60 കോടി കുടിശ്ശിക; മീനച്ചിൽ കുടിവെള്ള പദ്ധതി മുടങ്ങി

മു​ട്ടം: കോ​ട്ട​യം ജി​ല്ല​യി​ലെ 13 പ​ഞ്ചാ​യ​ത്തു​ക​ളി​ലേ​ക്ക് കു​ടി​വെ​ള്ളം എ​ത്തി​ക്കു​ന്ന മീ​ന​ച്ചി​ൽ കു​ടി​വെ​ള്ള പ​ദ്ധ​തി​യു​ടെ നി​ർ​മാ​ണ പ്ര​വൃ​ത്തി​ക​ൾ മു​ട​ങ്ങി. ക​രാ​റു​കാ​ർ​ക്ക് 60 കോ​ടി രൂ​പ കു​ടി​ശ്ശി​ക​യാ​യ​തി​നെ തു​ട​ർ​ന്നാ​ണ് നി​ർ​മാ​ണം നി​ർ​ത്തി​യ​ത്. സം​സ്ഥാ​നം ന​ൽ​കേ​ണ്ട വി​ഹി​ത​ത്തി​ൽ മു​ട​ക്കം വ​രു​ത്തി​യ​തോ​ടെ കേ​ന്ദ്ര​വും ഫ​ണ്ട് ന​ൽ​കു​ന്നി​ല്ലെ​ന്ന് ഉ​ദ്യോ​ഗ​സ്ഥ​ർ പ​റ​യു​ന്നു. 1243 കോ​ടി രൂ​പ​യാ​ണ് പ​ദ്ധ​തി​ക്ക് വേ​ണ്ടി വ​രു​ന്ന ആ​കെ ചെ​ല​വ്. 15 ക​രാ​റു​ക​ളാ​യി​ട്ടാ​ണ്​ പ​ദ്ധ​തി ന​ട​പ്പാ​ക്കു​ന്ന​ത്. ഇ​തി​ൽ പ​ണം ല​ഭി​ക്കാ​ത്ത ക​രാ​റു​കാ​ർ പ​ണി നി​ർ​ത്തി​വെ​ച്ചി​രി​ക്കു​ക​യാ​ണ്. കു​ടി​ശ്ശി​ക ല​ഭി​ക്കാ​തെ തു​ട​ർ​പ്ര​വൃ​ത്തി​ക​ൾ ന​ട​ത്താ​ൻ സാ​ധി​ക്കി​ല്ലെ​ന്നാ​ണ് ക​രാ​റു​കാ​രു​ടെ നി​ല​പാ​ട്.

മൂ​ന്നി​ല​വ്, മേ​ലു​കാ​വ്, ക​ട​നാ​ട്, രാ​മ​പു​രം, തി​ട​നാ​ട്, ഭ​ര​ണ​ങ്ങാ​നം, മീ​ന​ച്ചി​ൽ, ത​ല​പ്പ​ലം, ത​ല​നാ​ട്, തീ​ക്കോ​യി, പൂ​ഞ്ഞാ​ർ, പൂ​ഞ്ഞാ​ർ തെ​ക്കേ​ക്ക​ര, കു​ട്ടി​ക്ക​ൽ പ​ഞ്ചാ​യ​ത്തു​ക​ളാ​ണ് പ​ദ്ധ​തി​യു​ടെ ഉ​പ​ഭോ​ക്താ​ക്ക​ൾ. മൂ​ന്നി​ല​വ് 77.59 കോ​ടി, ക​ട​നാ​ട് 95.40 കോ​ടി, രാ​മ​പു​രം 146.75 കോ​ടി, ത​ല​നാ​ട് 55.83 കോ​ടി, മേ​ലു​കാ​വ് 75.12 കോ​ടി, പൂ​ഞ്ഞാ​ർ 86.81 കോ​ടി, പൂ​ഞ്ഞാ​ർ തെ​ക്കേ​ക്ക​ര 100.83 കോ​ടി, തീ​ക്കോ​യി 97.95 കോ​ടി, തി​ട​നാ​ട് 111.68 കോ​ടി, മീ​ന​ച്ചി​ൽ 111.37 കോ​ടി, ഭ​ര​ണ​ങ്ങാ​നം 92.79 കോ​ടി, കൂ​ട്ടി​ക്ക​ൽ 148.74 കോ​ടി, ത​ല​പ്പ​ലം 49.24 കോ​ടി എ​ന്നി​ങ്ങ​നെ​യാ​ണ് ഓ​രോ പ​ഞ്ചാ​യ​ത്തു​ക​ൾ​ക്കും തു​ക വ​ക​യി​രു​ത്തി​യി​രി​ക്കു​ന്ന​ത്.

ഈ ​പ​ദ്ധ​തി പൂ​ർ​ത്തി​യാ​കു​മ്പോ​ൾ പാ​ലാ നി​യോ​ജ​ക മ​ണ്ഡ​ല​ത്തി​ലെ എ​ട്ടും പൂ​ഞ്ഞാ​ർ നി​യോ​ജ​ക മ​ണ്ഡ​ല​ത്തി​ലെ അ​ഞ്ച്​ പ​ഞ്ചാ​യ​ത്തി​ലെ​യും കു​ടി​വെ​ള്ള പ്ര​ശ്ന​ങ്ങ​ൾ​ക്ക് ശാ​ശ്വ​ത പ​രി​ഹാ​ര​മാ​കു​മെ​ന്നാ​ണ്​ വി​ല​യി​രു​ത്ത​ൽ.

പ​ദ്ധ​തി​യി​ലൂ​ടെ അ​ര​ല​ക്ഷ​ത്തോ​ളം കു​ടും​ബ​ങ്ങ​ൾ​ക്ക് വ​ർ​ഷം മു​ഴു​വ​ൻ ശു​ദ്ധ​ജ​ലം ല​ഭി​ക്കും. പ്ര​തി​ദി​നം 40 ദ​ശ​ല​ക്ഷം ലി​റ്റ​ർ കു​ടി​വെ​ള്ളം വി​ത​ര​ണം ചെ​യ്യാ​നാ​ണ് പ​ദ്ധ​തി വി​ഭാ​വ​നം ചെ​യ്യു​ന്ന​ത്. 1998ൽ ​അ​ന്ന് മ​ന്ത്രി​യാ​യി​രു​ന്ന കെ.​എം. മാ​ണി​യാ​ണ് പ​ദ്ധ​തി​ക്ക് തു​ട​ക്ക​മി​ട്ട​ത്.