കാടുമൂടി ചാർജിങ്​ സ്​​റ്റേഷൻ

കോ​ട്ട​യം: നാ​ട്ട​ക​ത്ത് കെ.​എ​സ്.​ഇ.​ബി സ്ഥാ​പി​ച്ച ചാ​ർ​ജി​ങ്​ സ്റ്റേ​ഷ​ൻ പോ​സ്റ്റ് കാ​ടു​മൂ​ടി​യ നി​ല​യി​ൽ. വാ​ഹ​ന​ങ്ങ​ൾ ചാ​ർ​ജ്​ ചെ​യ്യാ​നെ​ത്തു​ന്ന യാ​ത്രി​ക​ർ കാ​ട്​ വെ​ട്ടി​ത്തെ​ളി​ക്കാ​നു​ള്ള ഉ​പ​ക​ര​ണ​വു​മാ​യി എ​ത്തേ​ണ്ട ഗ​തി​കേ​ടി​ലാ​ണ്. ദി​നം​പ്ര​തി നി​ര​വ​ധി ഇ​ല​ക്ട്രോ​ണി​ക് വാ​ഹ​ന​ങ്ങ​ൾ ക​ട​ന്നു​പോ​കു​ന്ന എം.​സി റോ​ഡി​നോ​ട് ചേ​ർ​ന്ന് സ്ഥി​തി​ചെ​യ്യു​ന്ന ചാ​ർ​ജി​ങ്​ പോ​യ​ന്റാ​ണി​ത്. ന​ഗ​ര​ത്തി​ന്റെ വി​വി​ധ ഭാ​ഗ​ങ്ങ​ളി​ൽ ഇ​ത്ത​ര​ത്തി​ൽ ചാ​ർ​ജി​ങ്​ പോ​യ​ന്റു​ക​ൾ സ്ഥാ​പി​ച്ചി​ട്ടു​ണ്ട്. പോ​സ്റ്റി​ന് ചു​റ്റും കാ​ട് ക​യ​റി​യ​തി​നാ​ൽ ക​ട​ന്നു​ചെ​ല്ലാ​ൻ പ​റ്റാ​ത്ത അ​വ​സ്ഥ​യാ​ണ്.

എം.​സി റോ​ഡി​ൽ ചി​ങ്ങ​വ​നം, കു​റി​ച്ചി ഔ​ട്ട്‌​പോ​സ്റ്റ്, മ​ന്ദി​രം ക​വ​ല, പാ​ലാ​ത്ര തു​ട​ങ്ങി​യ പ്ര​ധാ​ന റോ​ഡ​രി​കു​ക​ളും കാ​ടു​മൂ​ടി​യ നി​ല​യി​ലാ​ണ്. രാ​ത്രി​യി​ൽ വാ​ഹ​നം ചാ​ർ​ജ് ചെ​യ്യാ​നെ​ത്തു​ന്ന​വ​രാ​ണ് ഏ​റെ ദു​രി​ത​മ​നു​ഭ​വി​ക്കു​ന്ന​ത്. പാ​ർ​ക്കി​ങ്ങി​ന്​ വേ​ണ്ട സൗ​ക​ര്യ​മി​ല്ലാ​ത്ത സ്ഥ​ല​ത്ത് വാ​ഹ​നം നി​ർ​ത്തു​ന്ന​തും അ​പ​ക​ട​ത്തി​ന്​ ഇ​ട​യാ​ക്കും. തു​ട​ർ​ച്ച​യാ​യ അ​പ​ക​ട​ങ്ങ​ൾ​കൊ​ണ്ട് പൊ​റു​തി​മു​ട്ടു​ന്ന പ്ര​ദേ​ശ​ത്ത്​ ഇ​രു​ച​ക്ര​വാ​ഹ​ന​ങ്ങ​ൾ നി​ർ​ത്തി​യി​ടു​ന്ന​ത് അ​പ​ക​ട​ക്കെ​ണി​യാ​ണ്.

മു​മ്പ് തൊ​ഴി​ലു​റ​പ്പ് പ​ദ്ധ​തി​യി​ൽ ഉ​ൾ​പ്പെ​ടു​ത്തി​യും മ​ഴ​ക്കാ​ല​പൂ​ർ​വ ശു​ചീ​ക​ര​ണ ഭാ​ഗ​മാ​യും റോ​ഡ​രി​കു​ക​ളി​ലെ കാ​ടും മ​റ്റും തെ​ളി​ച്ചി​രു​ന്നു. ഇ​പ്പോ​ൾ ഇ​വ​യെ​ല്ലാം നി​ല​ച്ച​മ​ട്ടാ​ണ്. ശോ​ച്യാ​വ​സ്ഥ ക​ണ്ടി​ട്ടും അ​ധി​കൃ​ത​ർ ക​ണ്ണ​ട​ക്കു​ക​യാ​ണെ​ന്നാ​ണ് നാ​ട്ടു​കാ​രു​ടെ പ​രാ​തി. കാ​ടു​ക​ൾ വെ​ട്ടി​ത്തെ​ളി​ച്ച് ചാ​ർ​ജി​ങ്​ പോ​യ​ന്റു​ക​ൾ യാ​ത്ര​ക്കാ​ർ​ക്ക് ഉ​പ​കാ​ര​പ്ര​ദ​മാ​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്. എം.​സി റോ​ഡി​ൽ നാ​ട്ട​ക​ത്ത് സ്ഥാ​പി​ച്ച ചാ​ർ​ജി​ങ്​ സ്റ്റേ​ഷ​ന് എ​തി​രെ​യാ​ണ് നാ​ട്ടു​കാ​രു​ടെ പ​രാ​തി​യേ​റെ​യും.