ഉത്രാടദിനത്തിൽ കുടിശ്ശിക പിരിക്കൽ ചർച്ചക്ക്​ സഹകരണ വകുപ്പ്​ ; ഓൺലൈൻ യോഗത്തിന്​ ജീവനക്കാർ ഓഫിസിലെത്തണം

കോട്ടയം: ഉത്രാടദിനത്തിൽ ഉച്ചകഴിഞ്ഞ്​ സഹകരണ മന്ത്രി നടത്തുന്ന ഓൺലൈൻ യോഗത്തിൽ പ​ങ്കെടുക്കാൻ സഹകരണ സ്ഥാപനങ്ങളിലെ ഭാരവാഹികളും മുതിർന്ന ജീവനക്കാരും ഓഫിസിലെത്തണമെന്ന്​ നിർദേശം. കുടിശ്ശിക നിവാരണം, ഒറ്റത്തവണ തീർപ്പാക്കൽ എന്നിവയെക്കുറിച്ച്​ ചർച്ച ചെയ്യാനാണ്​ യോഗം വിളിച്ചിരിക്കുന്നത്​.

സഹകരണബാങ്കുകളിൽനിന്ന്​ വായ്​പയെടുത്ത്​ കുടിശ്ശികയായിരിക്കുന്നവരിൽനിന്ന്​ പണം തിരിച്ചുപിടിക്കാനുള്ള നടപടികൾ ശക്തിപ്പെടുത്താൻ സഹകരണസംഘം രജിസ്​ട്രാർ 32/2021 സർക്കുലറിലൂടെ നിർദേശം നൽകിയിരുന്നു. ഇതി​െൻറ അടിസ്ഥാനത്തിലാണ്​ യോഗം വിളിച്ചിരിക്കുന്നത്​.

ഭരണസമിതി പ്രസിഡൻറ്​, ഭാരവാഹികൾ, സൂപ്പർവൈസറി കാഡറിന്​ മുകളിലുള്ള ഉദ്യോഗസ്ഥർ എന്നിവരാണ്​ യോഗത്തിൽ പ​ങ്കെടുക്കേണ്ടത്​. കോവിഡ്​ കണക്കിലെടുത്ത്​ മ​ന്ത്രിയും മറ്റ്​ ഉന്നത ഉദ്യോഗസ്ഥരും ഓൺലൈൻ മുഖേനയാണ്​ യോഗത്തിൽ പ​ങ്കെടുക്കുക. എന്നാൽ, സഹകരണ സ്ഥാപനങ്ങളിലെ ജീവനക്കാരും ഭാരവാഹികളും ബാങ്കുകളിൽ നേരി​െട്ടത്തി ഒരുമിച്ചിരുന്ന്​ യോഗത്തിൽ പ​ങ്കെടുക്കണമെന്നാണ്​ നിർദേശം.

ഇങ്ങനെ പ​െങ്കടുക്കുന്നവരുടെ പേരുവിവരങ്ങൾ ഈമാസം 24ന്​ ഉച്ചക്കുമുമ്പ്​ അതത്​ എ.ആർ ഓഫിസുകളിൽ അറിയിക്കണമെന്നും നിർദേശമുണ്ട്​. എന്നാൽ, ഓൺലൈൻ വഴി പ​ങ്കെടുക്കാവുന്നവരുടെ എണ്ണത്തിന്​ പരിധിയുള്ളതിനാലാണ്​ ഓഫിസുകളിൽ എത്താൻ നിർദേശം നൽകിയത്​ എന്നാണ്​ സഹകരണവകുപ്പ്​ വിശദീകരണം.