തെരഞ്ഞെടുപ്പുകാല പരിശോധന: കോ​ട്ട​യത്ത് 10.18 കിലോ കഞ്ചാവ് പിടിച്ചു, 243 പേരെ അറസ്റ്റ്​ ചെയ്തു

കോ​ട്ട​യം: ലോ​ക്‌​സ​ഭ തെ​ര​ഞ്ഞെ​ടു​പ്പി​നോ​ട​നു​ബ​ന്ധി​ച്ച് ജി​ല്ല​യി​ൽ ഇ​തു​വ​രെ എ​ക്‌​സൈ​സ് ന​ട​ത്തി​യ പ​രി​ശോ​ധ​ന​ക​ളി​ൽ 10.184 കി​ലോ ക​ഞ്ചാ​വ് പി​ടി​ച്ചെ​ടു​ത്ത​താ​യും പ​രി​ശോ​ധ​ന ശ​ക്ത​മാ​ക്കി​യ​താ​യും ഡെ​പ്യൂ​ട്ടി ക​മീ​ഷ​ണ​ർ അ​റി​യി​ച്ചു. 32.066 ഗ്രാം ​ബ്രൗ​ൺ ഷു​ഗ​റും 7.8 ഗ്രാം ​എം.​ഡി.​എം.​എ.​യും 0.408 ഗ്രാം ​മെ​ത്താം​ഫി​റ്റ​മി​നും 21.84 ഗ്രാം ​നൈ​ട്രോ​സെ​പാം ഗു​ളി​ക​ക​ളും മെ​ഫെ​ന്റ​ർ​മൈ​ൻ സ​ൾ​ഫേ​റ്റ് ഐ.​പി.​യും പി​ടി​ച്ചെ​ടു​ത്തു. 93 മ​യ​ക്കു​മ​രു​ന്നു​കേ​സു​ക​ളി​ലാ​യി 94 പേ​ർ അ​റ​സ്റ്റി​ലാ​യി. 15110 രൂ​പ​യും അ​ഞ്ചു വാ​ഹ​ന​ങ്ങ​ളും പി​ടി​ച്ചെ​ടു​ത്തു.

തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ച ശേ​ഷം എ​ക്‌​സൈ​സ് 1246 പ​രി​ശോ​ധ​ന​ക​ളും മ​റ്റു വ​കു​പ്പു​ക​ളു​മാ​യി ചേ​ർ​ന്ന് 24 പ​രി​ശോ​ധ​ന​ക​ളും ന​ട​ത്തി. 846 കേ​സെ​ടു​ത്തു. 400 ലി​റ്റ​ർ ഇ​ന്ത്യ​ൻ നി​ർ​മി​ത വി​ദേ​ശ​മ​ദ്യ​വും 13 ലി​റ്റ​ർ ചാ​രാ​യ​വും 73.9 ലി​റ്റ​ർ ബി​യ​റും 1830.750 ലി​റ്റ​ർ വൈ​നും 215 ലി​റ്റ​ർ ക​ള്ളും 430 ലി​റ്റ​ർ വാ​ഷും മ​റ്റു സം​സ്ഥാ​ന​ങ്ങ​ളി​ൽ​നി​ന്നു കൊ​ണ്ടു​വ​ന്ന 13.5 ലി​റ്റ​ർ മ​ദ്യ​വും പി​ടി​ച്ചെ​ടു​ത്തു. 50594 രൂ​പ​യും അ​ഞ്ചു വാ​ഹ​ന​ങ്ങ​ളും പി​ടി​ച്ചെ​ടു​ത്തി​ട്ടു​ണ്ട്.

ലൈ​സ​ൻ​സ് നി​ബ​ന്ധ​ന​ക​ൾ​ക്ക് വി​രു​ദ്ധ​മാ​യി പ്ര​വ​ർ​ത്തി​ച്ച ഒ​മ്പ​ത്​ സ്ഥാ​പ​ന​ങ്ങ​ളി​ൽ​നി​ന്ന് 202.5 ലി​റ്റ​ർ ക​ള്ളും അ​ഞ്ചു ലി​റ്റ​ർ ഇ​ന്ത്യ​ൻ നി​ർ​മി​ത വി​ദേ​ശ​മ​ദ്യ​വും 185.85 ലി​റ്റ​ർ ബി​യ​റും 750 മി​ല്ലീ​ലി​റ്റ​ർ വൈ​നും പി​ടി​ച്ചെ​ടു​ത്തു. 143 അ​ബ്കാ​രി കേ​സു​ക​ളി​ലാ​യി 149 പേ​രെ അ​റ​സ്റ്റ് ചെ​യ്തു. 595 കോ​ട്പ കേ​സു​ക​ളി​ലാ​യി 107.66 കി​ലോ പു​ക​യി​ല ഉ​ൽ​പ​ന്ന​ങ്ങ​ൾ പി​ടി​ച്ചെ​ടു​ത്തു. 1,22,000 രൂ​പ പി​ഴ​യീ​ടാ​ക്കി.

കോ​ട്ട​യം എ​ക്‌​സൈ​സ് ഡി​വി​ഷ​ൻ ഓ​ഫി​സി​ൽ 24 മ​ണി​ക്കൂ​റും ക​ൺ​ട്രോ​ൾ റൂം ​പ്ര​വ​ർ​ത്തി​ക്കു​ന്നു. മ​റ്റു ജി​ല്ല​ക​ളി​ൽ​നി​ന്ന് മ​യ​ക്കു​മ​രു​ന്നും വ്യാ​ജ​മ​ദ്യ​വും വാ​ഹ​ന​ങ്ങ​ളി​ലൂ​ടെ ക​ട​ത്തു​ന്ന​ത് ത​ട​യാ​ൻ ജി​ല്ല​യു​ടെ അ​തി​ർ​ത്തി​ക​ളി​ൽ വാ​ഹ​ന​പ​രി​ശോ​ധ​ന ശ​ക്ത​മാ​ക്കി. ഇ​തി​നാ​യി 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന ര​ണ്ടു സ്‌​ട്രൈ​ക്കി​ങ് ഫോ​ഴ്‌​സ് സം​ഘ​വും ഹൈ​വേ പെ​ട്രോ​ൾ സം​ഘ​വു​മു​ണ്ട്. ജി​ല്ല​യി​ലെ ര​ണ്ട് കെ.​എ​സ്.​ബി.​സി. ഗോ​ഡൗ​ണു​ക​ളി​ലും ഒ​രു ഡി​സ്റ്റ​ല​റി​യി​ലും സി.​സി.​ടി.​വി സ്ഥാ​പി​ച്ച് നി​രീ​ക്ഷ​ണം ന​ട​ത്തു​ന്നു​ണ്ട്.