റോഡിനു കുറുകെ വൈദ്യുതി പോസ്റ്റും ലൈനും നിലംപതിച്ചു; വന്‍ ദുരന്തം ഒഴിവായി

ച​ങ്ങ​നാ​ശ്ശേ​രി: മ​ണ്ണു​മാ​ന്തി യ​ന്ത്രം ഉ​പ​യോ​ഗി​ച്ച് ജ​ല അ​തോ​റി​റ്റി​യു​ടെ പൈ​പ്പ് സ്ഥാ​പി​ക്കാ​ൻ കു​ഴി​യെ​ടു​ക്കു​ന്ന​തി​നി​ടെ വാ​ഴൂ​ര്‍ റോ​ഡി​ല്‍ തെ​ങ്ങ​ണ​യി​ല്‍ വൈ​ദ്യു​തി പോ​സ്റ്റും ലൈ​നും റോ​ഡി​നു കു​റു​കെ നി​ലം​പ​തി​ച്ചു. വ​ന്‍ ദു​ര​ന്തം ഒ​ഴി​വാ​യി. കെ.​എ​സ്.​ഇ.​ബി​ക്ക് 70,000 രൂ​പ​യു​ടെ നാ​ശ​ന​ഷ്ടം.

വെ​ള്ളി​യാ​ഴ്ച രാ​വി​ലെ ഒ​മ്പ​തോ​ടെ​യാ​യി​രു​ന്നു സം​ഭ​വം. ഏ​റ്റ​വും തി​ര​ക്കേ​റി​യ സ​മ​യ​ത്താ​ണ് അ​പ​ക​ടം. ഈ​സ​മ​യ​ത്ത് വാ​ഹ​ന​ങ്ങ​ളൊ​ന്നും ക​ട​ന്നു പോ​വാ​തി​രു​ന്ന​ത് വ​ന്‍ദു​ര​ന്തം ഒ​ഴി​വാ​ക്കി. വൈ​ദ്യു​തി ലൈ​നു​ക​ള്‍ യാ​ത്ര​ക്കാ​രു​ടെ മു​ക​ളി​ലേ​ക്ക് വീ​ഴാ​തെ ത​ല​നാ​രി​ഴ​ക്കാ​ണ് ര​ക്ഷ​പ്പെ​ട്ട​ത്. നാ​ട്ടു​കാ​ര്‍ പെ​രു​മ്പ​ന​ച്ചി കെ.​എ​സ്.​ഇ.​ബി ഓ​ഫി​സി​ല്‍ അ​റി​യി​ച്ച്​ വൈ​ദ്യു​തി​ബ​ന്ധം വി​ച്ഛേ​ദി​പ്പി​ക്കു​ക​യാ​യി​രു​ന്നു. മ​ണി​ക്കൂ​റു​ക​ളോ​ളം വാ​ഴൂ​ര്‍ റോ​ഡി​ല്‍ ഗ​താ​ഗ​തം മു​ട​ങ്ങി​യ​തോ​ടെ യാ​ത്ര​ക്കാ​ര്‍ ദു​രി​ത​ത്തി​ലാ​യി. ഉ​പ​വ​ഴി​ക​ളി​ലൂ​ടെ​യാ​ണ്​ വാ​ഹ​ന​ങ്ങ​ള്‍ തി​രി​ച്ചു​വി​ട്ട​ത്.

പ്ര​ദേ​ശ​ത്ത് മ​ണി​ക്കൂ​റു​ക​ളോ​ളം വൈ​ദ്യു​തി വി​ത​ര​ണ​വും ത​ട​സ്സ​പ്പെ​ട്ടു. നെ​ടും​കു​ന്നം ജ​ല അ​തോ​റി​റ്റി​യി​ല്‍നി​ന്ന്​ എ​ത്തി​യ ക​രാ​റു​കാ​ര്‍ കെ.​എ​സ്.​ഇ.​ബി​യെ അ​റി​യി​ക്കാ​തെ​യാ​ണ് ജോ​ലി​ക​ള്‍ ന​ട​ത്തി​യ​ത്. വൈ​കീ​ട്ടോ​ടെ​യാ​ണ് പോ​സ്റ്റ്​ സ്ഥാ​പി​ച്ച് വൈ​ദ്യു​തി പു​നഃ​സ്ഥാ​പി​ച്ച​ത്. സം​ഭ​വ​ത്തി​ല്‍ കേ​സ് ന​ല്‍കു​മെ​ന്ന് കെ.​എ​സ്.​ഇ.​ബി അ​ധി​കൃ​ത​ര്‍ പ​റ​ഞ്ഞു.