പരാതി പറഞ്ഞ് മടുത്തു; സർക്കസ് പഠിക്കണം ഈ റോഡിലെ യാത്രക്ക്
text_fieldsതകർന്നു തരിപ്പണമായ എലിപ്പുലിക്കാട്ട് കടവ് റോഡ്
കോട്ടയം: റബർ ബോർഡ്-എ.ആർ ക്യാമ്പ്-എലിപ്പുലിക്കാട്ട് കടവ് റോഡ് തകർന്ന് തരിപ്പണമായി. അൽപം സർക്കസുകൂടി അറിഞ്ഞാലേ ഇതുവഴി യാത്ര ചെയ്യാനാവൂ എന്നാണ് നാട്ടുകാർ പറയുന്നത്. ഇരുചക്ര വാഹന യാത്രികർ ഏറെ ബുദ്ധിമുട്ടിയാണ് കടന്നുപോകുന്നത്. ഈ റോഡിലൂടെയുള്ള യാത്രയിൽ വീണ് പരിക്കേറ്റവർ നിരവധിയാണ്. രാത്രിയും പകലും നൂറുകണക്കിന് വാഹനങ്ങൾ കടന്നുപോകുന്ന വഴിയാണിത്.
നഗരസഭയിലെ 14ാം വാർഡിൽ ഉൾപ്പെടുന്ന എലിപ്പുലിക്കാട്ട് കടവ് റോഡിന്റെ ദുരിതം ഇന്നും ഇന്നലെയും തുടങ്ങിയതല്ല. രണ്ടു വർഷമായി നാട്ടുകാരും പ്രദേശവാസികളും പരാതി പറഞ്ഞുമടുത്തു. എം.സി റോഡിലെ നട്ടാശ്ശേരിയിൽനിന്ന് കെ.കെ റോഡിലെ കഞ്ഞിക്കുഴിയിലേക്ക് എത്താനുള്ള എളുപ്പവഴിയാണിത്. പാലാ, അയർക്കുന്നം ഭാഗത്തുനിന്ന് നിരവധി വാഹനങ്ങൾ കോട്ടയം നഗരം ഒഴിവാക്കി ഈ റോഡിലൂടെയാണ് കെ.കെ റോഡിലേക്ക് എത്തുന്നത്. എന്നാൽ, ഇതൊന്നും അധികൃതർക്കു വിഷയമല്ല. റോഡ് നന്നാക്കാൻ ആർക്കും താൽപര്യവുമില്ല.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

