പൊടിയും ഗതാഗതക്കുരുക്കും; അടിപ്പാത പൂർത്തിയാകുന്നതുവരെ പാടുപെടും

ഗാ​ന്ധി​ന​ഗ​ർ: മെ​ഡി​ക്ക​ൽ കോ​ള​ജി​ലേ​ക്ക് ബ​സ് സ്റ്റാ​ൻ​ഡി​ൽ നി​ന്ന്​ ഭൂ​ഗ​ർ​ഭ പാ​ത നി​ർ​മി​ക്കു​ന്ന​തു മൂ​ല​മു​ണ്ടാ​കു​ന്ന ഗ​താ​ഗ​ത​ക്കു​രു​ക്ക് ആം​ബു​ല​ൻ​സി​ൽ വ​രു​ന്ന രോ​ഗി​ക​ൾ​ക്കും യാ​ത്ര​ക്കാ​ർ​ക്കും ബു​ദ്ധി​മു​ട്ടാ​കു​ന്നു. ഇ​പ്പോ​ൾ ബ​സ് സ്റ്റാ​ൻ​ഡി​ന​ക​ത്ത്​ ത​ല​ങ്ങും വി​ല​ങ്ങും വാ​ഹ​ന​ങ്ങ​ൾ പോ​കു​ന്ന അ​വ​സ്ഥ​യാ​ണ്. ഇ​തു​മൂ​ലം​​ മെ​ഡി​ക്ക​ൽ കോ​ള​ജി​ലേ​ക്ക് രോ​ഗി​ക​ളു​മാ​യി എ​ത്തു​ന്ന വാ​ഹ​ന​ങ്ങ​ൾ​ക്ക് യ​ഥാ​സ​മ​യം ആ​ശു​പ​ത്രി​യി​ൽ എ​ത്താ​ൻ ക​ഴി​യു​ന്നി​ല്ല. ക​ഴി​ഞ്ഞ ദി​വ​സം ഡ​യാ​ലി​സി​സി​ന് പോ​കേ​ണ്ട ഒ​രു രോ​ഗി ഓ​ട്ടോ​റി​ക്ഷ​യി​ൽ വ​ര​വേ സ്റ്റാ​ൻ​ഡി​ന​ക​ത്തെ ഗ​താ​ഗ​ത​ക്കു​രു​ക്കി​ൽ​പ്പെ​ട്ട് കി​ട​ന്നു.

ഈ ​സ​മ​യം മ​റ്റ് വാ​ഹ​ന​ങ്ങ​ൾ പോ​യ​പ്പോ​ഴു​ണ്ടാ​യ പൊ​ടി ശ​ല്യം മൂ​ലം ഇ​വ​ർ ഒാ​ട്ടോ​റി​ക്ഷ​യി​ലി​രു​ന്ന് ര​ക്തം ഛർ​ദി​ച്ചു. ഉ​ട​ൻ ത​ന്നെ ഓ​ട്ടോ ഡ്രൈ​വ​ർ​മാ​ർ ചേ​ർ​ന്ന് ഇ​വ​രെ ആ​ശു​പ​ത്രി​യി​ൽ എ​ത്തി​ക്കു​ക​യാ​യി​രു​ന്നു. പാ​ത നി​ർ​മാ​ണ​ത്തി​ന്‍റെ ഭാ​ഗ​മാ​യി ബ​സ് സ്റ്റാ​ൻ​ഡി​ന് സ​മീ​പ​ത്തെ കാ​ത്തി​രി​പ്പു​കേ​ന്ദ്രം ജെ.​സി.​ബി ഉ​പ​യോ​ഗി​ച്ച് ത​ക​ർ​ത്ത്​ പൂ​ഴി വി​രി​ച്ചാ​ണ്​ വീ​തി കൂ​ട്ടി​യ​ത്. അ​തി​നാ​ൽ ഏ​ത് വാ​ഹ​ന​ങ്ങ​ൾ പോ​യാ​ലും പൊ​ടി പ​റ​ക്കും. ബ​സ് സ്റ്റാ​ൻ​ഡി​ന​ക​ത്തെ തി​ര​ക്ക് ഒ​ഴി​വാ​ക്കാ​ൻ ആം​ബു​ല​ൻ​സ് അ​ട​ക്ക​മു​ള്ള വാ​ഹ​ന​ങ്ങ​ൾ​ക്ക് ആ​ശു​പ​ത്രി​യി​ൽ പ്ര​വേ​ശി​ക്കാ​ൻ മ​റ്റൊ​രു ​ഗേ​റ്റ് തു​റ​ന്നു​കൊ​ടു​ക്ക​ണ​മെ​ന്നാ​ണ് ആ​വ​ശ്യം.