കുഞ്ഞാറ്റയുടെ മരണം: കണ്ണീർത്തടമായി സ്കൂൾമുറ്റം

കോ​ട്ട​യം: ഓ​ടി​ക്ക​ളി​ച്ച സ്​​കൂ​ൾ മു​റ്റ​ത്തേ​ക്ക്​ നി​ശ്ച​ല​യാ​യി പ്രി​യ കൂ​ട്ടു​കാ​രി​യെ​ത്തു​മ്പോ​ൾ, കാ​ത്തു​നി​ന്ന​വ​രു​ടെ ക​ണ്ണു​ക​ളെ​ല്ലാം ക​ണ്ണീ​ർ​ത്ത​ടം. വി​തു​മ്പ​ലോ​ടെ വി​ദ്യാ​ർ​ഥി​ക​ൾ ചേ​ർ​ന്നു​നി​ന്നു. ഇ​വ​രെ ചേ​ർ​ത്തു​പി​ടി​ച്ച്​ അ​ധ്യാ​പ​ക​രും ക​ണ്ണീ​ര​ണി​ഞ്ഞു. സ്കൂ​ളി​ൽ കു​ഴ​ഞ്ഞു​വീ​ണ് ചി​കി​ത്സ​യി​ലി​രി​ക്കെ മ​ര​ണ​പ്പെ​ട്ട, ക്രി​സ്റ്റ​ൽ സി. ​ലാ​ലി​ന്‍റെ (കു​ഞ്ഞാ​റ്റ-12) മൃ​ത​ദേ​ഹം വി​ല്ലൂ​ന്നി സെ​ന്‍റ്​ ഫി​ലോ​മി​ന ഗേ​ൾ​സ് സ്‌​കൂ​ളി​ൽ എ​ത്തി​ച്ച​പ്പോ​ഴാ​യി​രു​ന്നു ക​ണ്ണീ​ർ​ക്കാ​ഴ്ച​ക​ൾ.

ക്രി​സ്റ്റ​ലി​ന്‍റെ മൃ​ത​ദേ​ഹം വ്യാ​ഴാ​ഴ്ച ഉ​ച്ച​യോ​ടെ​യാ​ണ്​ പ​ഠി​ച്ചി​രു​ന്ന സ്കൂ​ളി​ൽ പൊ​തു​ദ​ർ​ശ​ന​ത്തി​നാ​യി എ​ത്തി​ച്ച​ത്. ക​ഴി​ഞ്ഞ ദി​വ​സം വ​രെ ഉ​ല്ലാ​സ​ത്തോ​ടെ ഒ​പ്പ​മു​ണ്ടാ​യി​രു​ന്ന കൂ​ട്ടു​കാ​രി​യു​ടെ മൃ​ത​ദേ​ഹം ക​ണ്ട്​ സ​ഹ​പാ​ഠി​ക​ളി​ൽ പ​ല​രും പൊ​ട്ടി​ക്ക​ര​ഞ്ഞു.

വി​ല്ലൂ​ന്നി സെ​ന്‍റ്​ സേ​വ്യേ​ഴ്‌​സ് പ​ള്ളി വി​കാ​രി ഫാ. ​ജേ​ക്ക​ബ് അ​ഞ്ചു​പ​ങ്കി​ലി​ന്‍റെ നേ​തൃ​ത്വ​ത്തി​ൽ പ്രാ​ർ​ഥ​ന​ക​ൾ​ക്കു​ശേ​ഷം സ​ഹ​പാ​ഠി​ക​ളും അ​ധ്യാ​പ​ക​രും ക്രി​സ്റ്റ​ലി​ന് വി​ട​ചൊ​ല്ലി.

ഹെ​ഡ്മി​സ്ട്ര​സ് ലി​ല്ലി പോ​ൾ, ക്രി​സ്റ്റ​ലി​ന്‍റെ ക്ലാ​സ്​ ടീ​ച്ച​ർ ഡോ​ൺ ജോ​സ്, പി.​ടി.​എ പ്ര​സി​ഡ​ന്‍റ്​ പി.​സി. മ​നോ​ജ് എ​ന്നി​വ​ർ പൂ​ച്ചെ​ണ്ട് സ​മ​ർ​പ്പി​ച്ചു. അ​ര​മ​ണി​ക്കൂ​റി​നു​ശേ​ഷം കു​ഞ്ഞാ​റ്റ​യു​ടെ മൃ​ത​ദേ​ഹം ക​രി​പ്പൂ​ത്ത​ട്ടി​ലെ വ​സ​തി​യി​ലേ​ക്ക് കൊ​ണ്ടു​പോ​യി. സി.​എം.​എ​സ് ഹ​യ​ർ സെ​ക്ക​ൻ​ഡ​റി സ്‌​കൂ​ളി​ലാ​യി​രു​ന്ന ക്രി​സ്റ്റ​ൽ ഈ ​അ​ധ്യ​യ​ന വ​ർ​ഷ​മാ​ണ് വി​ല്ലൂ​ന്നി​യി​ലെ സ്‌​കൂ​ളി​ലേ​ക്ക് എ​ത്തി​യ​ത്.