തർക്കം പരിഹരിക്കാൻ ചെന്ന യുവാവി​ന്​ തലക്കടിയേറ്റു

ചങ്ങനാശ്ശേരി: ചപ്പാത്തി നിർമാണ യൂനിറ്റിനെ ചൊല്ലിയുള്ള തർക്കം പരിഹരിക്കാൻ എത്തിയ യുവാവി​െൻറ തലക്ക്​ സിമൻറ് ഇഷ്​ടികക്കുള്ള അടിയേറ്റ് പരിക്ക്.

വാകത്താനം സ്വദേശിയായ ലിജുവിനാണ് പരിക്കേറ്റത്. തിങ്കളാഴ്ച ഉച്ചയോടെയായിരുന്നു സംഭവം.

യൂനിറ്റ് നിർമാണത്തിനെതിരെ അയൽവാസികൾ തമ്മിലുള്ള തർക്കം രൂക്ഷമായതോടെ പറഞ്ഞു തീർക്കാനായി എത്തിയ ലിജു ഇരുകൂട്ടരുമായി സംസാരിച്ച്​ നിൽക്കുമ്പോൾ പ്രകോപിതനായ യുവാവ് സിമൻറ് ഇഷ്​ടിക ഉപയോഗിച്ച് തലക്കടിക്കുകയായിരുന്നു.

ബഹളം കേട്ട് എത്തിയ നാട്ടുകാർ ചേർന്ന് പരിക്കേറ്റ ലിജുവിനെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. തുടർന്ന് നാട്ടുകാർ ചേർന്ന് വാകത്താനം പൊലീസിൽ വിവരമറിയിച്ചു.