11 പേരെ കടിച്ച നായക്ക്​ പേവിഷബാധ സ്ഥിരീകരിച്ചു

കോ​ട്ട​യം: നാ​ഗ​മ്പ​ട​ത്ത്​ 11 പേ​രെ ക​ടി​ച്ച നാ​യ​ക്ക്​ പേ​വി​ഷ​ബാ​ധ സ്ഥി​രീ​ക​രി​ച്ചു. കോ​ടി​മ​ത​യി​ലെ എ.​ബി.​സി സെ​ന്‍റ​റി​ൽ നി​രീ​ക്ഷ​ണ​ത്തി​ലാ​യി​രു​ന്ന നാ​യ്,​ വെ​ള്ളി​യാ​ഴ്​​ച പേ ​ല​ക്ഷ​ണ​ങ്ങ​ൾ കാ​ണി​ച്ച്​​ ച​ത്തി​രു​ന്നു. തു​ട​ർ​ന്ന്​ തി​രു​വ​ല്ല​യി​ലെ മ​ഞ്ഞാ​ടി ലാ​ബി​ൽ പ​രി​ശോ​ധി​ച്ച​പ്പോ​ഴാ​ണ്​ പേ​വി​ഷ​ബാ​ധ സ്ഥി​രീ​ക​രി​ച്ച​ത്. ഇ​തോ​ടെ ക​ടി​യേ​റ്റ​വ​ർ ഭീ​തി​യി​ലാ​ണ്.

നാ​ലു​വ​യ​സ്സു​കാ​ര​ൻ ഉ​ൾ​പ്പെ​ടെ​യു​ള്ള​വ​ർ​ക്കാ​ണ്​ ക​ടി​യേ​റ്റ​ത്. ഒ​രാ​ളു​ടെ വി​ര​ലി​ന്‍റെ അ​റ്റം ക​ടി​​ച്ചെ​ടു​ത്തി​രു​ന്നു. നാ​യ്​ മ​റ്റു നാ​യ്ക്ക​ളെ​യും ക​ടി​ച്ച​താ​യി​ സം​ശ​യ​മു​ണ്ട്. ഝ​രു നാ​യ്​ എ.​ബി.​സി സെ​ന്‍റ​റി​ൽ നി​രീ​ക്ഷ​ണ​ത്തി​ലു​ണ്ട്. ഇ​തി​ന്​ പേ ​ല​ക്ഷ​ണ​ങ്ങ​ളി​ല്ല. ഈ ​സാ​ഹ​ച​ര്യ​ത്തി​ൽ പ്ര​ദേ​ശ​ത്തെ തെ​രു​വു​നാ​യ്ക്ക​ൾ​ക്ക്​ പ്ര​തി​രോ​ധ കു​ത്തി​വെ​പ്പ്​ ന​ൽ​കാ​നൊ​രു​ങ്ങു​ക​യാ​ണ്​ ജി​ല്ല മൃ​ഗ​സം​ര​ക്ഷ​ണ വ​കു​പ്പ്.

തെ​രു​വു​നാ​യ്​ അ​ല്ല ഇ​തെ​ന്നാ​ണ്​ വി​വ​രം. ആ​രോ ഉ​പേ​ക്ഷി​ച്ച, വീ​ട്ടി​ൽ വ​ള​ർ​ത്തി​യി​രു​ന്ന നാ​യാ​ണി​ത്. ക​ഴി​ഞ്ഞ​മാ​സം ന​ഗ​ര​സ​ഭ മു​ൻ ചെ​യ​ർ​മാ​ന​ട​ക്ക​മു​ള്ള​വ​ർ​ക്ക്​ പേ​വി​ഷ​ബാ​ധ​യു​ള്ള നാ​യു​ടെ ക​ടി​യേ​റ്റി​രു​ന്നു. തു​ട​ർ​ന്ന്​ ര​ണ്ടു വാ​ർ​ഡു​ക​ളി​ലെ തെ​രു​വു​നാ​യ്ക്ക​ൾ​ക്ക്​ പ്ര​തി​രോ​ധ കു​ത്തി​​വെ​പ്പ്​ ന​ൽ​കി​യി​രു​ന്നു.

ക​ഴി​ഞ്ഞ ബു​ധ​നാ​ഴ്ച വൈ​കീ​ട്ട്​ ഏ​ഴ​ര​യോ​ടെ നാ​ഗ​മ്പ​ട​ത്തു​വെ​ച്ചാ​ണ്​ നാ​ലു വ​യ​സ്സു​കാ​ര​ന്‍ ഉ​ള്‍പ്പ​ടെ 11 പേ​ര്‍ക്ക്​ ക​ടി​യേ​റ്റ​ത്. ഇ​വ​ര്‍ ആ​ശു​പ​ത്രി​യി​ല്‍ ചി​കി​ത്സ തേ​ടി. കു​റി​ച്ചി ഷാ​ജി വി​ല്ല​യി​ല്‍ അ​ജീ​ഷ​യു​ടെ​യും ശി​വ​യു​ടെ​യും മ​ക​ന്‍ അ​ര്‍ഷി​തി​നു (നാ​ല്) ഇ​ന്‍ഡോ​ര്‍ സ്‌​റ്റേ​ഡി​യ​ത്തി​നു സ​മീ​പ​ത്തു​നി​ന്നാ​ണ്​ ക​ടി​യേ​റ്റ​ത്.

അ​മ്മ​യോ​ടൊ​പ്പം ഇ​തു​വ​ഴി ന​ട​ന്നു​വ​രി​ക​യാ​യി​രു​ന്നു. പ്ര​കോ​പ​ന​മി​ല്ലാ​തെ ഇ​വ​രു​ടെ സ​മീ​പ​ത്തു​കൂ​ടി ക​ട​ന്നു​പോ​യ നാ​യ്​ പെ​ട്ടെ​ന്ന് തി​രി​കെ ഓ​ടി​യെ​ത്തി ക​ടി​ക്കു​ക​യാ​യി​രു​ന്നു. കു​ട്ടി​യു​ടെ കൈ​യി​ലാ​ണ് ക​ടി​യേ​റ്റ​ത്.

പ​ള്ളം സ്വ​ദേ​ശി നി​ധി​ന്‍ (29), അ​യ​ര്‍ക്കു​ന്നം സ്വ​ദേ​ശി​ക​ളാ​യ രാ​ഹു​ല്‍ (29), ഏ​ലി​യാ​സ് (53), പി.​ടി. ഷാ​ജി (49), കൈ​ന​ടി സ്വ​ദേ​ശി പ്ര​തി​ഭ (17), ച​ങ്ങ​നാ​ശ്ശേ​രി സ്വ​ദേ​ശി വി​നീ​ഷ് (18), തി​രു​വ​ന​ന്ത​പു​രം സ്വ​ദേ​ശി ഷാ​ക്കീ​ര്‍ (35), അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ളാ​യ ലു​ക്കു (42), ദി​നേ​ശ് കു​മാ​ര്‍ (30), പ​ത്ത​നം​തി​ട്ട ആ​ന​യ​ടി സ്വ​ദേ​ശി പി. ​പ​ത്മ​ലോ​ച​ന്‍ (65) എ​ന്നി​വ​ര്‍ക്കും ക​ടി​യേ​റ്റു.