ഡി.സി.സി പുനഃസംഘടന; പ്രസിഡന്‍റ്​ പദവിക്ക്​ ചരടുവലി

കോ​ട്ട​യം: കെ.​പി.​സി.​സി പു​നഃ​സം​ഘ​ട​ന​ക്ക്​ പി​ന്നാ​ലെ, ജി​ല്ല​ക​ളി​ലും അ​ഴി​ച്ചു​പ​ണി​യു​ണ്ടാ​കു​മെ​ന്ന്​ വ്യ​ക്ത​മാ​യ​തോ​ടെ ഡി.​സി.​സി നേ​തൃ​ത്വം പി​ടി​ക്കാ​ന്‍ ഗ്രൂ​പ്പു​ക​ളും നേ​താ​ക്ക​ളും രം​ഗ​ത്ത്.

ഒ​രു​കാ​ല​ത്ത്​ ജി​ല്ല ‘എ’ ​ഗ്രൂ​പ്പി​ന്‍റെ കു​ത്ത​ക​യാ​യി​രു​ന്നെ​ങ്കി​ലും ഉ​മ്മ​ൻ ചാ​ണ്ടി​യു​ടെ മ​ര​ണ​ത്തോ​ടെ ഇ​വ​ർ ചി​ന്നി​ച്ചി​ത​റി​യ നി​ല​യി​ലാ​ണ്. തി​രു​വ​ഞ്ചൂ​ര്‍ രാ​ധാ​കൃ​ഷ്ണ​ന്‍ നേ​തൃ​ത്വം ന​ല്‍കു​ന്ന ഒ​രു​വി​ഭാ​ഗം, ഒ​റി​ജി​ന​ല്‍ ‘എ’ ​ഗ്രൂ​പ്പെ​ന്ന അ​വ​കാ​ശ​വാ​ദ​ത്തോ​ടെ കെ.​സി. ജോ​സ​ഫ് നേ​തൃ​ത്വം ന​ല്‍കു​ന്ന വി​ഭാ​ഗം എ​ന്നി​ങ്ങ​നെ​ ര​ണ്ടാ​യി​ട്ടാ​ണ്​ ഇ​പ്പോ​ൾ പ്ര​ധാ​ന​മാ​യും പ​ഴ​യ എ ​വി​ഭാ​ഗ​ക്കാ​രു​ടെ പ്ര​വ​ർ​ത്ത​നം. ചാ​ണ്ടി ഉ​മ്മ​ന്‍റെ നേ​തൃ​ത്വ​ത്തി​ന്‍റെ മ​റ്റൊ​രു വി​ഭാ​ഗം അ​ടു​ത്തി​ടെ രൂ​പ​​പ്പെ​ട്ടി​ട്ടു​ണ്ട്​.

തി​രു​വ​ഞ്ചൂ​ര്‍ നേ​തൃ​ത്വം ന​ല്‍കു​ന്ന വി​ഭാ​ഗം കെ.​സി. വേ​ണു​ഗോ​പാ​ലി​നെ​യും പ്ര​തി​പ​ക്ഷ നേ​താ​വ് വി.​ഡി. സ​തീ​ശ​നെ​യും പി​ന്തു​ണ​ക്കു​ന്ന​വ​രു​മാ​ണ്. ഇ​തി​ൽ ഉ​ൾ​പ്പെ​ടാ​തെ ഒ​രു ഗ്രൂ​പ് കെ.​സി. വേ​ണു​ഗോ​പാ​ലി​ന്‍റെ അ​ടു​പ്പ​ക്കാ​രെ​ന്ന നി​ല​യി​ൽ സ്വ​ന്ത​മാ​യും പ്ര​വ​ർ​ത്തി​ക്കു​ന്നു​ണ്ട്. കെ.​സി. ജോ​സ​ഫ് നേ​തൃ​ത്വം ന​ല്‍കു​ന്ന വി​ഭാ​ഗ​വും ആ​രോ​ടും അ​ടു​പ്പം കാ​ട്ടാ​തെ​യാ​ണ്​ നി​ൽ​പ്.

ക്രൈ​സ്ത​വ വി​ഭാ​ഗ​ത്തി​ന്​ മു​ൻ​തൂ​ക്ക​മു​ള്ള ജി​ല്ല​യി​ല്‍ ഈ ​വി​ഭാ​ഗ​ത്തി​ല്‍നി​ന്ന്​ ഒ​രാ​ള്‍ പ്ര​സി​ഡ​ന്‍റാ​ക​ണ​മെ​ന്ന അ​ഭി​പ്രാ​യ​മാ​ണ്​ കെ.​പി.​സി.​സി​ക്കു​ള്ള​ത്. തി​രു​വ​ഞ്ചൂ​ർ വി​ഭാ​ഗം യു.​ഡി.​എ​ഫ്​ ക​ൺ​വീ​ന​ർ ഫി​ൽ​സ​ൺ മാ​ത്യൂ​സി​ന്‍റെ പേ​രാ​ണ്​ ഉ​യ​ർ​ത്തി​ക്കാ​ട്ടു​ന്ന​ത്. പ്ര​തി​പ​ക്ഷ നേ​താ​വി​ന്‍റെ പി​ന്തു​ണ​യും ഫി​ല്‍സ​ണി​നു​ണ്ട്. എ​ന്നാ​ൽ, സ​ഭ ഘ​ട​ക​ങ്ങ​ൾ പ​രി​ഗ​ണി​ച്ചാ​ൽ പി​ന്നി​ലാ​കാ​ൻ സാ​ധ്യ​ത​യു​ണ്ടെ​ന്നും ചൂ​ണ്ടി​ക്കാ​ട്ട​പ്പെ​ടു​ന്നു.

ഇ​തി​നി​ടെ, നി​ല​വി​ലെ ഡി.​സി.​സി പ്ര​സി​ഡ​ന്‍റ്​ നാ​ട്ട​കം സു​രേ​ഷ് സ്ഥാ​നം നി​ല​നി​ര്‍ത്താ​നാ​യി ശ്ര​മം ന​ട​ത്തു​ന്നു​മു​ണ്ട്. ഇ​ല്ലെ​ങ്കി​ൽ വ​രു​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ സീ​റ്റ്​ ന​ൽ​കു​മെ​ന്ന ഉ​റ​പ്പ്​ ല​ഭി​ക്ക​ണ​മെ​ന്നാ​ണ്​ നാ​ട്ട​ക​ത്തി​ന്‍റെ ആ​വ​ശ്യം. എ​ല്ലാ ഡി.​സി.​സി​ക​ളി​ലും മാ​റ്റം വേ​ണ്ടെ​ന്ന കെ.​പി.​സി.​സി പ്ര​സി​ഡ​ന്‍റ്​ സ​ണ്ണി ജോ​സ​ഫി​ന്‍റെ നി​ല​പാ​ട്​ ചൂ​ണ്ടി​ക്കാ​ട്ടി നാ​ട്ട​ക​ത്തി​ന്​ മാ​റ്റം ഉ​ണ്ടാ​കി​ല്ലെ​ന്നും ചി​ല​ർ പ്ര​ച​രി​പ്പി​ക്കു​ന്നു​ണ്ട്.

ഫി​ലി​പ് ജോ​സ​ഫി​ന്‍റെ പേ​രാ​ണ് ‘ഐ’ ​ഗ്രൂ​പ് മു​ന്നോ​ട്ടു​വെ​ക്കു​ന്ന​ത്. മു​തി​ര്‍ന്ന അം​ഗ​മെ​ന്ന പ​രി​ഗ​ണ​ന ഫി​ലി​പ്പി​ന് അ​നു​കൂ​ല​മാ​ണ്. ഡി.​സി.​സി വൈ​സ് പ്ര​സി​ഡ​ന്‍റ്​ ബി​ജു പു​ന്ന​ത്താ​നം, ഡി.​സി.​സി സെ​ക്ര​ട്ട​റി അ​ഡ്വ. സി​ബി ചേ​ന​പ്പാ​ടി, അ​ജീ​സ് ബെ​ന്‍ മാ​ത്യൂ​സ് തു​ട​ങ്ങി​യ​വ​രു​ടെ പേ​രു​ക​ളും ച​ര്‍ച്ച​ക​ളി​ല്‍ സ​ജീ​വ​മാ​ണ്. കെ. ​സു​ധാ​ക​ര​നൊ​പ്പം സ​ജീ​വ​മാ​യി​രു​ന്ന​ അ​ജീ​സി​ന്‍റെ പേ​ര്​ അ​ദ്ദേ​ഹം മു​ന്നോ​ട്ടു​വെ​ക്കു​മെ​ന്ന ത​ര​ത്തി​ലു​ള്ള പ്ര​ചാ​ര​ണ​ങ്ങ​ളു​മു​ണ്ട്.

ചാ​ണ്ടി ഉ​മ്മ​ന്‍റെ നേ​തൃ​ത്വ​ത്തി​ല്‍ ഒ​രു​പ​റ്റം നേ​താ​ക്ക​ള്‍ ഉ​മ്മ​ന്‍ ചാ​ണ്ടി​യു​ടെ ‘എ’ ​ഗ്രൂ​പ് എ​ന്ന നി​ല​യി​ലും പ്ര​വ​ര്‍ത്തി​ക്കു​ന്നു​ണ്ട്. ഇ​വ​രു​ടെ നേ​തൃ​ത്വ​ത്തി​ല്‍ ചാ​ണ്ടി ഉ​മ്മ​നെ പ്ര​സി​ഡ​ന്‍റാ​ക്ക​ണ​മെ​ന്ന ആ​വ​ശ്യ​വും ഉ​യ​ർ​ത്തു​ന്നു​ണ്ട്. എ​ന്നാ​ല്‍, ഈ ​നീ​ക്ക​ത്തി​ന്​ സം​സ്ഥാ​ന-​കേ​ന്ദ്ര നേ​തൃ​ത്വ​ത്തി​ന്‍റെ പി​ന്തു​ണ​യി​ല്ല.