Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKottayamchevron_rightജില്ല പഞ്ചായത്ത്​:...

ജില്ല പഞ്ചായത്ത്​: അഞ്ചാമത്തെ വനിത സാരഥിയായി നിർമല ജിമ്മി​

text_fields
bookmark_border
District Panchayat: Nirmala Jimmy becomes the fifth woman president
cancel

കോട്ടയം: ജില്ല പഞ്ചായത്തി​െൻറ അഞ്ചാമത്തെ വനിത സാരഥിയായി കേരള കോൺഗ്രസ്​ എം അംഗമായ നിർമല ജിമ്മി​ ചുമതലയേറ്റു. സി.പി.എമ്മിലെ ടി.എസ്​. ശരത്താണ്​ വൈസ്​ പ്രസിഡൻറ്​. രണ്ടാം തവണയാണ്​ ഇവർ അധ്യക്ഷസ്ഥാനത്തെത്തിയത്​. ത​െൻറ വിവാഹവാർഷിക ദിനത്തിൽ ലഭിച്ച ​പുതിയ പദവി ഇരട്ടിമധുരമായി നിർമല ജിമ്മിക്ക്​. ​ നിർമലക്ക്​ 14 വോട്ടും യു.ഡി.എഫിലെ രാധ വി. നായർക്ക്​ ഏഴുവോട്ടും ലഭിച്ചു.

22 അംഗങ്ങളിൽ പൂഞ്ഞാറിൽനിന്നുള്ള ജനപക്ഷം അംഗം ഷോൺ ജോർജ്​ വോ​ട്ടെടുപ്പിൽനിന്ന്​ വിട്ടുനിന്നു. കോവിഡ് പോസിറ്റിവായ കുറിച്ചി ഡിവിഷന്‍ അംഗം യു.ഡി.എഫിലെ പി.കെ. വൈശാഖ് പി.പി.ഇ കിറ്റ് അണിഞ്ഞെത്തിയാണ്​ വോട്ട് ചെയ്തത്. വൈസ് പ്രസിഡൻറ​്​ തെരഞ്ഞെടുപ്പില്‍ ടി.എസ്. ശരത്തിന്​ 14 വോട്ടും കേരള കോണ്‍ഗ്രസ് ജോസഫ് വിഭാഗത്തിലെ ജോസ്‌മോന്‍ മുണ്ടക്കലിന്​ ഏഴു വോട്ടും ലഭിച്ചു. വൈസ് പ്രസിഡൻറ്​ തെരഞ്ഞെടുപ്പിലും ഷോണ്‍ ജോർജ് വിട്ടുനിന്നു.

പൂഞ്ഞാർ ഡിവിഷൻ അംഗമായിരിക്കെ 2013-15 കാലഘട്ടത്തിൽ അധ്യക്ഷയായിരുന്നു നിർമല ജിമ്മി. അന്ന്​ യു.ഡി.എഫി​െൻറ ഭാഗമായിരുന്നു. ജില്ല പഞ്ചായത്ത്​ പ്രസിഡൻറ്​ സ്ഥാനവുമായി ബന്ധപ്പെട്ട തര്‍ക്കത്തെതുടർന്നാണ്​ കേരള കോണ്‍ഗ്രസ് ​ജോസ്​ വിഭാഗം യു.ഡി.എഫ് വിട്ടത്​. അതുകൊണ്ടുതന്നെ അധ്യക്ഷ സ്ഥാനം ഇവർക്ക്​ അഭിമാനപ്രശ്​നമായിരുന്നു.

ആദ്യ രണ്ടു വര്‍ഷം കേരള കോണ്‍ഗ്രസിനും തുടര്‍ന്നുള്ള രണ്ടു വര്‍ഷം സി.പി.എമ്മിനും അവസാന ഒരു വര്‍ഷം സി.പി.ഐക്കും എന്നതാണ് പ്രസിഡൻറ്​ പദവിയിലെ എല്‍.ഡി.എഫ് ധാരണ. വൈസ് പ്രസിഡൻറ്​ സ്ഥാനത്തില്‍ ആദ്യത്തെ രണ്ടു വര്‍ഷം സി.പി.എമ്മും അവസാന രണ്ടു വര്‍ഷം കേരള കോണ്‍ഗ്രസും ഇടക്കുള്ള ഒരു വര്‍ഷം സി.പി.ഐയും അധികാരം പങ്കിടും.

പാലായിലെ കെ.എം. മാണിയുടെ കല്ലറയിലെത്തി റീത്ത്​ സമർപ്പിച്ചശേഷമാണ്​ നിർമല ജിമ്മി വോ​ട്ടെടുപ്പിനെത്തിയത്​. മാണിയുടെ വീട്ടിലെത്തി കുട്ടിയമ്മയുടെ അനുഗ്രഹവും തേടി. ഭർത്താവ്​ ജിമ്മി, മക്കളായ ജിനോ, ജിയോ, ജിനോയുടെ ഭാര്യ ക്രിസ്​റ്റി എന്നിവർക്കൊപ്പമാണ്​ നിർമല വോ​ട്ടെടുപ്പിന്​ എത്തിയത്​.

വരണാധികാരിയായ കലക്ടര്‍ എം. അഞ്ജന മുമ്പാകെ പുതിയ പ്രസിഡൻറ്​ സത്യപ്രതിജ്ഞ ചെയ്തു. പ്രസിഡൻറ്​ നിർമല ജിമ്മി വൈസ് പ്രസിഡൻറിന് സത്യവാചകം ചൊല്ലിക്കൊടുത്തു.

കന്നിയങ്കത്തിൽ മത്സരിച്ചു ജയിച്ചാണ്​ വെള്ളൂർ ഡിവിഷൻ അംഗം​ ടി.എസ്​. ശരത്​ ജില്ല പഞ്ചായത്ത്​ വൈസ്​ പ്രസിഡൻറ്​ സ്ഥാനത്തെത്തിയത്​. സി.പി.എം കടുത്തുരുത്തി ഏരിയ കമ്മിറ്റി അംഗവും ഡി.വൈ.എഫ്​.ഐ ജില്ല സെക്ര​േട്ടറിയറ്റ്​ അംഗവുമാണ്​. എസ്​.എഫ്​.ഐ മുൻ സംസ്ഥാന ജോയൻറ്​ സെക്രട്ടറിയും മുൻ ജില്ല സെ​ക്രട്ടറിയുമാണ്​.

Show Full Article
TAGS:panchayat election 2020 kottyam 
News Summary - District Panchayat: Nirmala Jimmy becomes the fifth woman president
Next Story