ട്രെയിനിന്‍റെ സ്റ്റോപ്​ പുനഃസ്ഥാപിച്ചു

ച​ങ്ങ​നാ​ശ്ശേ​രി: റെ​യി​ല്‍വേ സ്റ്റേ​ഷ​നി​ല്‍ കോ​വി​ഡ് വ്യാ​പ​ന​ത്തി​ന് മു​മ്പ് സ്റ്റോ​പ് ഉ​ണ്ടാ​യി​രു​ന്ന തി​രു​വ​ന​ന്ത​പു​രം-​മ​ധു​രൈ 16344 അ​മൃ​ത എ​ക്സ്പ്ര​സി​ന്‍റെ സ്റ്റോ​പ്പും 16350 കൊ​ച്ചു​വേ​ളി നി​ല​മ്പൂ​ര്‍ രാ​ജ്യ​റാ​ണി എ​ക്സ്പ്ര​സ് ട്രെ​യി​നി​ന്‍റെ സ്റ്റോ​പ്പും പു​നഃ​സ്ഥാ​പി​ച്ച​താ​യി കൊ​ടി​ക്കു​ന്നി​ല്‍ സു​രേ​ഷ് എം.​പി അ​റി​യി​ച്ചു. കോ​വി​ഡി​ന് മു​മ്പ് ര​ണ്ട് ട്രെ​യി​നു​ക​ള്‍ക്കും ച​ങ്ങ​നാ​ശ്ശേ​രി​യി​ല്‍ സ്റ്റോ​പ്പു​ണ്ടാ​യി​രു​ന്നു. എ​ന്നാ​ല്‍, കോ​വി​ഡ് വ്യാ​പ​ന​ത്തി​ന് ശേ​ഷം ട്രെ​യി​ന്‍ സ​ര്‍വി​സു​ക​ള്‍ പു​നഃ​സ്ഥാ​പി​ച്ച​പ്പോ​ള്‍ തി​രു​വ​ന​ന്ത​പു​രം-​മ​ധു​ര അ​മൃ​ത എ​ക്സ്പ്ര​സ് ട്രെ​യി​ന്‍ തി​രു​വ​ന​ന്ത​പു​ര​ത്ത് നി​ന്നും മ​ധു​ര​ക്ക് പോ​കു​മ്പോ​ള്‍ സ്റ്റോ​പ് പു​നഃ​സ്ഥാ​പി​ച്ചെ​ങ്കി​ലും മ​ധു​ര​യി​ല്‍ നി​ന്നും തി​രി​കെ വ​രു​മ്പോ​ള്‍ സ്റ്റോ​പ് ഉ​ണ്ടാ​യി​രു​ന്നി​ല്ല.

രാ​ജ്യ​റാ​ണി എ​ക്സ്പ്ര​സ് ട്രെ​യി​നി​ന് കൊ​ച്ചു​വേ​ളി​യി​ല്‍ നി​ന്നും നി​ല​മ്പൂ​ര്‍ക്ക് പോ​കു​മ്പോ​ള്‍ സ്റ്റോ​പ് പു​നഃ​സ്ഥാ​പി​ച്ചെ​ങ്കി​ലും തി​രി​കെ വ​രു​മ്പോ​ള്‍ ഉ​ണ്ടാ​യി​രു​ന്നി​ല്ല. ഇ​ത് യാ​ത്ര​ക്കാ​ര്‍ക്ക് വ​ള​രെ​യ​ധി​കം ബു​ദ്ധി​മു​ട്ട് ഉ​ണ്ടാ​ക്കി​യി​രു​ന്നു. അ​ശാ​സ്ത്രീ​യ​മാ​യി സ്റ്റോ​പ്പു​ക​ൾ നി​ർ​ണ​യി​ച്ച​ത്​ യാ​ത്ര​ക്കാ​രെ വ​ല​ക്കു​ക​യും മ​റ്റ് സ്റ്റേ​ഷ​നു​ക​ളി​ല്‍ ഇ​റ​ങ്ങി യാ​ത്ര​ചെ​യ്യേ​ണ്ട അ​വ​സ്ഥ ഉ​ണ്ടാ​ക്കു​ക​യും ചെ​യ്തി​രു​ന്നു. ഈ ​പോ​രാ​യ്മ റെ​യി​ല്‍വേ മ​ന്ത്രി​യു​ടെ​യും റെ​യി​ല്‍വേ ബോ​ര്‍ഡി​ന്‍റെ​യും ശ്ര​ദ്ധ​യി​ല്‍പ്പെ​ടു​ത്തി സ​മ്മ​ര്‍ദം ചെ​ലു​ത്തി​യ​തി​ന്‍റെ ഫ​ല​മാ​യാ​ണ് സ്റ്റോ​പ്പു​ക​ള്‍ പു​നഃ​സ്ഥാ​പി​ച്ച് കി​ട്ടി​യ​തെ​ന്ന് കൊ​ടി​ക്കു​ന്നി​ല്‍ സു​രേ​ഷ് എം.​പി അ​റി​യി​ച്ചു.