ദ​ക്ഷി​ണാ​ഫ്രി​ക്ക​യി​ല്‍നി​ന്ന്​ അ​മേ​രി​ക്ക​യി​ലേ​ക്കു​ള്ള കപ്പൽ യാ​ത്ര​ക്കി​ടെ മലയാളി ജീവനക്കാരനെ കാണാതായി

ച​ങ്ങ​നാ​ശ്ശേ​രി: ച​ര​ക്കു​ക​പ്പ​ലി​ലെ ജോ​ലി​ക്കാ​ര​നാ​യ കു​റി​ച്ചി സ്വ​ദേ​ശി യു​വാ​വി​നെ ദ​ക്ഷി​ണാ​ഫ്രി​ക്ക​യി​ല്‍നി​ന്ന്​ അ​മേ​രി​ക്ക​യി​ലേ​ക്കു​ള്ള യാ​ത്ര​ക്കി​ടെ കാ​ണാ​താ​യ​താ​യി ക​മ്പ​നി അ​ധി​കൃ​ത​ര്‍ ബ​ന്ധു​ക്ക​ളെ അ​റി​യി​ച്ചു. കു​റി​ച്ചി ഔ​ട്ട്പോ​സ്റ്റി​ന്​ സ​മീ​പം വ​ലി​യി​ട​ത്ത​റ വീ​ട്ടി​ല്‍ ജ​സ്റ്റി​ന്‍ കു​രു​വി​ള​യെ​യാ​ണ്​ (30) കാ​ണാ​താ​യ​ത്.

ആ​റു​വ​ര്‍ഷം മു​മ്പാ​ണ് മും​ബൈ ആ​സ്ഥാ​ന​മാ​യ ക​മ്പ​നി​യി​ല്‍ ഹോ​ട്ട​ല്‍ മാ​നേ​ജ്മെ​ന്റ് പ​ഠി​ച്ച ജ​സ്റ്റി​ന്‍ 'സ്ട്രീം ​അ​റ്റ്ലാ​ന്‍റി​ക്' ക​പ്പ​ലി​ല്‍ അ​സി​സ്റ്റ​ന്‍റ്​ കു​ക്കാ​യി ജോ​ലി​ക്ക്​ പ്ര​വേ​ശി​ച്ച​ത്. ജ​നു​വ​രി 31നാ​ണ് 25 പേ​രു​മാ​യി സ്ട്രീം ​അ​റ്റ്ലാ​ന്‍റി​ക്​ ദ​ക്ഷി​ണാ​ഫ്രി​ക്ക​യി​ലെ തീ​ര​ത്തു​നി​ന്ന്​ പു​റ​പ്പെ​ട്ട​ത്. ക​പ്പ​ല്‍ ഈ ​മാ​സം 23നാ​ണ് അ​മേ​രി​ക്ക​ന്‍ തീ​ര​ത്ത് എ​ത്തി​ച്ചേ​രു​ക. ഈ ​യാ​ത്ര​ക്കി​ടെ ജ​സ്റ്റി​നെ കാ​ണാ​താ​യ​താ​യി ബു​ധ​നാ​ഴ്ച രാ​വി​ലെ​യാ​ണ്​ വി​വ​രം ല​ഭി​ച്ച​ത്.

ജ​സ്റ്റി​ന്‍റെ സ​ഹോ​ദ​ര​നെ​യാ​ണ്​ ആ​ദ്യം ഫോ​ണി​ല്‍ ബ​ന്ധ​പ്പെ​ട്ട് വി​വ​രം അ​റി​യി​ച്ച​ത്. ഇ​തി​നു പി​ന്നാ​ലെ, ഉ​ച്ച​യോ​ടെ ഇ-​മെ​യി​ലും ല​ഭി​ച്ചു. വ്യാ​ഴാ​ഴ്ച ഉ​ച്ച​യോ​ടെ എ​റ​ണാ​കു​ള​ത്തു​നി​ന്ന് ക​മ്പ​നി അ​ധി​കൃ​ത​രെ​ത്തി വീ​ട്ടു​കാ​ര്‍ക്ക് വി​വ​രം ചൂ​ണ്ടി​ക്കാ​ട്ടി ക​ത്തും ന​ല്‍കി.

ക​ഴി​ഞ്ഞ ഞാ​യ​റാ​ഴ്ച ജ​സ്റ്റി​ന്‍ വീ​ട്ടി​ല്‍ വി​ളി​ച്ച്​ മാ​താ​വ് കു​ഞ്ഞൂ​ഞ്ഞ​മ്മ​യു​മാ​യി സം​സാ​രി​ച്ചി​രു​ന്നു. പി​ന്നീ​ട്, തി​ങ്ക​ളാ​ഴ്ച​യും ചൊ​വ്വാ​ഴ്ച​യും ജ​സ്റ്റി​നെ​പ​റ്റി വി​വ​ര​മു​ണ്ടാ​യി​രു​ന്നി​ല്ല. ബു​ധ​നാ​ഴ്ച പു​ല​ര്‍ച്ച ഏ​ഴോ​ടെ​യാ​ണ് ജ​സ്റ്റി​നെ കാ​ണാ​നി​ല്ലെ​ന്ന വി​വ​രം പു​റ​ത്തു​വ​ന്ന​ത്. ജ​സ്റ്റി​ന്റെ തി​രോ​ധാ​നം സം​ബ​ന്ധി​ച്ച്​ കൃ​ത്യ​മാ​യ വി​വ​രം ല​ഭി​ക്കാ​ന്‍ സം​സ്ഥാ​ന സ​ര്‍ക്കാ​ര്‍ അ​ട​ക്കം ഇ​ട​പെ​ട​ണ​മെ​ന്നാ​ണ്​​ ബ​ന്ധു​ക്ക​ളു​ടെ ആ​വ​ശ്യം. ന​വം​ബ​റി​ലാ​ണ് ജ​സ്റ്റി​ൻ നാ​ട്ടി​ല്‍ വ​ന്നു മ​ട​ങ്ങി​യ​ത്.

മൂ​ന്ന് ആ​ഴ്ച മു​മ്പാ​യി​രു​ന്നു ജ്യേ​ഷ്ഠ​ന്‍ സ്​​റ്റെ​ഫി​ന്റെ വി​വാ​ഹം ന​ട​ന്ന​ത്. അ​തി​ൽ പ​ങ്കെ​ടു​ക്കാ​ന്‍ എ​ത്തി​യി​രു​ന്നി​ല്ല. വി​വാ​ഹ​ത്തി​ന് വി​ദേ​ശ​ത്തു​നി​ന്ന്​ വ​ന്ന സ​ഹോ​ദ​രി ശി​ഖ നാ​ട്ടി​ലു​ണ്ട്. ജ​സ്റ്റി​ന്റെ പി​താ​വ് മൂ​ന്നു​വ​ര്‍ഷം മു​മ്പാ​ണ് അ​പ​ക​ട​ത്തി​ല്‍ മ​രി​ച്ച​ത്.

വി​വ​രം അ​റി​ഞ്ഞ​യു​ട​ന്‍ വീ​ട്ടു​കാ​ര്‍ വാ​ര്‍ഡ്​ മെം​ബ​ര്‍ ബി​ന്ദു ര​മേ​ശ്, ജി​ല്ല പ​ഞ്ചാ​യ​ത്ത്​ അം​ഗം പി.​കെ. വൈ​ശാ​ഖ് എ​ന്നി​വ​രെ അ​റി​യി​ച്ചു. സം​ഭ​വ​ത്തി​ല്‍ ദ​ക്ഷി​ണാ​ഫ്രി​ക്ക​ന്‍ ഇ​ന്ത്യ​ന്‍ ഹൈ​ക​മീ​ഷ​ന്‍ വ​ഴി എ​ല്ലാ സ​ഹാ​യ​വും ന​ൽ​ക​ണ​മെ​ന്ന്​ ആ​വ​ശ്യ​പ്പെ​ട്ട് കൊ​ടി​ക്കു​ന്നി​ല്‍ സു​രേ​ഷ് എം.​പി കേ​ന്ദ്ര​വി​ദേ​ശ​കാ​ര്യ മ​ന്ത്രി ഡോ. ​എ​സ്. ജ​യ്​​ശ​ങ്ക​റി​ന് ക​ത്ത് ന​ല്‍കു​ക​യും കേ​ന്ദ്ര വി​ദേ​ശ​കാ​ര്യ സ​ഹ​മ​ന്ത്രി വി. ​മു​ര​ളീ​ധ​ര​നെ മ​ന്ത്രി​യു​ടെ ഓ​ഫി​സി​ല്‍ നേ​രി​ട്ടു​കാ​ണു​ക​യും ചെ​യ്തു. വി. ​മു​ര​ളീ​ധ​ര​ന്‍ എ​ല്ലാ സ​ഹാ​യ​വും ഉ​റ​പ്പു​ന​ൽ​കി​യ​താ​യും കൊ​ടി​ക്കു​ന്നി​ല്‍ ച​ര്‍ച്ച​ക്കു​ശേ​ഷം പ​റ​ഞ്ഞു.

മ​ന്ത്രി വി.​എ​ന്‍. വാ​സ​വ​ന്‍, എം.​എ​ല്‍.​എ​മാ​രാ​യ ഉ​മ്മ​ന്‍ ചാ​ണ്ടി, ജോ​ബ് മൈ​ക്കി​ള്‍, തി​രു​വ​ഞ്ചൂ​ര്‍ രാ​ധാ​കൃ​ഷ്ണ​ന്‍, ബി.​ജെ.​പി കോ​ട്ട​യം ജി​ല്ല പ്ര​സി​ഡ​ന്റ് ലി​ജി​ന്‍ ലാ​ല്‍ തു​ട​ങ്ങി​യ​വ​ര്‍ വീ​ട്ടി​ലെ​ത്തി ബ​ന്ധു​ക്ക​ളു​മാ​യി സം​സാ​രി​ച്ചു.