ലോക്​ഡൗൺ: കുടുംബങ്ങൾ പ്രതിസന്ധിയിൽ സാ​മ്പ​ത്തി​ക സ​ഹാ​യം വേ​ണ​മെ​ന്നാ​വ​ശ്യം

ഈ​രാ​റ്റു​പേ​ട്ട: ലോ​ക്​​ഡൗ​ൺ നീ​ളു​ന്ന​തി​നൊ​പ്പം സാ​ധാ​ര​ണ കു​ടും​ബ​ങ്ങ​ളു​ടെ ദു​രി​ത​വും വ​ർ​ധി​ക്കു​ന്നു. ദി​വ​സ​വേ​ത​ന​ത്തി​ന്​ ജോ​ലി ചെ​യ്​​തി​രു​ന്ന നൂ​റു​ക​ണ​ക്കി​നു​പേ​രാ​ണ്​ പ്ര​തി​സ​ന്ധി​യി​ലാ​യി​രി​ക്കു​ന്ന​ത്. വ്യാ​പാ​ര സ്ഥാ​പ​ന​ങ്ങ​ൾ, ഹോ​ട്ട​ലു​ക​ൾ, വ​സ്ത്ര​ശാ​ല​ക​ൾ, സ്വ​ർ​ണ​ക്ക​ട​ക​ൾ എ​ന്നി​വി​ട​ങ്ങ​ളി​ലെ തൊ​ഴി​ലാ​ളി​ക​ൾ, ഓ​ട്ടോ​റി​ക്ഷാ തൊ​ഴി​ലാ​ളി​ക​ൾ, നി​ർ​മാ​ണ തൊ​ഴി​ലാ​ളി​ക​ൾ, സ്വ​കാ​ര്യ ബ​സ്, ലോ​റി, മി​നി ബ​സ്, ടൂ​റി​സ്​​റ്റ്​ ബ​സ് ജീ​വ​ന​ക്കാ​ർ തു​ട​ങ്ങി വീ​ട്ടു​ജോ​ലി ചെ​യ്യു​ന്ന​വ​ർ വ​രെ​യു​ള്ള പ​തി​നാ​യി​ര​ക്ക​ണ​ക്കി​ന് പേ​രു​ടെ ജീ​വി​ത​മാ​ണ് വ​ഴി​മു​ട്ടി​യി​രി​ക്കു​ന്ന​ത്. ഇ​വ​ർ​ക്കാ​ർ​ക്കും തൊ​ഴി​ലോ വ​രു​മാ​ന​മോ ഇ​പ്പോ​ഴി​ല്ല.

മി​നി ലോ​ക്​​ഡൗ​ൺ പ്ര​ഖ്യാ​പി​ച്ച​ത് മു​ത​ൽ ത​ന്നെ ഇ​വ​രി​ൽ പ​ല​ർ​ക്കും തൊ​ഴി​ലി​ല്ലാ​ത്ത സ്ഥി​തി​യാ​ണ് .ചാ​യ​ക്ക​ട​ക​ളി​ൽ 500 രൂ​പ ദി​വ​സ​ക്കൂ​ലി​ക്ക് ചാ​യ​യ​ടി​ക്കു​ന്ന​വ​ർ മു​ത​ൽ വ​സ്ത്ര​വ്യാ​പാ​ര കേ​ന്ദ്ര​ങ്ങ​ളി​ൽ ജോ​ലി ചെ​യ്യു​ന്ന​വ​ർ വ​രെ ഒ​രേ പോ​ലെ ദു​രി​ത​ത്തി​ലാ​ണ്. ക​ഴി‌​ഞ്ഞ വ​ർ​ഷ​ത്തെ ലോ​ക്​​ഡൗ​ണി​െൻറ ദു​രി​ത​ത്തി​ൽ നി​ന്നും ക​ട​ബാ​ധ്യ​ത​ക​ളി​ൽ നി​ന്നും ഇ​നി​യും ഇ​വ​ർ മോ​ചി​ത​രാ​യി​ട്ടി​ല്ല. മാ​സ ശ​മ്പ​ളം വാ​ങ്ങി​യി​രു​ന്ന പ​ല സ്വ​കാ​ര്യ സ്ഥാ​പ​ന​ങ്ങ​ളി​ലെ​യും ജീ​വ​ന​ക്കാ​ർ​ക്ക് ക​ഴി​ഞ്ഞ ലോ​ക്​ ഡൗ​ണി​ൽ ശ​മ്പ​ളം കി​ട്ടി​യി​രു​ന്നി​ല്ല. ഇ​ത്ത​രം തൊ​ഴി​ലാ​ളി​ക​ളെ സം​ര​ക്ഷി​ക്കേ​ണ്ട ചു​മ​ത​ല സ്ഥാ​പ​ന​മാ​ണെ​ന്ന് സ​ർ​ക്കാ​ർ പ​റ​യു​ന്നു​ണ്ടെ​ങ്കി​ലും അ​പ്ര​തീ​ക്ഷി​ത​മാ​യ വ​രു​മാ​ന ന​ഷ്​​ട​മു​ണ്ടാ​യ​തോ​ടെ വേ​ത​നം കൊ​ടു​ക്കാ​നു​ള്ള ശേ​ഷി പ​ല സ്ഥാ​പ​ന​ങ്ങ​ൾ​ക്കു​മി​ല്ല. വി​വി​ധ ക്ഷേ​മ​നി​ധി​ക​ളി​ൽ അം​ഗ​ത്വം ഉ​ള്ള​വ​ർ​ക്ക് സ​ർ​ക്കാ​ർ സ​ഹാ​യ​ധ​നം പ്ര​ഖ്യാ​പി​ച്ചി​രു​ന്നു. എ​ന്നാ​ൽ, അ​സം​ഘ​ടി​ത മേ​ഖ​ല​യി​ലെ തൊ​ഴി​ലാ​ളി​ക​ളി​ൽ മ​ഹാ​ഭൂ​രി​പ​ക്ഷ​വും ഒ​രു ക്ഷേ​മ​നി​ധി ആ​നു​കൂ​ല്യ​ങ്ങ​ളും ല​ഭി​ക്കു​ന്ന​വ​ര​ല്ല.

വ​രു​മാ​നം നി​ല​ച്ച് ദു​രി​ത​ത്തി​ലാ​യ സാ​ധാ​ര​ണ കു​ടും​ബ​ങ്ങ​ളി​ലെ​ല്ലാം മു​ട​ങ്ങാ​തെ മ​രു​ന്ന് ക​ഴി​ക്കേ​ണ്ട രോ​ഗി​ക​ളു​ണ്ട്. നേ​ത്ര​രോ​ഗി​ക​ൾ, പ്ര​മേ​ഹം ബാ​ധി​ച്ച​വ​ർ, ര​ക്താ​തി​മ​ർ​ദ​മു​ള്ള​വ​ർ എ​ന്നി​ങ്ങ​നെ രോ​ഗി​ക​ൾ ഇ​ല്ലാ​ത്ത വീ​ടു​ക​ൾ കു​റ​വാ​ണ്. ഇ​വ​രും ദു​രി​ത​ത്തി​ലാ​ണ്. ഇ​ത്​ ക​ണ​ക്കി​ലെ​ടു​ത്ത്​ കു​ടും​ബ​ങ്ങ​ൾ​ക്ക് നി​ശ്ചി​ത​തു​ക സാ​മ്പ​ത്തി​ക​സ​ഹാ​യം അ​നു​വ​ദി​ക്ക​ണ​മെ​ന്നാ​വ​ശ്യം ശ​ക്​​ത​മാ​യി​രി​ക്കു​ക​യാ​ണ്. ത​മി​ഴ്​​നാ​ട്​ അ​ട​ക്കം ചി​ല സ​ർ​ക്കാ​റു​ക​ൾ സാ​മ്പ​ത്തി​ക സ​ഹാ​യം പ്ര​ഖ്യാ​പി​ച്ചി​രു​ന്നു.