ഏ​റ്റു​മാ​നൂ​ർ-​ചി​ങ്ങ​വ​നം റെയിൽപാത ഇരട്ടിപ്പിക്കൽ: വൈദ്യുതീകരണ ജോലികൾക്ക്​ തുടക്കം

കോ​ട്ട​യം: ഏ​റ്റു​മാ​നൂ​ർ-​ചി​ങ്ങ​വ​നം ഭാ​ഗ​ത്തെ റെ​യി​ൽ​പാ​ത ഇ​ര​ട്ടി​പ്പി​ക്കു​ന്ന​തി​ന്‍റെ ഭാ​ഗ​മാ​യി പു​തി​യ പാ​ള​ത്തി​ലെ വൈ​ദ്യു​തീ​ക​ര​ണ ജോ​ലി ആ​രം​ഭി​ച്ചു. കോ​ട്ട​യം സ്​​റ്റേ​ഷ​നി​ലാ​ണ്​ പ​ണി​ തു​ട​ങ്ങി​യ​ത്. ക​ന​ത്ത ചൂ​ടി​​നെ​യും പൊ​ടി​യെ​യും വ​ക​വെ​ക്കാ​തെ​യാ​ണ്​ കോ​ട്ട​യം സ്​​റ്റേ​ഷ​നി​ൽ പ​ണി പു​രോ​ഗ​മി​ക്കു​ന്ന​ത്. മാ​ർ​ച്ച്​ 31ന്​ ​മു​മ്പ്​​ ഇ​ര​ട്ട​പ്പാ​ത നി​ർ​മാ​ണം പൂ​ർ​ത്തി​യാ​ക്കാ​ൻ ക​ഴി​യു​മെ​ന്നാ​ണ്​ പ്ര​തീ​ക്ഷ. പ​ണി പൂ​ർ​ത്തി​യാ​കു​ന്ന​തോ​ടെ പ്ലാ​റ്റ്​​ഫോ​മി​ന്​ നീ​ളം​കൂ​ടും. ​​

നാ​ഗ​മ്പ​ടം പാ​ല​ത്തി​ന​ടു​ത്തു​നി​ന്ന്​ പാ​ള​ങ്ങ​ൾ​ക്ക് മു​ക​ളി​ലൂ​ടെ​ സ്വ​കാ​ര്യ ബ​സ്​​സ്റ്റാ​ൻ​ഡി​​ലേ​ക്കു​ള്ള പ​ഴ​യ ന​ട​പ്പാ​ത പൊ​ളി​ച്ചു​മാ​റ്റി പു​തി​യ​ത്​ പ​ണി​യു​ന്നു​ണ്ട്​​. ഇ​തി​നു​ള്ള ച​ട്ട​ക്കൂ​ട്​ സ്ഥാ​പി​ച്ചു. നി​ല​വി​ൽ മൂ​ന്നു പ്ലാ​റ്റ്​​​ഫോ​മു​ക​ളു​ള്ള സ്​​റ്റേ​ഷ​നി​ൽ നാ​ലും അ​ഞ്ചും പ്ലാ​റ്റ്​​ഫോ​മു​ക​ളാ​ണ്​ പു​തു​താ​യി പ​ണി​യു​ന്ന​ത്.

ആ​റു ട്രാ​ക്കു​ക​ളും സ​ജ്ജീ​ക​രി​ച്ചി​ട്ടു​ണ്ട്. ഒ​ന്ന്​ ഗു​ഡ്​​സ്​ വാ​ഗ​ണു​ക​ൾ​ക്കാ​യാ​ണ്. 600 മീ​റ്റ​റി​ലാ​ണ്​ പാ​ളം ഉ​യ​ർ​ത്തേ​ണ്ട​ത്. പു​തി​യ പാ​ളം സ്ഥാ​പി​ച്ച​പ്പോ​ൾ പ​ഴ​യ പാ​ളം അ​ൽ​പം താ​ഴ്ച​യി​ലാ​ണ്. ഈ ​വ്യ​ത്യാ​സം നി​ക​ത്തു​ന്ന​തി​നാ​ണ്​ പാ​ളം ഉ​യ​ർ​ത്തു​ന്ന​ത്. ര​ണ്ടാ​മ​ത്തെ പാ​ളം സ്ഥാ​പി​ക്ക​ൽ കാ​രി​ത്താ​സ്​ ജ​ങ്​​ഷ​ൻ മു​ത​ൽ സം​ക്രാ​ന്തി വ​രെ​യും കു​മാ​ര​നെ​ല്ലൂ​ർ മു​ത​ൽ കു​ട​മാ​ളൂ​ർ ഗേ​റ്റ്​ വ​രെ​യും പൂ​ർ​ത്തി​യാ​യി​ട്ടു​ണ്ട്.

പ​ണി ന​ട​ക്കു​ന്ന​തി​നാ​ൽ കോ​ട്ട​യം വ​ഴി​യു​ള്ള ട്രെ​യി​നു​ക​ൾ​ക്ക്​ നി​യ​ന്ത്ര​ണം ഏ​ർ​പ്പെ​ടു​ത്തി​യി​ട്ടു​ണ്ട്. പ​ക​ൽ ട്രെ​യി​ൻ ഗ​താ​ഗ​തം ത​ട​ഞ്ഞാ​ണ്​ പ​ണി ന​ട​ത്തു​ന്ന​ത്. ഏ​റ്റു​മാ​നൂ​ർ മു​ത​ൽ ചി​ങ്ങ​വ​നം വ​രെ 17 കി​ലോ​മീ​റ്റ​റാ​ണ്​ പാ​ത ഇ​ര​ട്ടി​പ്പി​ക്കു​ന്ന​ത്.

2020ഓ​ടെ പാ​ത നി​ർ​മാ​ണം പൂ​ർ​ത്തി​യാ​ക്കി ട്രെ​യി​ൻ ഗ​താ​ഗ​തം പൂ​ർ​ണ​മാ​യി സാ​ധ്യ​മാ​ക്കാ​മെ​ന്ന പ്ര​തീ​ക്ഷ​യി​ലാ​ണ് ജോ​ലി ആ​രം​ഭി​ച്ച​ത്. സ്ഥ​ലം ഏ​റ്റെ​ടു​ക്ക​ൽ വൈ​കി​യ​തോ​ടെ​യാ​ണ്​ കാ​ര്യ​ങ്ങ​ൾ മാ​റി​മ​റി​ഞ്ഞ​ത്.