ഇൻസ്റ്റന്‍റ്​ സദ്യക്ക്​ ഡിമാൻഡേറെ

കോ​ട്ട​യം: വീ​ടു​ക​ളി​ലേ​ക്കും സ്ഥാ​പ​ന​ങ്ങ​ളി​ലേ​ക്കു​മു​ള്ള ഓ​ണാ​ഘോ​ഷ പ​രി​പാ​ടി​ക​ൾ​ക്കാ​യി പാ​യ​സ​വും പ​ല​കൂ​ട്ടം വി​ഭ​വ​ങ്ങ​ളു​മ​ട​ങ്ങി​യ സ​ദ്യ​യൊ​രു​ക്കി കാ​റ്റ​റി​ങ്​ യൂ​നി​റ്റു​ക​ൾ. ഓ​ർ​ഡ​ര്‍ ചെ​യ്താ​ല്‍ തി​രു​വോ​ണ​ദി​വ​സം പ​ഴ​വും പ്ര​ഥ​മ​നും പാ​യ​സ​വും കൂ​ട്ടി 19 വി​ഭ​വ​ങ്ങ​ളു​ള്ള ഓ​ണ​സ​ദ്യ പാ​ഴ്​​സ​ലാ​യി ല​ഭി​ക്കും. തി​രു​വോ​ണം, അ​വി​ട്ടം, ച​ത​യം ദി​വ​സ​ങ്ങ​ളി​ലും വാ​ങ്ങാം.

ഹോ​ട്ട​ലു​ക​ളി​ലും കാ​റ്റ​റി​ങ് സ്ഥാ​പ​ന​ങ്ങ​ളി​ലും ഓ​ണ​സ​ദ്യ ബു​ക്കി​ങ്ങി​ന്‍റെ തി​ര​ക്കാ​ണ്. കു​ടും​ബ​ശ്രീ മി​ഷ​നും ഓ​ണ​സ​ദ്യ​യു​മാ​യി രം​ഗ​ത്തു​ണ്ട്. തൂ​ശ​നി​ല, ചോ​റ്, അ​വി​യ​ല്‍, സാ​മ്പാ​ര്‍, കാ​ള​ന്‍, തോ​ര​ന്‍, അ​ച്ചാ​റു​ക​ള്‍, പ​ച്ച​ടി, കി​ച്ച​ടി, ഉ​പ്പേ​രി, പ​പ്പ​ടം, പ​ല​ത​രം പാ​യ​സം എ​ന്നി​ങ്ങ​നെ വി​ഭ​വ​സ​മൃ​ദ്ധ​മാ​യ സ​ദ്യ​യാ​ണ്​ പാ​ഴ്‌​സ​ലാ​യി ന​ല്‍കു​ന്ന​ത്. പ​ല കാ​റ്റ​റി​ങ് സ്ഥാ​പ​ന​ങ്ങ​ളി​ലും ബു​ക്കി​ങ് ഇ​തി​ന​കം പൂ​ര്‍ത്തി​യാ​യി. ഇ​ല ഒ​ന്നി​ന് 200 മു​ത​ല്‍ 350 രൂ​പ​വ​രെ​യു​ള്ള പാ​ക്കേ​ജു​ക​ള്‍ ഉ​ണ്ട്. പാ​യ​സം മാ​ത്രം മ​തി​യെ​ങ്കി​ല്‍ അ​ങ്ങ​നെ​യും വാ​ങ്ങാം. അ​ട, പാ​ല്‍പാ​യ​സം, പ​രി​പ്പ്, പ​ഴം​പ്ര​ഥ​മ​ന്‍ തു​ട​ങ്ങി വി​വി​ധ പാ​യ​സ​ങ്ങ​ളും സു​ല​ഭം. ഗ്രാ​മ​ങ്ങ​ളി​ൽ പാ​യ​സ​ത്തി​ന്‍റെ നി​ര​ക്കും കു​റ​യും. ഇ​തോ​ടൊ​പ്പം ഹോ​ട്ട​ലു​ക​ളി​ല്‍ ഓ​ണാ​ഘോ​ഷ​ങ്ങ​ളും സം​ഘ​ടി​പ്പി​ക്കു​ന്നു​ണ്ട്. സ്ഥാ​പ​ന​ങ്ങ​ള്‍ക്കോ, ഫാ​മി​ലി​ക്കോ ബു​ക്ക് ചെ​യ്യാം. 699, 999 രൂ​പ​യു​ടെ പാ​ക്കേ​ജു​ക​ളാ​ണ്​ അ​ധി​കം ആ​ളു​ക​ളും തി​ര​ഞ്ഞെ​ടു​ക്കു​ന്ന​തെ​ന്ന്​ കാ​റ്റ​റി​ങ്​ സ്ഥാ​പ​ന ഉ​ട​മ​ക​ൾ പ​റ​യു​ന്നു.

ഓ​ണ​പ്രൗ​ഢി​യി​ൽ തൂ​ശ​നി​ല

സ​ദ്യ സ​ദ്യ​യാ​വ​ണ​മെ​ങ്കി​ൽ തൂ​ശ​നി​ല ത​ന്നെ വേ​ണം. ഓ​ണം അ​ടു​ത്ത​തോ​ടെ ഇ​ല​വി​പ​ണി​യി​ലും തി​ര​ക്കാ​യി. ഹോ​ട്ട​ലു​ക​ൾ, കാ​റ്റ​റി​ങ്, ഇ​വ​ന്‍റ്​ മാ​നേ​ജ്‌​മെ​ന്‍റു​കാ​രും ഇ​ല​യു​ടെ ആ​വ​ശ്യ​ക്കാ​രാ​ണ്. ഓ​ണ​ത്തി​ന് പു​റ​മെ ക​ല്യാ​ണ സീ​സ​ൺ കൂ​ടി ആ​യ​തോ​ടെ ഇ​ല​യു​ടെ ആ​വ​ശ്യം വ​ർ​ധി​ച്ചു. പ്ലാ​സ്റ്റി​ക് ഇ​ല​ക​ളും മ​റ്റും വി​പ​ണി​യി​ൽ ല​ഭ്യ​മാ​ണെ​ങ്കി​ലും വാ​ഴ​യി​ല​ക്കാ​ണ് ഡി​മാ​ൻ​ഡ്​ അ​ധി​ക​വും. തി​രു​ന​ക്ക​ര​യി​ലും ഓ​ണ​ത്തെ വ​ര​വേ​റ്റ് സ​ദ്യ​ക്കു​ള്ള ഇ​ല​യു​ടെ വി​ൽ​പ​ന തു​ട​ങ്ങി. ഇ​ല​ക്ക്​ നാ​ല്​ രൂ​പ വ​രെ​യാ​ണ് വി​ല. തേ​നി, ക​മ്പം, മേ​ട്ടു​പ്പാ​ള​യം തു​ട​ങ്ങി ത​മി​ഴ്‌​നാ​ട്ടി​ൽ​നി​ന്നും ഇ​ല​ക​ൾ എ​ത്തു​ന്ന​ത്. ഇ​തു​കൂ​ടാ​തെ ക​ര്‍ണാ​ട​ക​യി​ല്‍ നി​ന്നും വാ​ഴ​യി​ല എ​ത്തു​ന്നു​ണ്ട്.

ഞാ​ലി​പ്പൂ​വ​ന്‍ വാ​ഴ​യു​ടെ ഇ​ല​ക്കാ​ണ് ഡി​മാ​ൻ​ഡ്​ കൂ​ടു​ത​ല്‍. 100 ഇ​ല​യു​ടെ കെ​ട്ടി​ന്​ 4,000 മു​ത​ൽ 5,000 രൂ​പ വ​രെ​യാ​ണ് വി​ല. ഒ​രു​മു​ഴു​വ​ൻ ഇ​ല​യി​ൽ​നി​ന്ന് ഒ​രു നാ​ക്കി​ല മാ​ത്രം​ മു​റി​ച്ചെ​ടു​ക്കാം. ഇ​ത്ത​ര​ത്തി​ൽ ഒ​രു കെ​ട്ടി​ൽ നി​ന്നും 70 മു​ത​ൽ 80 വ​രെ നാ​ക്കി​ല ല​ഭി​ക്കും. നാ​ലു​ദി​വ​സം വ​രെ ഇ​ല​ക​ൾ വാ​ടാ​തി​രി​ക്കും.

ഓണച്ചന്ത ഇന്നുമുതൽ

കൂ​രാ​ലി: എ​ലി​ക്കു​ളം കൃ​ഷി​ഭ​വ​നും ഫെ​യ്‌​സ് ഇ​ക്കോ​ഷോ​പ്പും ചേ​ർ​ന്നു ന​ട​ത്തു​ന്ന ഓ​ണ​ച്ച​ന്ത പു​തു​പ്പ​ള്ളാ​ട്ട് ബി​ൽ​ഡി​ങ്ങി​ൽ ഒ​ന്നു മു​ത​ൽ നാ​ലു വ​രെ തി​യ​തി​ക​ളി​ൽ ന​ട​ത്തും. പ​ച്ച​ക്ക​റി​ക​ൾ വി​പ​ണി വി​ല​യെ​ക്കാ​ൾ 30 ശ​ത​മാ​നം കു​റ​ച്ച് ല​ഭി​ക്കും.