കോ​ട്ട​യം ജില്ലയിൽ 32 ആശുപത്രിയിൽ ഇ-ഹെൽത്ത് സംവിധാനം

കോ​ട്ട​യം: ജി​ല്ല​യി​ലെ 32 സ​ർ​ക്കാ​ർ ആ​ശു​പ​ത്രി​ക​ളി​ൽ ഡി​ജി​റ്റ​ൽ സേ​വ​ന​ങ്ങ​ൾ ന​ൽ​കു​ന്ന ഇ-​ഹെ​ൽ​ത്ത് സം​വി​ധാ​നം ന​ട​പ്പാ​യ​താ​യി ജി​ല്ല മെ​ഡി​ക്ക​ൽ ഓ​ഫി​സ​ർ ഡോ. ​എ​ൻ. പ്രി​യ അ​റി​യി​ച്ചു. ഇ​തോ​ടെ ആ​കെ​യു​ള്ള 80 ആ​രോ​ഗ്യ സ്ഥാ​പ​ന​ങ്ങ​ളി​ൽ 40 ശ​ത​മാ​ന​വും ഡി​ജി​റ്റ​ൽ സേ​വ​ന​ങ്ങ​ൾ ന​ൽ​കി തു​ട​ങ്ങി. ഈ ​ആ​ശു​പ​ത്രി​ക​ളി​ൽ ഒ.​പി ര​ജി​സ്‌​ട്രേ​ഷ​ൻ, പ്രീ ​ചെ​ക്ക്, ക​ൺ​സ​ൾ​ട്ടേ​ഷ​ൻ, ല​ബോ​റ​ട്ട​റി പ​രി​ശോ​ധ​ന, ഫാ​ർ​മ​സി തു​ട​ങ്ങി​യ എ​ല്ലാ​ഘ​ട്ട​ങ്ങ​ളി​ലും ഡി​ജി​റ്റ​ൽ സേ​വ​ന​ങ്ങ​ൾ ല​ഭ്യ​മാ​കും. തു​ട​ർ​ന്നു​ള്ള ചി​കി​ത്സ​ക്കും ഇ-​ഹെ​ൽ​ത്ത് സം​വി​ധാ​ന​മു​ള്ള മ​റ്റ് ആ​ശു​പ​ത്രി​ക​ളി​ൽ തു​ട​ർ​സേ​വ​ന​ങ്ങ​ൾ ഡി​ജി​റ്റ​ലാ​യി ന​ൽ​കും. രോ​ഗി​യു​ടെ സ്വ​കാ​ര്യ​ത​യും വി​വ​ര​ങ്ങ​ളു​ടെ ര​ഹ​സ്യാ​ത്മ​ക​ത​യും പൂ​ർ​ണ​മാ​യി സം​ര​ക്ഷി​ച്ചു​കൊ​ണ്ടാ​ണ് ഡി​ജി​റ്റ​ൽ സേ​വ​ങ്ങ​ൾ ന​ൽ​കു​ക. ഒ​രു വ​ർ​ഷ​ത്തി​ന​കം ജി​ല്ല​യി​ലെ എ​ല്ലാ ആ​ശു​പ​ത്രി​യി​ലും ഇ-​ഹെ​ൽ​ത്ത് സം​വി​ധാ​നം ന​ട​പ്പാ​ക്കും.

ഡി​ജി​റ്റ​ൽ സേ​വ​ന​ങ്ങ​ൾ ല​ഭ്യ​മാ​കാ​ൻ എ​ല്ലാ​വ​രും യൂ​ണി​ക് ഐ​ഡ​ന്റി​ഫി​ക്കേ​ഷ​ൻ ന​മ്പ​ർ എ​ടു​ക്കേ​ണ്ട​ത് അ​ത്യാ​വ​ശ്യ​മാ​ണ്. ഈ ​ന​മ്പ​റു​ള്ള കാ​ർ​ഡ് ഉ​പ​യോ​ഗി​ച്ചാ​കും ആ​രോ​ഗ്യ​സേ​വ​ങ്ങ​ൾ ന​ൽ​കു​ക. ജീ​വി​ത​ശൈ​ലീ​രോ​ഗ നി​ർ​ണ​യ​ത്തി​നു​ള്ള ശൈ​ലി അ​പ്ലി​ക്കേ​ഷ​ൻ, അ​ർ​ബു​ദ നി​ർ​ണ​യ​ത്തി​നു​ള്ള ക്യാ​ൻ കോ​ട്ട​യം തു​ട​ങ്ങി​യ സ​ർ​ക്കാ​ർ പ​ദ്ധ​തി​ക​ളി​ൽ പ​രി​ശോ​ധ​ന സു​ഗ​മ​മാ​യി ന​ട​ത്തു​ന്ന​തി​നും ന​മ്പ​ർ ആ​വ​ശ്യ​മാ​ണ്.

https://ehealth.kerala.gov.in/portal/uhid-reg എ​ന്ന ലി​ങ്കി​ൽ ക്ലി​ക്ക് ചെ​യ്ത് ആ​ധാ​ർ ന​മ്പ​ർ ന​ൽ​കി​യാ​ൽ യൂ​ണി​ക് ഹെ​ൽ​ത്ത് ഐ.​ഡി ന​മ്പ​ർ സൗ​ജ​ന്യ​മാ​യി ല​ഭി​ക്കും. ഇ-​ഹെ​ൽ​ത്ത് സം​വി​ധാ​നം ല​ഭ്യ​മാ​യ ആ​ശു​പ​ത്രി​ക​ളി​ൽ​നി​ന്ന് ബാ​ർ​കോ​ഡ് ഉ​ൾ​പ്പെ​ടെ​യു​ള്ള കാ​ർ​ഡ് പ്രി​ന്റ് ചെ​യ്ത് ല​ഭി​ക്കും.