ന​ഗ​ര​സ​ഭ ക​വാ​ട​ത്തി​ൽ ച​ളി​വെ​ള്ളം ഒ​ഴി​ച്ചു; മൂ​ന്നു​പേ​ർ അ​റ​സ്റ്റി​ൽ

ഈ​രാ​റ്റു​പേ​ട്ട: ന​ഗ​ര​സ​ഭ ക​വാ​ട​ത്തി​ൽ ച​ളി​വെ​ള്ളം ഒ​ഴി​ക്കു​ക​യും ജീ​വ​ന​ക്കാ​ര​നെ കൈ​യേ​റ്റം ചെ​യ്യു​ക​യും ചെ​യ്ത സം​ഭ​വ​ത്തി​ൽ മൂ​ന്നു​പേ​രെ പൊ​ലീ​സ് അ​റ​സ്റ്റ്​ ചെ​യ്തു. ന​ട​ക്ക​ൽ പാ​റ​നാ​നി​യി​ൽ ന​ജീ​ബ്, മ​ക​ൻ അ​ൻ​സാ​ർ, സ​ക്കീ​ർ കൊ​ല്ലം​പ​റ​മ്പ് എ​ന്നി​വ​രെ​യാ​ണ്​ പൊ​തു​സ്ഥാ​പ​ന​ത്തി​ൽ അ​തി​ക്ര​മം കാ​ണി​ച്ചു, ജീ​വ​ന​ക്കാ​രു​ടെ കൃ​ത്യ​നി​ർ​വ​ഹ​ണം ത​ട​സ്സ​പ്പെ​ടു​ത്തി എ​ന്നീ വ​കു​പ്പു​ക​ൾ ചു​മ​ത്തി അ​റ​സ്റ്റ്​ ചെ​യ്ത​ത്.

വ്യാ​ഴാ​ഴ്ച രാ​വി​ലെ 11നാ​ണ് സം​ഭ​വം. പാ​തി​വ​ഴി​യി​ലാ​യ ന​ഗ​ര​സ​ഭ ഏ​ഴാം വാ​ർ​ഡി​ലെ ഈ ​ല​ക്ക​യം പ​മ്പ് ഹൗ​സ് റോ​ഡ് സ​ഞ്ചാ​ര​യോ​ഗ്യ​മാ​ക്കാ​ത്ത​തി​ൽ പ്ര​തി​ഷേ​ധി​ച്ച് കാ​ട്ടാ​മ​ല പൗ​ര​സ​മി​തി നേ​തൃ​ത്വ​ത്തി​ൽ ന​ഗ​ര​സ​ഭ ഓ​ഫി​സ് പ​ടി​ക്ക​ലേ​ക്ക് ധ​ർ​ണ സം​ഘ​ടി​പ്പി​ച്ചി​രു​ന്നു. ഈ ​ധ​ർ​ണ​ക്കി​ട​യി​ലാ​ണ് നി​ർ​മാ​ണം ന​ട​ക്കു​ന്ന റോ​ഡി​ലെ ച​ളി​വെ​ള്ള​വു​മാ​യി എ​ത്തി​യ പ്ര​തി​ഷേ​ധ​ക്കാ​രി​ൽ ചി​ല​ർ ന​ഗ​ര​സ​ഭ ക​വാ​ട​ത്തി​ൽ ഒ​ഴി​ച്ച​ത്.

സം​ഭ​വം വി​ഡി​യോ​യി​ൽ പ​ക​ർ​ത്തി​യ ജീ​വ​ന​ക്കാ​ര​ന്റെ ഫോ​ൺ പി​ടി​ച്ചു​വാ​ങ്ങി​ക്കാ​ൻ ശ്ര​മി​ക്കു​ക​യും ജീ​വ​ന​ക്കാ​ര​നെ ഓ​ഫി​സി​ൽ ക​യ​റി ത​ള്ളു​ക​യും ചെ​യ്തു. സെ​ക്ര​ട്ട​റി​യു​ടെ പ​രാ​തി​യി​ൽ ന​ഗ​ര​സ​ഭ​യി​ലെ കാ​മ​റ പ​രി​ശോ​ധി​ച്ച ശേ​ഷ​മാ​ണ് കു​റ്റ​ക്കാ​ർ​ക്കെ​തി​രെ കേ​സെ​ടു​ത്ത​ത്. ഇ​വ​രെ കോ​ട​തി​യി​ൽ ഹാ​ജ​രാ​ക്കി.

കാ​ലാ​വ​സ്ഥ പ്ര​തി​കൂ​ല​മാ​യ​തു​കൊ​ണ്ടാ​ണ് റോ​ഡു​പ​ണി പൂ​ർ​ത്തി​യാ​ക്കാ​ൻ ക​ഴി​യാ​ത്ത​ത് എ​ന്നും മെ​റ്റീ​രി​യ​ലു​ക​ൾ ഇ​റ​ക്കി ഉ​ട​ൻ പ​ണി ആ​രം​ഭി​ക്കു​മെ​ന്നും വാ​ർ​ഡ് കൗ​ൺ​സി​ല​റും ന​ഗ​ര​സ​ഭ വൈ​സ് ചെ​യ​ർ​മാ​നു​മാ​യ അ​ഡ്വ. മു​ഹ​മ്മ​ദ് ഇ​ല്യാ​സ് പ​റ​ഞ്ഞു.