പേവിഷബാധയേറ്റ നായ കടിച്ച അന്തർസംസ്ഥാന തൊഴിലാളിയെ കണ്ടെത്താൻ തീവ്രശ്രമം

കോ​ട്ട​യം: പേ​വി​ഷ​ബാ​ധ​യേ​റ്റ നാ​യ ക​ടി​ച്ച അ​ന്ത​ർ സം​സ്ഥാ​ന തൊ​ഴി​ലാ​ളി​യെ ക​ണ്ടെ​ത്താ​നാ​കാ​ത്ത​ത്​ ആ​ശ​ങ്ക വ​ർ​ധി​പ്പി​ക്കു​ന്നു. ഇ​യാ​ളെ ക​ണ്ടെ​ത്താ​ൻ ആ​രോ​ഗ്യ വ​കു​പ്പ്​ ജി​ല്ല പൊ​ലീ​സി​ന്‍റെ സ​ഹാ​യം തേ​ടി. ക​ടി​ച്ച നാ​യ​ക്ക്​ പേ​വി​ഷ ബാ​ധ​യു​ണ്ടെ​ന്ന്​ തൊ​ഴി​ലാ​ളി അ​റി​ഞ്ഞി​രി​ക്കാ​ൻ സാ​ധ്യ​ത​യി​ല്ലെ​ന്നാ​ണ്​ അ​ധി​കൃ​ത​ർ പ​റ​യു​ന്ന​ത്. ഇ​ത്​ സ​ങ്കീ​ർ​ണ​ത വ​ർ​ധി​പ്പി​ക്കു​ക​യാ​ണ്. സെ​പ്റ്റം​ബ​ർ 17ന്​ ​രാ​ത്രി​യാ​ണ്​ കോ​ട്ട​യം ന​ഗ​ര​ത്തി​ൽ നാ​ലു​വ​യ​സ്സു​കാ​ര​ൻ ഉ​ൾ​പ്പ​ടെ 11 പേ​രെ തെ​രു​വു​നാ​യ ക​ടി​ച്ച​ത്.

തി​രു​വ​ന​ന്ത​പു​ര​ത്ത് താ​മ​സി​ക്കു​ന്ന അ​ന്ത​ർ സം​സ്ഥാ​ന തൊ​ഴി​ലാ​ളി ലു​ക്കു, ത​മി​ഴ്​​നാ​ട്​ സ്വ​ദേ​ശി ദി​നേ​ഷ് കു​മാ​ർ എ​ന്നി​വ​ർ​ക്കും ക​ടി​യേ​റ്റി​രു​ന്നു. ഇ​വ​ർ​ക്കു പ്ര​തി​രോ​ധ കു​ത്തി​വ​യ്പി​ന്റെ ആ​ദ്യ​ഡോ​സ് ന​ൽ​കി. ശേ​ഷം ഇ​വ​ർ ആ​ശു​പ​ത്രി വി​ട്ടു. തു​ട​ർ​ന്നാ​ണ്​ നാ​യ​ക്ക്​ പേ​വി​ഷ​ബാ​ധ സ്ഥി​രീ​ക​രി​ച്ച​ത്.

പി​ന്നാ​ലെ ദി​നേ​ഷ് കു​മാ​റി​നെ ആ​രോ​ഗ്യ വ​കു​പ്പ് ക​ണ്ടെ​ത്തി പ്ര​തി​രോ​ധ കു​ത്തി​വെ​പ്പ്​ എ​ടു​ക്കു​ന്നു​ണ്ടെ​ന്ന് ഉ​റ​പ്പാ​ക്കി. എ​ന്നാ​ൽ ലു​ക്കു​വി​നെ ക​ണ്ടെ​ത്താ​നാ​യി​ല്ല. വെ​സ്റ്റ് പൊ​ലീ​സ്​ സ്റ്റേ​ഷ​നി​ൽ ജ​ന​റ​ൽ ആ​ശു​പ​ത്രി അ​ധി​കൃ​ത​ർ പ​രാ​തി ന​ൽ​കി​യ​താ​യാ​ണ്​ വി​വ​രം.

ആ​ദ്യം പൊ​ലീ​സി​ൽ വി​വ​രം അ​റി​യി​ച്ചെ​ങ്കി​ലും ലു​ക്കു​വി​ന്റെ ചി​ത്രം ല​ഭി​ക്കാ​ത്ത​ത് അ​ന്വേ​ഷ​ണ​ത്തി​നു ത​ട​സ്സ​മാ​യി. ആ​ശു​പ​ത്രി അ​ധി​കൃ​ത​ർ സി.​സി.​ടി.​വി ദൃ​ശ്യ​ത്തി​ൽ​നി​ന്നു ശേ​ഖ​രി​ച്ച ചി​ത്ര​മ​ട​ക്കം കൈ​മാ​റും. ജി​ല്ല ജ​ന​റ​ൽ ആ​ശു​പ​ത്രി​യി​ലും മെ​ഡി​ക്ക​ൽ കോ​ള​ജി​ലു​മാ​യി ക​ടി​യേ​റ്റ 11 പേ​ർ​ക്കും വാ​ക്സി​ൻ ന​ൽ​കി. തു​ട​ർ​ന്ന് 3,7,28 ദി​വ​സ​ങ്ങ​ളി​ൽ പ്ര​തി​രോ​ധ കു​ത്തി​വെ​പ്പ്​ എ​ടു​ക്ക​ണ​മെ​ന്നു നി​ർ​ദേ​ശി​ച്ചു.

പേ​വി​ഷ ബാ​ധ സ്ഥി​രീ​ക​രി​ക്കു​ന്ന​തി​നു മു​മ്പേ കു​ത്തി​വെ​പ്പ്​ ന​ൽ​കി​യെ​ങ്കി​ലും തു​ട​ർ കു​ത്തി​വെ​പ്പ്​ കൃ​ത്യ​മാ​യി എ​ടു​ത്താ​ലേ പ്ര​യോ​ജ​നം ല​ഭി​ക്കൂ എ​ന്ന്​ ആ​രോ​ഗ്യ​വ​കു​പ്പ് തൊ​ഴി​ലാ​ളി​ക​ളെ അ​റി​യി​ച്ചി​രു​ന്നു.

നാ​ട്ടു​കാ​രെ ക​ടി​ച്ച തെ​രു​വു​നാ​യ ച​ത്ത​തോ​ടെ മൃ​ഗ​സം​ര​ക്ഷ​ണ വ​കു​പ്പ് ന​ട​ത്തി​യ പ​രി​ശോ​ധ​ന​യി​ലാ​ണ്​ പേ​വി​ഷ​ബാ​ധ സ്ഥി​രീ​ക​രി​ച്ച​ത്.