മാർമല അരുവിയിൽ ഇനി സുരക്ഷാപൂട്ട്

ഈ​രാ​റ്റു​പേ​ട്ട: മാ​ർ​മ​ല അ​രു​വി സ​ന്ദ​ർ​ശ​ന​ത്തി​ന്​ നി​യ​ന്ത്ര​ണം. ഒ​പ്പം മൂ​ന്ന്​ സു​ര​ക്ഷാ ജീ​വ​ന​ക്കാ​രെ​യും നി​യ​മി​ച്ചു. സു​ര​ക്ഷാ​ക്ര​മീ​ക​ര​ണ​ങ്ങ​ളു​​ടെ അ​ഭാ​വം​മൂ​ലം​ർ നി​ര​ന്ത​രം അ​പ​ക​ട​ത്തി​ൽ​പെ​ടു​ന്ന​ത്​ സം​ബ​ന്ധി​ച്ച്​ ക​ഴി​ഞ്ഞ​ദി​വ​സം ‘മാ​ധ്യ​മം’ വാ​ർ​ത്ത ന​ൽ​കി​യി​രു​ന്നു.

ഇ​തി​നു പി​ന്നാ​ലെ​യാ​ണ്​ തീ​ക്കോ​യി ഗ്രാ​മ​പ​ഞ്ചാ​യ​ത്തി​ന്‍റെ ന​ട​പ​ടി. പ​ഞ്ചാ​യ​ത്ത്, പൊ​ലീ​സ് അ​ഗ്നി​ര​ക്ഷാ​സേ​ന, റ​വ​ന്യൂ ,ടൂ​റി​സം തു​ട​ങ്ങി​യ വ​കു​പ്പു​ക​ളു​ടെ നി​യ​ന്ത്ര​ണ​ത്തി​ലാ​ണ് ക്ര​മീ​ക​ര​ണം ന​ട​പ്പാ​ക്കു​ന്ന​ത്. രാ​വി​ലെ ഏ​ഴ്​ മു​ത​ൽ വൈ​കീ​ട്ട് അ​ഞ്ചു​വ​രെ​യാ​ണ് സ​ന്ദ​ർ​ശ​ന സ​മ​യം. ഇ​തി​ന്​ പ്ര​വേ​ശ​ന പാ​സ് ഏ​ർ​പ്പെ​ടു​ത്തി. 10 വ​യ​സ്സി​നു മു​ക​ളി​ൽ 30 രൂ​പ​യാ​ണ് പാ​സ്. ഇ​തി​നാ​യി മാ​ർ​മ​ല ജ​ങ്​​ഷ​നി​ൽ ഹ​രി​ത ചെ​ക്ക് പോ​സ്റ്റും പ്ര​വേ​ശ​ന ക​വാ​ട​ത്തി​ൽ പ്ര​ത്യേ​ക കൗ​ണ്ട​റും സ​ജ്ജീ​ക​രി​ച്ചു. അ​രു​വി​യി​ലേ​ക്ക് ഇ​റ​ങ്ങാ​ൻ ഇ​നി​മു​ത​ൽ സ​ന്ദ​ർ​ശ​ക​രെ അ​നു​വ​ദി​ക്കു​ക​യി​ല്ല.

40ത​ടി ഉ​യ​ര​ത്തി​ൽ​നി​ന്ന്​​പ​തി​ക്കു​ന്ന വെ​ള്ള​ച്ചാ​ട്ടം കാ​ണാ​ൻ നി​ര​വ​ധി പേ​രാ​ണ് എ​ത്തു​ന്ന​ത്. ഇ​വി​ടെ കു​​ളി​ക്കാ​നി​റ​ങ്ങു​ന്ന​വ​രാ​ണ്​ അ​പ​ക​ട​ത്തി​ൽ​പെ​ടു​ന്ന​ത്. ഒ​ന്ന​ര​വ​ർ​ഷ​ത്തി​നി​ടെ നി​ര​വ​ധി മു​ങ്ങി​മ​ര​ണ​ങ്ങ​ളാ​ണ് ഇ​വി​ടെ സം​ഭ​വി​ച്ച​ത്.