വെ​ള്ളൂ​ര്‍ കുടുംബാരോഗ്യ കേന്ദ്രത്തിൽ വാക്കേറ്റം; ഡോക്ടർ കുഴഞ്ഞുവീണു

പെ​രു​വ: വെ​ള്ളൂ​ര്‍ കു​ടും​ബാ​രോ​ഗ്യ കേ​ന്ദ്ര​ത്തി​ൽ ഡോ​ക്ട​ര്‍ക്കു​നേ​രെ ത​ട്ടി​ക്ക​യ​റി​യ​താ​യി ആ​ക്ഷേ​പം. വെ​ള്ളൂ​ര്‍ ഫാ​മി​ലി ഹെ​ല്‍ത്ത് സെ​ന്റ​റി​ലെ ഡോ​ക്ട​ര്‍ക്കു​നേ​രെ പ്രാ​ദേ​ശി​ക രാ​ഷ്ട്രീ​യ നേ​താ​വാ​ണ് വാ​ക്കേ​റ്റം ന​ട​ത്തി​യ​തെ​ന്നാ​ണ്​ പ​രാ​തി.​ കു​ഴ​ഞ്ഞു​വീ​ണ ഡോ​ക്ട​റെ പൊ​ലീ​സെ​ത്തി​യാ​ണ് വൈ​ക്കം താ​ലൂ​ക്ക് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച​ത്. ആ​പ്പാ​ഞ്ചി​റ സ്വ​ദേ​ശി​നി ഡോ. ​ശ്രീ​ജ രാ​ജാ​ണ് കു​ഴ​ഞ്ഞു​വീ​ണ​ത്.

ശ​നി​യാ​ഴ്ച 2.30ഓ​ടെ​യാ​യി​രു​ന്നു സം​ഭ​വം. ആ​ശു​പ​ത്രി​യി​ല്‍ രോ​ഗി​ക​ള്‍ കൂ​ടു​ത​ലാ​യി​രു​ന്നു. രാ​വി​ലെ ഒ​മ്പ​ത് മു​ത​ല്‍ ഉ​ച്ച​ക്ക്​ 2.30വ​രെ നൂ​റി​ല​ധി​കം രോ​ഗി​ക​ളെ പ​രി​ശോ​ധി​ച്ച​തി​നു​ശേ​ഷം ഉ​ച്ച​ഭ​ക്ഷ​ണം ക​ഴി​ക്കു​ന്ന​തി​നാ​യി ഡോ​ക്ട​ര്‍ എ​ഴു​ന്നേ​റ്റ​പ്പോ​ളാ​ണ് സം​ഭ​വം. ഇ​തി​ഷ്ട​പ്പെ​ടാ​തെ സ​മീ​പ​വാ​സി​യാ​യ പ്രാ​ദേ​ശി​ക നേ​താ​വ് ഡോ​ക്ട​ര്‍ക്കു​നേ​രെ ആ​ക്രോ​ശി​ച്ചു കൈ​യു​യ​ര്‍ത്തി സം​സാ​രി​ക്കു​ന്ന​തി​നി​ടെ​യാ​ണ് ഡോ​ക്ട​ര്‍ കു​ഴ​ഞ്ഞു​വീ​ണ​ത്. ഡോ​ക്ട​റു​ടെ മൊ​ഴി രേ​ഖ​പ്പെ​ടു​ത്തി​യ​തി​നു​ശേ​ഷം കേ​സ് എ​ടു​ക്കു​മെ​ന്ന് വെ​ള്ളൂ​ര്‍ പൊ​ലീ​സ് അ​റി​യി​ച്ചു.

അ​തേ​സ​മ​യം, വാ​ക്കേ​റ്റ​ത്തെ തു​ട​ർ​ന്ന്​ ഡോ​ക്ട​ർ കു​ഴ​ഞ്ഞു​വീ​ണ സം​ഭ​വ​ത്തി​ൽ വി​ശ​ദീ​ക​ര​ണ​വു​മാ​യി പ്ര​ദേ​ശ​വാ​സി​യാ​യ പാ​ർ​ട്ടി നേ​താ​വ്​ രം​ഗ​ത്തെ​ത്തി. ഉ​ച്ച​ക്ക്​ മ​രു​ന്ന്​ വാ​ങ്ങു​ന്ന​തി​നെ സം​ബ​ന്ധി​ച്ച് ഡോ​ക്ട​റോ​ട്​ വി​വ​രം പ​റ​ഞ്ഞ​പ്പോ​ൾ സ​മ​യം ക​ഴി​ഞ്ഞു​വെ​ന്ന് പ​റ​ഞ്ഞ്​ ചി​കി​ത്സ നി​ഷേ​ധി​ച്ച​ത്​ ചോ​ദ്യം​ചെ​യ്യു​ക​യാ​ണ് ചെ​യ്ത​തെ​ന്നാ​ണ്​​ വെ​ള്ളൂ​ർ വാ​ക്കേ​ത്ത​റ വി.​എ. ഷാ​ഹി​ദി​ന്‍റെ വി​ശ​ദീ​ക​ര​ണം. സെ​പ്റ്റം​ബ​ർ മു​ത​ൽ ര​ണ്ടു​മ​ണി​വ​രെ പ്ര​വ​ർ​ത്ത​ന​മു​ള്ള ആ​ശു​പ​ത്രി ഒ​രു​മ​ണി​ക്ക് അ​ട​ച്ച​തി​ൽ​ ഡി.​എം.​ഒ​ക്ക് പ​രാ​തി ന​ൽ​കി​യി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.