ഈരാറ്റുപേട്ട സ്വകാര്യ ബസ് സ്റ്റാൻഡ്​; പൊളിച്ചുനീക്കൽ ഇഴയുന്നു

ഈ​രാ​റ്റു​പേ​ട്ട: ന​ഗ​ര​സ​ഭ സ്വ​കാ​ര്യ ബ​സ് സ്റ്റാ​ൻ​ഡ്​ പൊ​ളി​ച്ചു​നീ​ക്ക​ൽ ഇ​ഴ​യു​ന്നു. മാ​സ​ങ്ങ​ൾ​ക്ക് മു​മ്പ് ബ​സി​ടി​ച്ച​തി​നെ തു​ട​ർ​ന്ന് മു​ൻ​വ​ശ​ത്തെ ഒ​രു​ഭാ​ഗം റോ​ഡി​ലേ​ക്ക് ഇ​ടി​ഞ്ഞു​വീ​ണി​രു​ന്നു. തു​ട​ർ​ന്നാ​ണ് കാ​ല​പ്പ​ഴ​ക്കം ചെ​ന്ന കെ​ട്ടി​ട​ത്തി​ന്റെ സി​മ​ന്‍റ്​ ഇ​ള​കി​യും ക​മ്പി തെ​ളി​ഞ്ഞും നി​ൽ​ക്കു​ന്ന ഭാ​ഗ​ങ്ങ​ൾ പൊ​ളി​ച്ചു​നീ​ക്കാ​ൻ തീ​രു​മാ​നി​ച്ച​ത്.

അ​ഞ്ചു​ല​ക്ഷം രൂ​പ മു​ട​ക്കി​യാ​ണ് കെ​ട്ടി​ടം ഭാ​ഗി​ക​മാ​യി പൊ​ളി​ച്ച​ത്. എ​ന്നാ​ൽ, ഫി​റ്റ്ന​സു​പോ​ലു​മി​ല്ലാ​ത്ത കെ​ട്ടി​ടം മൂ​ന്ന​ര​ല​ക്ഷം രൂ​പ മു​ട​ക്കി വീ​ണ്ടും പു​തു​ക്കി​പ്പ​ണി​യാ​നു​ള്ള ന​ഗ​ര​സ​ഭ​യു​ടെ നീ​ക്ക​ത്തി​നെ​തി​രെ സി.​പി.​എം രം​ഗ​ത്തു​വ​ന്നി​രു​ന്നു.

മു​ക​ളി​ല​ത്തെ ര​ണ്ടു​നി​ല​ക​ളി​ലും പ്ര​വ​ർ​ത്തി​ക്കു​ന്ന സ്ഥാ​പ​ന​ങ്ങ​ളി​ലേ​ക്ക് പോ​കാ​നു​ള്ള കൈ​വ​രി​ക​ൾ ഉ​ൾ​പ്പെ​ടെ പൊ​ളി​ച്ചു​നീ​ക്കി​യ അ​വ​സ്ഥ​യി​ലാ​ണി​പ്പോ​ൾ. സ്റ്റാ​ൻ​ഡി​നു​ള്ളി​ൽ പ്ര​വ​ർ​ത്തി​ക്കു​ന്ന സ്ഥാ​പ​ന ഉ​ട​മ​ക​ളാ​യ യു.​ഡി.​എ​ഫ് നേ​താ​ക്ക​ളു​ടെ സ​മ്മ​ർ​ദ​ത്തി​ലാ​ണ് ബ​സ് സ്റ്റാ​ൻ​ഡ്​ പൊ​ളി​ച്ചു​നീ​ക്ക​ലി​ൽ​നി​ന്ന്​ ഭ​ര​ണ​സ​മി​തി പി​ന്നോ​ട്ട് വ​ലി​യു​ന്ന​തെ​ന്നാ​ണ്​ പ്ര​തി​പ​ക്ഷ ആ​ക്ഷേ​പം. ന​ഗ​ര​ഹൃ​ദ​യ​ത്തി​ൽ പ്ര​വ​ർ​ത്തി​ക്കു​ന്ന സ്വ​കാ​ര്യ ബ​സ്​ സ്റ്റാ​ൻ​ഡി​ന്​ 40 വ​ർ​ഷ​ത്തി​ല​ധി​കം പ​ഴ​ക്ക​മു​ണ്ട്. കെ​ട്ടി​ട​ത്തി​ന്റെ പ​ല​ഭാ​ഗ​ങ്ങ​ളും വ​ർ​ഷ​ങ്ങ​ളാ​യി ചോ​ർ​ന്നൊ​ലി​ക്കു​ന്ന അ​വ​സ്ഥ​യി​ലാ​ണ്.

ബ​സ് കാ​ത്തി​രു​ന്ന യു​വ​തി​യു​ടെ ത​ല​യി​ൽ കോ​ൺ​ക്രീ​റ്റ് അ​ട​ർ​ന്നു​വീ​ണ് പ​രി​ക്കേ​റ്റ​തി​നെ തു​ട​ർ​ന്നാ​ണ് നെ​റ്റ് വ​ലി​ച്ചു​കെ​ട്ടി മ​റ​ച്ച​ത്. ദി​വ​സേ​ന നൂ​റു​ക​ണ​ക്കി​ന് സ്വാ​കാ​ര്യ ബ​സു​ക​ൾ ക​യ​റു​ന്ന​താ​ണി​വി​ടെ. സ്റ്റാ​ൻ​ഡി​ൽ വ​ന്ന് പോ​കു​ന്ന യാ​ത്ര​ക്കാ​രു​ടെ ജീ​വ​ന് ഒ​രു സു​ര​ക്ഷ​യു​മി​ല്ലാ​ത്ത അ​വ​സ്ഥ​യാ​ണ്. ആ​ധു​നി​ക നി​ല​വാ​ര​ത്തി​ലു​ള്ള ഹൈ​ടെ​ക് ന​ഗ​ര​സ​ഭ കോം​പ്ല​ക്സ് ഉ​ൾ​പ്പെ​ടെ പു​തി​യ ബ​സ് സ്​​റ്റാ​ൻ​ഡി​ന്​ പ്ലാ​ൻ എ​ടു​ത്തെ​ങ്കി​ലും ഇ​തു​വ​രെ ന​ട​പ​ടി​ക​ളി​ലേ​ക്ക്​ ക​ട​ന്നി​ട്ടി​ല്ല