അനധികൃത സിം കാർഡ് വിൽപനയെന്ന്​, പൊലീസ് ശ്രദ്ധ വേണമെന്ന്​ ആവശ്യം

ച​ങ്ങ​നാ​ശ്ശേ​രി: നി​ര​വ​ധി അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ൾ വ​സി​ക്കു​ന്ന പ്ര​ദേ​ശ​മാ​യ പാ​യി​പ്പാ​ട്​ ക​ഴി​ഞ്ഞ കു​റ​ച്ചു​ദി​വ​സ​ങ്ങ​ളാ​യി അ​ന​ധി​കൃ​ത സിം ​കാ​ർ​ഡ്​ വി​ൽ​പ​ന ന​ട​ക്കു​ന്ന​താ​യി ആ​ക്ഷേ​പം.

ഇ​തി​നെ​തി​രെ പൊ​ലീ​സ്​ ശ്ര​ദ്ധ​യു​ണ്ടാ​ക​ണ​മെ​ന്നും അ​ല്ലാ​ത്ത​പ​ക്ഷം ഇ​ത്​ വ​ലി​യ പ്ര​ശ്ന​ങ്ങ​ൾ​ക്ക്​ കാ​ര​ണ​മാ​കു​മെ​ന്നും വ്യാ​പാ​രി​ക​ൾ ഉ​ൾ​പ്പെ​ടെ ആ​വ​ശ്യ​പ്പെ​ടു​ന്നു.

ബാ​ഗു​ക​ളി​ൽ സിം ​കാ​ർ​ഡു​ക​ളു​മാ​യി സ്ത്രീ​ക​ൾ ഉ​ൾ​പ്പെ​ടെ പാ​യി​പ്പാ​ട് ക​വ​ല​യി​ലും പ​രി​സ​ര​ങ്ങ​ളി​ലും അ​ന​ധി​കൃ​ത സിം ​വി​ൽ​പ​ന ന​ട​ത്തു​ന്ന​താ​യാ​ണ്​ ആ​ക്ഷേ​പം. നാ​ലു​കോ​ടി ഭാ​ഗ​ങ്ങ​ളി​ലു​ള്ള മൊ​ബൈ​ൽ ഷോ​പ്പു​ക​ളി​ൽ ഏ​ജ​ൻ​സി പ്ര​തി​നി​ധി​ക​ൾ എ​ന്ന പേ​രി​ൽ സി​മ്മു​ക​ൾ ന​ൽ​കാം എ​ന്ന വ്യാ​ജേ​ന പ​ണം അ​ഡ്വാ​ൻ​സാ​യി വാ​ങ്ങി ക​ബ​ളി​പ്പി​ക്കാ​നു​ള്ള ശ്ര​മ​ങ്ങ​ൾ ന​ട​ന്ന​താ​യും വ്യാ​പാ​രി​ക​ൾ ചൂ​ണ്ടി​ക്കാ​ട്ടു​ന്നു.

പാ​യി​പ്പാ​ട് പ്ര​ദേ​ശ​ങ്ങ​ളി​ൽ അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ൾ എ​ത്തു​ന്ന​ത്​ ദി​നം​പ്ര​തി വ​ർ​ധി​ച്ചു​വ​രു​ക​യാ​ണ്.

ഇ​വ​ർ​ക്കി​ട​യി​ലു​ൾ​പ്പെ​ടെ ന​ട​ക്കു​ന്ന ഈ ​സിം കാ​ർ​ഡ്​ വി​ത​ര​ണം ​പ്ര​ദേ​ശ​ത്തെ ക്ര​മ​സ​മാ​ധാ​ന​ത്തെ ബാ​ധി​ക്കു​മെ​ന്ന ആ​ശ​ങ്ക​യു​മു​ണ്ട്. സൗ​ജ​ന്യ​മാ​യി ഉ​ൾ​പ്പെ​ടെ സിം ​കാ​ർ​ഡ്​ കൈ​മാ​റു​ക​യാ​ണ്. ഇ​തി​നെ​തി​രെ തൃ​ക്കൊ​ടി​ത്താ​നം പൊ​ലീ​സി​ൽ വ്യാ​പാ​രി സം​ഘ​ട​ന പ​രാ​തി ന​ൽ​കി.

ഇ​ത്ത​രം സിം ​കാ​ർ​ഡ്​ ക​ച്ച​വ​ട​ക്കാ​രെ മാ​ർ​ക്ക​റ്റി​ൽ കാ​ണു​മ്പോ​ൾ മൊ​ബൈ​ൽ ഫോ​ൺ വ്യാ​പാ​രി​ക​ൾ പൊ​ലീ​സി​ൽ വി​വ​രം അ​റി​യി​ക്ക​ണ​മെ​ന്നും വി​ഷ​യ​ത്തി​ൽ പൊ​ലീ​സി​ന്റെ അ​തീ​വ​ശ്ര​ദ്ധ ഉ​ണ്ടാ​ക​ണ​മെ​ന്നും വ്യാ​പാ​രി വ്യ​വ​സാ​യി സ​മി​തി ച​ങ്ങ​നാ​ശ്ശേ​രി ഏ​രി​യ പ്ര​സി​ഡ​ന്‍റ്​ കെ.​എ. അ​ഷ​റ​ഫ് കു​ട്ടി ആ​വ​ശ്യ​പ്പെ​ട്ടു.