ചങ്ങനാശ്ശേരി ജനറൽ ആശുപത്രിയിൽ സ്വീവേജ് ട്രീറ്റ്മെന്റ് പ്ലാന്റിന്​ നടപടി

ച​ങ്ങ​നാ​ശ്ശേ​രി: ജ​ന​റ​ൽ ആ​ശു​പ​ത്രി​യി​ൽ സ്വീ​വേ​ജ് ട്രീ​റ്റ്മെ​ന്റ് പ്ലാ​ന്റ് (എ.​സി.​പി) നി​ർ​മി​ക്കാ​ൻ ന​ട​പ​ടി. ഒ​ന്ന​ര​ക്കോ​ടി രൂ​പ​യി​ലേ​റെ ചെ​ല​വ​ഴി​ച്ചാ​ണ് മ​ലി​ന​ജ​ല ശു​ദ്ധീ​ക​ര​ണ സം​വി​ധാ​നം ഒ​രു​ക്കു​ന്ന​ത്. നാ​ഷ​ന​ൽ ഹെ​ൽ​ത്ത് മി​ഷ​ന്റെ ചു​മ​ത​ല​യി​ലാ​ണ് പ​ദ്ധ​തി ന​ട​പ്പാ​ക്കു​ന്ന​ത്. മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡി​ന്റെ പു​തി​യ മാ​ന​ദ​ണ്ഡ​ങ്ങ​ൾ അ​നു​സ​രി​ച്ച്, മ​ലി​ന​ജ​ലം ശു​ദ്ധീ​ക​രി​ക്കു​ക​യും മ​ലി​ന പ​ദാ​ർ​ഥ​ങ്ങ​ൾ വേ​ർ​തി​രി​ച്ചെ​ടു​ക്കു​ക​യും ശു​ദ്ധീ​ക​രി​ച്ച വെ​ള്ളം പൊ​തു ആ​വ​ശ്യ​ത്തി​ന്​ വീ​ണ്ടും ഉ​പ​യോ​ഗി​ക്കു​ക​യും ചെ​യ്യ​ണ​മെ​ന്ന് നി​ർ​ദേ​ശ​മു​ണ്ട്. ഇ​ത്ത​ര​ത്തി​ലു​ള്ള സൗ​ക​ര്യം നി​ല​വി​ൽ ച​ങ്ങ​നാ​ശ്ശേ​രി ജ​ന​റ​ൽ ആ​ശു​പ​ത്രി​യി​ൽ ഇ​ല്ല. 125 കി​ലോ​ലി​റ്റ​ർ സം​ഭ​ര​ണ​ശേ​ഷി​യു​ള്ള പ്ലാ​ന്റാ​ണ് നി​ർ​മി​ക്കു​ന്ന​ത്.

ആ​ശു​പ്ര​തി​യി​ൽ പ​ര​മാ​വ​ധി 277 കി​ട​ക്ക​ക​ളി​ൽ വ​രെ രോ​ഗി​ക​ൾ ഉ​ണ്ടാ​കാ​വു​ന്ന സാ​ഹ​ച​ര്യം ക​ണ​ക്കാ​ക്കി​യാ​ണ് സം​ഭ​ര​ണ​ശേ​ഷി ഉ​ൾ​പ്പെ​ടെ കാ​ര്യ​ങ്ങ​ളി​ൽ അ​ന്തി​മ തീ​രു​മാ​ന​ത്തി​ൽ എ​ത്തി​യ​ത്. പ്ലാ​ന്റി​ലൂ​ടെ ശു​ദ്ധീ​ക​രി​ച്ച് എ​ടു​ക്കു​ന്ന വെ​ള്ളം ആ​ശു​പ​ത്രി​യി​ലെ വി​വി​ധ ആ​വ​ശ്യ​ങ്ങ​ൾ​ക്ക് ഉ​പ​യോ​ഗി​ക്കാ​നാ​കും. മാ​ലി​ന്യ സം​സ്ക​ര​ണം സു​ഗ​മ​മാ​ക്കാ​നും പാ​രി​സ്ഥി​തി​ക പ്ര​ശ്ന​ങ്ങ​ൾ ഒ​ഴി​വാ​ക്കാ​നും പ​ദ്ധ​തി സ​ഹാ​യി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. എ.​സി.​പി​യി​ൽ​നി​ന്നു​ള്ള ശു​ദ്ധീ​ക​രി​ച്ച വെ​ള്ളം പ്ര​യോ​ജ​ന​പ്പെ​ടു​ത്തു​ന്ന​തി​ലൂ​ടെ ഭൂ​ഗ​ർ​ഭ​ജ​ല​ത്തി​ന്റെ ഉ​പ​യോ​ഗം കു​റ​ക്കാ​നും സ​ഹാ​യ​ക​ര​മാ​കു​മെ​ന്നും വി​ല​യി​രു​ത്തു​ന്നു.