സി.പി.എം യോഗം 22, 23 തീയതികളിൽ; ​‘എന്തുകൊണ്ട്​ നമ്മൾ തോറ്റു’

കോ​ട്ട​യം: ത​ദ്ദേ​ശ തെ​ര​ഞ്ഞെ​ടു​പ്പി​ൽ ജി​ല്ല​യി​ലേ​റ്റ തോ​ൽ​വി​യെ​ക്കു​റി​ച്ച്​ സി.​പി.​എം ജി​ല്ല ക​മ്മി​റ്റി 22, 23 തീ​യ​തി​ക​ളി​ല്‍ യോ​ഗം ചേ​ർ​ന്ന്​ വി​ശ​ദ​മാ​യ വി​ല​യി​രു​ത്ത​ൽ ന​ട​ത്തും. ക​ഴി​ഞ്ഞ ദി​വ​സം ചേ​ര്‍ന്ന യോ​ഗം എ​ൽ.​ഡി.​എ​ഫ്​ പ​രാ​ജ​യ​ത്തി​ന്‍റെ പ്രാ​ഥ​മി​ക കാ​ര്യ​ങ്ങ​ൾ ച​ര്‍ച്ച ചെ​യ്തി​രു​ന്നു. സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ന്‍ ജി​ല്ല​യി​ലെ ഏ​രി​യ സെ​ക്ര​ട്ട​റി​മാ​രു​ടെ​യും തെ​ര​ഞ്ഞെ​ടു​പ്പ് ചു​മ​ത​ല​യു​ള്ള സെ​ക്ര​ട്ട​റി​മാ​രു​ടെ​യും യോ​ഗം ഓ​ണ്‍ലൈ​നി​ല്‍ വി​ളി​ച്ചി​രു​ന്നു. താ​ഴേ ത​ട്ടി​ല്‍നി​ന്ന്​ വി​ശ​ദ​മാ​യ തെ​ര​ഞ്ഞെ​ടു​പ്പ് അ​വ​ലോ​ക​ന​വു​മാ​യി ജി​ല്ല ക​മ്മി​റ്റി യോ​ഗ​ത്തി​ല്‍ എ​ത്താ​നാ​ണ് നി​ര്‍ദേ​ശം. പോ​ളി​റ്റ് ബ്യൂ​റോ അം​ഗം എ. ​വി​ജ​യ​രാ​ഘ​വ​ന്‍, സം​സ്ഥാ​ന സെ​ക്ര​ട്ടേ​റി​യ​റ്റ്​ അം​ഗ​ങ്ങ​ളാ​യ പി.​കെ. ബി​ജു, കെ.​കെ. ജ​യ​ച​ന്ദ്ര​ന്‍, വി.​എ​ന്‍. വാ​സ​വ​ന്‍ തു​ട​ങ്ങി​യ​വ​ര്‍ ദ്വി​ദി​ന യോ​ഗ​ത്തി​ൽ പ​ങ്കെ​ടു​ക്കും. അ​തി​ന്‍റെ അ​ടി​സ്ഥാ​ന​ത്തി​ൽ ബ്രാ​ഞ്ച് സെ​ക്ര​ട്ട​റി​മാ​രോ​ട് ബൂ​ത്തു​ത​ല ക​ണ​ക്കു​ക​ള്‍ ആ​വ​ശ്യ​പ്പെ​ട്ടി​രി​ക്കു​ക​യാ​ണ്.

പാ​ർ​ട്ടി ചി​ഹ്നം ഒ​ഴി​വാ​ക്കി​യി​ട്ടും പാ​ലാ ഉ​ൾ​പ്പെ​ടെ പ​ല​യി​ട​ത്തും തോ​ൽ​വി നേ​രി​ടേ​ണ്ടി വ​ന്ന​ത്​ സി.​പി.​എ​മ്മി​നെ ചി​ന്തി​പ്പി​ക്കു​ന്നു​ണ്ട്. കേ​ര​ള കോ​ൺ​ഗ്ര​സ്​ എ​മ്മി​ന്​ പ​ല​യി​ട​ങ്ങ​ളി​ലും അ​ടി​പ​ത​റി​യി​ല്ലെ​ങ്കി​ലും സി.​പി.​എ​മ്മി​നും സി.​പി.​ഐ​ക്കും ഒ​രു​പോ​ലെ ജി​ല്ല​യി​ൽ ന​ഷ്ടം സം​ഭ​വി​ച്ച​താ​യാ​ണ്​ പൊ​തു​വി​ല​യി​രു​ത്ത​ൽ.

മൂ​ന്ന്​ നി​യ​മ​സ​ഭ മ​ണ്ഡ​ല​ത്തി​ല്‍ വോ​ട്ടി​ങ്​ ശ​ത​മാ​ന​ത്തി​ല്‍ വ​ര്‍ധ​ന​യു​ണ്ടാ​യ​താ​യും വി​ല​യി​രു​ത്ത​ലു​ണ്ട്. എ​ന്നാ​ല്‍, സം​സ്ഥാ​ന സെ​ക്ര​ട്ടേ​റി​യ​റ്റ്​ അം​ഗം കൂ​ടി​യാ​യ മ​ന്ത്രി വി.​എ​ന്‍. വാ​സ​വ​ന്റെ മ​ണ്ഡ​ല​ത്തി​ലെ കു​മ​ര​കം ജി​ല്ല പ​ഞ്ചാ​യ​ത്ത് ഡി​വി​ഷ​നി​ലെ തോ​ല്‍വി വി​ശ​ദ​മാ​യി പ​രി​ശോ​ധി​ക്കും. അ​തി​ര​മ്പു​ഴ ജി​ല്ല പ​ഞ്ചാ​യ​ത്ത് ഡി​വി​ഷ​ന്‍ തി​രി​ച്ചു​പി​ടി​ക്കാ​നാ​യ​ത് നേ​ട്ട​മാ​ണെ​ങ്കി​ലും മ​ന്ത്രി​യു​ടെ മ​ണ്ഡ​ല​ത്തി​ലെ അ​യ്​​മ​നം പ​ഞ്ചാ​യ​ത്തി​ല്‍ ബി.​ജെ.​പി ഭൂ​രി​പ​ക്ഷം നേ​ടി​യ​തും ഏ​റ്റു​മാ​നൂ​ര്‍ ന​ഗ​ര​സ​ഭ​യി​ല്‍ ബി.​ജെ.​പി അം​ഗ​ങ്ങ​ള്‍ വ​ര്‍ധി​ച്ച​തും ച​ര്‍ച്ച​യാ​കും.

കു​മ​ര​കം, പൊ​ന്‍കു​ന്നം, തൃ​ക്കൊ​ടി​ത്താ​നം, വെ​ള്ളൂ​ര്‍ ജി​ല്ല ഡി​വി​ഷ​നു​ക​ളി​ലെ സ്ഥാ​നാ​ര്‍ഥി നി​ര്‍ണ​യ​ത്തി​ല്‍ പാ​ളി​ച്ച സം​ഭ​വി​ച്ച​താ​യു​ള്ള വി​മ​ർ​ശ​ന​വും പാ​ർ​ട്ടി​ക്കു​ള്ളി​ലു​ണ്ട്. കു​മ​ര​ക​ത്ത് ജി​ല്ല പ​ഞ്ചാ​യ​ത്ത് മു​ന്‍പ്ര​സി​ഡ​ന്റ് കെ.​വി. ബി​ന്ദു​വി​ന് ഒ​ര​വ​സ​രം​കൂ​ടി ന​ല്‍കി​യി​രു​ന്നെ​ങ്കി​ല്‍ വി​ജ​യി​ക്കു​മാ​യി​രു​ന്നു​വെ​ന്ന അ​ഭി​പ്രാ​യ​വു​മു​ണ്ട്. കോ​ട്ട​യം ന​ഗ​ര​സ​ഭ​യി​ലും സ​മീ​പ​ങ്ങ​ളി​ലും സ്ഥാ​നാ​ർ​ഥി നി​ർ​ണ​യ​ത്തി​ൽ ഉ​ൾ​പ്പെ​ടെ ജി​ല്ല​യി​ലെ ഒ​രു സം​സ്ഥാ​ന നേ​താ​വി​ന്റെ ഇ​ട​പെ​ട​ലും താ​ൽ​പ​ര്യ​വും ദോ​ഷം ചെ​യ്ത​താ​യി വി​മ​ര്‍ശ​ന​മു​ണ്ട്. ഇ​ദ്ദേ​ഹ​ത്തി​ന്‍റെ പ​ല പ​രാ​മ​ർ​ശ​ങ്ങ​ളും അ​നാ​വ​ശ്യ​വി​വാ​ദ​ങ്ങ​ളു​ണ്ടാ​ക്ക​ലും ദോ​ഷം ചെ​യ്​​തെ​ന്നും മു​മ്പ്​ പു​തു​പ്പ​ള്ളി ഉ​പ​തെ​ര​ഞ്ഞെ​ടു​പ്പ്​ സ​ന്ദ​ർ​ഭ​ത്തി​ലും ഇ​ത്ത​ര​ത്തി​ൽ ഈ ​നേ​താ​വ്​ അ​നാ​വ​ശ്യ​വി​വാ​ദ​മു​ണ്ടാ​ക്കി​യെ​ന്ന ആ​ക്ഷേ​പ​വു​മു​ണ്ട്. കോ​ട്ട​യം, ഏ​റ്റു​മാ​നൂ​ർ, ച​ങ്ങ​നാ​ശ്ശേ​രി, പാ​ലാ, വൈ​ക്കം ന​ഗ​ര​സ​ഭ​ക​ളി​ൽ പാ​ർ​ട്ടി​ക്ക്​ മി​ക​ച്ച മു​ന്നേ​റ്റം ന​ട​ത്താ​നു​ള്ള സാ​ഹ​ച​ര്യ​മു​ണ്ടാ​യി​രു​ന്നു. എ​ന്നാ​ൽ, സ്ഥാ​നാ​ർ​ഥി നി​ർ​ണ​യ​ത്തി​ൽ ഉ​ൾ​പ്പെ​ടെ​യു​ണ്ടാ​യ സൂ​ക്ഷ്മ​ത​ക്കു​റ​വാ​ണ്​ പ്ര​ശ്ന​മാ​യ​ത്.

മു​ണ്ട​ക്ക​യം ഡി​വി​ഷ​നി​ല്‍ ജി​ല്ല സെ​ക്ര​ട്ടേ​റി​യ​റ്റ്​ അം​ഗം കെ. ​രാ​ജേ​ഷ് പ​രാ​ജ​പ്പെ​ട്ട​തി​ലെ സ​മു​ദാ​യ ധ്രു​വീ​ക​ര​ണം പ​ഠി​ക്ക​ണ​മെ​ന്ന നി​ർ​ദേ​ശ​വു​മു​ണ്ട്. ആ​ര്‍ക്കും ഭൂ​രി​പ​ക്ഷ​മി​ല്ലാ​ത്ത പ​ഞ്ചാ​യ​ത്തു​ക​ളി​ല്‍ എ​ന്തു നി​ല​പാ​ട് എ​ന്ന​തും പാ​ലാ ഉ​ള്‍പ്പെ​ടെ ന​ഗ​ര​സ​ഭ​ക​ളി​ലെ നി​ല​പാ​ടും അ​ധ്യ​ക്ഷ​ന്‍മാ​രെ സം​ബ​ന്ധി​ച്ച തീ​രു​മാ​ന​വും യോ​ഗ​ത്തി​ലു​ണ്ടാ​കും.