Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKottayamchevron_rightകോവിഡ് ബാധിതർക്ക്​...

കോവിഡ് ബാധിതർക്ക്​ ഭക്ഷണം ലഭിക്കുന്നില്ലെന്ന് വീണ്ടും പരാതി

text_fields
bookmark_border
കോവിഡ് ബാധിതർക്ക്​ ഭക്ഷണം ലഭിക്കുന്നില്ലെന്ന് വീണ്ടും പരാതി
cancel

ഗാന്ധിനഗർ: കോട്ടയം മെഡിക്കൽ കോളജിലെകോവിഡ്​ വാർഡിലെ രോഗികൾക്ക് ആവശ്യത്തിന് ഭക്ഷണമോ കുടിവെള്ളമോ ലഭിക്കുന്നി​ല്ലെന്ന്​ വീണ്ടും പരാതി. തിങ്കളാഴ്ച രാവിലെ രോഗികൾക്ക്​ നൽകിയ ഭക്ഷണം തികയാതെ വന്നതോടെ വിളമ്പിയ ഭക്ഷണത്തിൽനിന്ന് തിരിച്ചെടുക്കുന്ന അവസ്ഥയും ഉണ്ടായി.

പ്രഭാത ഭക്ഷണത്തിന് മൂന്ന് ഇഡ്​ഡലിയാണ് രോഗികൾക്കു വിളമ്പിയത്. മുഴുവൻ രോഗികൾക്കും ഇത് തികയാതെ വന്നപ്പോൾ ആദ്യം വിളമ്പിയതിൽനിന്ന്​ ഒന്നുവീതം തിരികെ എടുത്ത് ബാക്കിയുള്ളവർക്ക്​ നൽകി. ആവശ്യത്തിന്​ കുടിവെള്ളവും നൽകിയിരുന്നില്ല. വിവരമറിഞ്ഞ ഒരു സേവന സംഘടന പ്രവർത്തകരാണ് പിന്നീട് ഇവർക്ക് ചൂടുള്ള കുടിവെള്ളം എത്തിച്ചത്. കോവിഡ്​ ബാധിതർ അധികമില്ലാതിരുന്ന സമയത്ത് പ്രത്യേക മെനു തയാറാക്കിയാണ് ഭക്ഷണം നൽകിയിരുന്നത്. ഇപ്പോൾ രോഗികളുടെ എണ്ണം കൂടിയതോടെ എല്ലാം അവതാളത്തിലായി.

മുമ്പ്​ രോഗികൾക്ക് ഭക്ഷണം ലഭിക്കാതെ വന്നപ്പോൾ മാധ്യമങ്ങളിൽ വാർത്ത വന്നതിനെ തുടർന്ന് ബന്ധപ്പെട്ട അധികാരികൾ പരാതിയില്ലാത്ത വിധം ഇടപെട്ടിരുന്നു. പഴകിയ ഭക്ഷണം വിളമ്പിയതും വൻ പ്രതിഷേധത്തിന്​ ഇടയാക്കിയിരുന്നു.

Show Full Article
TAGS:covid 19 Patient food 
News Summary - Covid 19 patient food
Next Story