ല്ലേ​ജ് ഓ​ഫി​സി​ന്റെ പു​തി​യ ഓ​ഫി​സ് പ്ര​വ​ർ​ത്ത​ന​മാ​രം​ഭി​ക്കു​മെ​ന്നും എം.​എ​ൽ.​എ അ​റി​യി​ച്ചു.