വാടകയ്​ക്ക്​ വാഹനമെടുത്ത് തട്ടിപ്പ്; പ്രതി പിടിയിൽ

ച​ങ്ങ​നാ​ശ്ശേ​രി: റെൻറി​ന് വാ​ഹ​ന​മെ​ടു​ത്ത് ത​ട്ടി​പ്പ് ന​ട​ത്തി മു​ങ്ങി​യ പ്ര​തി​യെ ച​ങ്ങ​നാ​ശ്ശേ​രി പൊ​ലീ​സ് പി​ടി​കൂ​ടി. ആ​ല​പ്പു​ഴ കു​മ​ര​ങ്ക​രി സ്വ​ദേ​ശി ആ​റു​പ​റ​യി​ല്‍ രാ​ജീ​വി​നെ​യാ​ണ് (28) പി​ടി​കൂ​ടി​യ​ത്. മാ​സ​ങ്ങ​ളാ​യി ഒ​ളി​വി​ല്‍ ക​ഴി​ഞ്ഞി​രു​ന്ന പ്ര​തി​യെ മൊ​ബൈ​ല്‍ ട​വ​ര്‍ കേ​ന്ദ്രീ​ക​രി​ച്ചു​ള്ള അ​ന്വേ​ഷ​ണ​ത്തി​ല്‍ ചൊ​വ്വാ​ഴ്ച രാ​ത്രി അ​ടൂ​ര്‍ ഭാ​ഗ​ത്തെ കോ​ള​നി​യി​ല്‍നി​ന്നാ​ണ് പി​ടി​കൂ​ടി​യ​ത്.

നാ​ലു​മാ​സം മു​മ്പാ​ണ്​ ച​ങ്ങ​നാ​ശ്ശേ​രി തു​രു​ത്തി സ്വ​ദേ​ശി​യാ​യ ജി​മ്മി​യു​ടെ ഇ​ന്നോ​വ കാ​ര്‍ രാ​ജീ​വ് റെൻറി​നെ​ടു​ത്ത​ത്. ആ​ദ്യ​മാ​സം വാ​ട​ക ല​ഭി​ച്ചെ​ങ്കി​ലും പി​ന്നീ​ട് വാ​ട​ക ല​ഭി​ക്കാ​താ​യ​തോ​ടെ രാ​ജീ​വി​നെ ബ​ന്ധ​പ്പെ​ട്ടെ​ങ്കി​ലും പ​ല​തും പ​റ​ഞ്ഞ് ഒ​ഴി​യു​ക​യും പി​ന്നീ​ട് വ​ന്ന് വാ​ട​ക ത​ന്നു​കൊ​ള്ളാ​മെ​ന്ന്​ അ​റി​യി​ക്കു​ക​യു​മാ​യി​രു​ന്നു. പി​ന്നീ​ട്​ ഫോ​ണ്‍ സ്വി​ച്ഓ​ഫാ​യി. തു​ട​ർ​ന്ന്​ ഇ​യാ​ളെ​ക്കു​റി​ച്ച് അ​ന്വേ​ഷ​ണം ന​ട​ത്തി​യെ​ങ്കി​ലും ഒ​രു​വി​വ​ര​വും ല​ഭി​ച്ചി​ല്ല. തു​ട​ര്‍ന്ന് വാ​ഹ​ന ഉ​ട​മ കോ​ട​തി​യെ സ​മീ​പി​ക്കു​ക​യും കേ​സ്​ കോ​ട​തി ച​ങ്ങ​നാ​ശ്ശേ​രി പൊ​ലീ​സി​ന്​ കൈ​മാ​റു​ക​യു​മാ​യി​രു​ന്നു.

പൊ​ലീ​സ് അ​ന്വേ​ഷി​ച്ചു​വ​രു​ന്ന​തി​നി​െ​ട ഫോ​ണ്‍ ഓ​ണാ​യ​താ​ണ്​ രാ​ജീ​വി​നെ പി​ടി​കൂ​ടാ​ൻ സ​ഹാ​യ​ക​മാ​യ​ത്. സൈ​ബ​ര്‍ വി​ങ്​ അ​റി​യി​ച്ച​പ്ര​കാ​രം ന​ട​ത്തി​യ അ​ന്വേ​ഷ​ണ​ത്തി​ല്‍ പ്ര​തി അ​ടൂ​രി​ന് സ​മീ​പ​ത്തെ ഒ​രു കോ​ള​നി​യി​ലു​ണ്ടെ​ന്ന് മ​ന​സ്സി​ലാ​ക്കി. തു​ട​ര്‍ന്ന് ച​ങ്ങ​നാ​ശ്ശേ​രി ഡി​വൈ.​എ​സ്.​പി വി.​ജെ. ജോ​ഫി​യു​ടെ നി​ര്‍ദേ​ശാ​നു​സ​ര​ണം സി.​ഐ ആ​സാ​ദി​െൻറ നേ​തൃ​ത്വ​ത്തി​ല്‍ എ​സ്‌.​ഐ സ്​​റ്റെ​പ്റ്റോ ജോ​ണ്‍, ആ​ൻ​റ​ണി മൈ​ക്കി​ള്‍, അ​ജേ​ഷ് എ​ന്നി​വ​ര്‍ പ്ര​തി​യെ പി​ടി​കൂ​ടു​ക​യാ​യി​രു​ന്നു. സ്വ​ന്തം വാ​ഹ​ന​മാ​ണെ​ന്ന് പ​റ​ഞ്ഞ്​ മ​റ്റൊ​രാ​ള്‍ക്ക് വാ​ട​ക​ക്ക്​ ന​ൽ​കി​യി​രു​ന്ന കാ​റും പി​ടി​ച്ചെ​ടു​ത്തു. പ്ര​തി​യെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍ഡ് ചെ​യ്തു.