ബോംബ് ഭീഷണിയെന്ന ഫോൺ സന്ദേശം പരിഭ്രാന്തി പരത്തി

ചങ്ങനാശ്ശേരി: മുനിസിപ്പൽ ആർക്കേഡിൽ ബോംബ് ഭീഷണിയെന്ന ഫോൺ സന്ദേശം പരിഭ്രാന്തി പരത്തി. ഞായറാഴ്ച വൈകീട്ട് നാലരയോടെയാണ് ചങ്ങനാശ്ശേരി പൊലീസ് സ്​റ്റേഷനിലേക്ക്​ ഫോൺ വിളി എത്തിയത്.

നഗരമധ്യത്തിലെ ആർക്കേഡിൽ ഒരുപെട്ടി കണ്ടതായും ഇതിൽ ബോംബാണെന്ന്​ സംശയിക്കു​െന്നന്നുമായിരുന്നു ഫോൺ. മൂന്ന്​ വാഹനത്തിലായി പൊലീസുകാർ സംഭവസ്ഥലത്തേക്ക് എത്തി.

ഏറെ ശ്രദ്ധയോടെ പെട്ടി തുറന്ന്​ പരിശോധിച്ചപ്പോൾ കിട്ടിയത് കടകളിലെ മാലിന്യം. പ്ലാസ്​റ്റിക് കൂടുകളും പേപ്പറുകളും പെട്ടിയിൽ ഉണ്ടായിരുന്നു. ഇതോടെ ആശങ്ക ഒഴിഞ്ഞു. മാലിന്യം തള്ളിയ ആളെ കണ്ടെത്താനുള്ള ശ്രമത്തിലാണ് പൊലീസ്.