വിവാദ പൊലീസ് റിപ്പോർട്ട് നൽകാനാവില്ലെന്ന്​ വിവരാവകാശ മറുപടി

ഈ​രാ​റ്റു​പേ​ട്ട: മി​നി സി​വി​ൽ സ്​​റ്റേ​ഷ​ന് സ്ഥ​ലം അ​നു​വ​ദി​ക്കു​ന്ന​തു​മാ​യി ബ​ന്ധ​പ്പെ​ട്ട് ജി​ല്ല പൊ​ലീ​സ് മേ​ധാ​വി ന​ൽ​കി​യ തി​രു​ത്തി​യ റി​പ്പോ​ർ​ട്ടി​ന്‍റെ പ​ക​ർ​പ്പ്​​ ന​ൽ​കാ​നാ​വി​ല്ലെ​ന്ന്​ വി​വ​രാ​വ​കാ​ശ​ മ​റു​പ​ടി. ഈ​രാ​റ്റു​പേ​ട്ട​യെ സം​ബ​ന്ധി​ച്ച വി​വാ​ദ പ​രാ​മ​ർ​ശ​ങ്ങ​ൾ നീ​ക്കി​യ​താ​യി മാ​ർ​ച്ച് ആ​റി​ന് മ​ന്ത്രി വി.​എ​ൻ. വാ​സ​വ​ന്‍റെ പ്ര​സ്താ​വ​ന വ​ന്നി​രു​ന്നു.

തു​ട​ർ​ന്നാ​ണ്​ റി​പ്പോ​ർ​ട്ടി​ന്‍റെ പ​ക​ർ​പ്പ്​ ആ​വ​ശ്യ​പ്പെ​ട്ട്​ പൊ​ന്ത​നാ​ൽ മു​ഹ​മ്മ​ദ്‌ ഷെ​രീ​ഫ് ജി​ല്ല പൊ​ലീ​സ് മേ​ധാ​വി കാ​ര്യാ​ല​യ​ത്തി​ലെ പ​ബ്ലി​ക്ക് ഇ​ൻ​ഫ​ർ​മേ​ഷ​ൻ ഓ​ഫി​സ​ർ​ക്ക് വി​വ​രാ​വ​കാ​ശ അ​പേ​ക്ഷ ന​ൽ​കി​യ​ത്. എ​ന്നാ​ൽ, വി​വ​രാ​വ​കാ​ശ നി​യ​മം 8.1 എ ​പ്ര​കാ​രം മ​റു​പ​ടി ന​ൽ​കാ​ൻ സാ​ധി​ക്കി​ല്ലെ​ന്നാ​ണ് മ​റു​പ​ടി ന​ൽ​കി​യി​രി​ക്കു​ന്ന​ത്.

രാ​ജ്യ​ത്തി​ന്‍റെ പ​ര​മാ​ധി​കാ​ര​ത്തെ​യും അ​ഖ​ണ്ഡ​ത​യെ​യും സു​ര​ക്ഷി​ത​ത്വ​ത്തെ​യും ബാ​ധി​ക്കു​ന്ന വി​വ​രം വെ​ളി​പ്പെ​ടു​ത്ത​ലി​ൽ നി​ന്ന്​ ഒ​ഴി​വാ​ക്കി​യെ​ന്നാ​ണ് വി​വ​രാ​വ​കാ​ശ നി​യ​മം 8.1 എ ​പ​റ​യു​ന്ന​ത്. വി​ഷ​യ​ത്തി​ൽ നി​യ​മ ന​ട​പ​ടി സ്വീ​ക​രി​ക്കു​മെ​ന്ന് ജ​ന​കീ​യ വി​ക​സ​ന ഫോ​റം പ്ര​സി​ഡ​ന്‍റ്​ കൂ​ടി​യാ​യ ഷെ​രീ​ഫ് പ​റ​ഞ്ഞു. ജി​ല്ല പൊ​ലീ​സ്​ മേ​ധാ​വി സം​സ്ഥാ​ന പൊ​ലീ​സ് മേ​ധാ​വി​ക്ക് ന​ൽ​കി​യ റി​പ്പോ​ർ​ട്ടി​ന്‍റെ കോ​പ്പി 2023 ഒ​ക്ടോ​ബ​ർ 10നാ​ണ് സം​സ്ഥാ​ന പൊ​ലീ​സ് മേ​ധാ​വി​യു​ടെ കാ​ര്യാ​ല​യ​ത്തി​ൽ നി​ന്ന് വി​വ​രാ​വ​കാ​ശ നി​യ​മ​പ്ര​കാ​രം ഷ​രീ​ഫി​ന് ല​ഭി​ച്ച​ത്. ഈ ​റി​പ്പോ​ർ​ട്ട് തി​രു​ത്തി​യെ​ന്നാ​ണ് മാ​ർ​ച്ച് ആ​റി​ന്​ മ​ന്ത്രി പ്ര​സ്താ​വ​ന ഇ​റ​ക്കി​യ​ത്. ഈ​രാ​റ്റു​പേ​ട്ട​യി​ൽ ചേ​ർ​ന്ന മ​ഹ​ല്ല് ഭാ​ര​വാ​ഹി​ക​ളു​ടെ യോ​ഗ​ത്തി​ലും റി​പ്പോ​ർ​ട്ട് തി​രു​ത്തു​മെ​ന്ന് മ​ന്ത്രി വാ​ക്ക് ന​ൽ​കി​യി​രു​ന്നു.