ഡാമുകളുടെ യഥാർഥ സംഭരണശേഷി കണ്ടെത്താൻ കേന്ദ്ര ജലകമീഷൻ പഠനം: കക്കിയിൽ തുടങ്ങി; ഇനി ഇടുക്കിയിൽ

കോ​ട്ട​യം: രാ​ജ്യ​ത്തെ വ​ലി​യ ഡാ​മു​ക​ളി​​ൽ ജ​ല​സം​ഭ​ര​ണ​ശേ​ഷി ക​ണ്ടെ​ത്താ​ൻ കേ​ന്ദ്ര ജ​ല​ക​മീ​ഷ​ൻ തീ​രു​മാ​നം. ഇ​തി​ന്‍റെ ഭാ​ഗ​മാ​യി സം​സ്ഥാ​ന​ത്തെ നാ​ല് ഡാ​മു​ക​ളി​ൽ പ​ഠ​നം തു​ട​ങ്ങു​ന്നു. മ​ഴ​യി​ൽ അ​തി​വേ​ഗം ഡാ​മു​ക​ൾ നി​റ​യു​ന്ന സാ​ഹ​ച​ര്യ​ത്തി​ലാ​ണ്​ രാ​ജ്യ​ത്തെ വ​ലി​യ അ​ണ​ക്കെ​ട്ടു​ക​ളു​ടെ യ​ഥാ​ർ​ഥ സം​ഭ​ര​ണ​ശേ​ഷി ക​​ണ്ടെ​ത്താ​ൻ കേ​ന്ദ്ര ജ​ല​ക​മീ​ഷ​ൻ തീ​രു​മാ​നി​ച്ച​ത്​.

കേ​ര​ള​ത്തി​ൽ ഇ​ടു​ക്കി, ക​ക്കി, ഇ​ട​മ​ല​യാ​ർ, ബാ​ണാ​സു​ര​സാ​ഗ​ർ എ​ന്നീ ഡാ​മു​ക​ളി​ലാ​ണ്​ ​​ക​ണ​ക്കെ​ടു​പ്പ്. ഇ​തി​ൽ ക​ക്കി​യി​ലെ സ​ർ​വേ പൂ​ർ​ത്തി​യാ​യി. ഡ​ൽ​ഹി ആ​സ്ഥാ​ന​മാ​യു​ള്ള ടോ​ജോ വി​കാ​സ് ക​മ്പ​നി​ക്കാ​ണ്​ ബാ​ത്തി മെ​ട്രി​ക് സ​ർ​വേ​യി​ലൂ​ടെ ജ​ല​ത്തി​ന്‍റെ അ​ള​വ്​ ക​ണ്ടെ​ത്താ​നു​ള്ള ക​രാ​ർ.

അ​ൾ​ട്രാ സൗ​ണ്ട് ത​രം​ഗം ഉ​പ​യോ​ഗി​ച്ചു​ള്ള ആ​ഴം ക​ണ്ടെ​ത്ത​ൽ ക​ഴി​ഞ്ഞ ദി​വ​സ​മാ​ണ്​ ക​ക്കി​യി​ൽ പൂ​ർ​ത്തി​യാ​യ​ത്. അ​ടു​ത്ത​ഘ​ട്ടം ഇ​ടു​ക്കി ഡാ​മി​ൽ പ​ഠ​നം ആ​രം​ഭി​ക്കും. ഒ​രു​മാ​സം സ​മ​യ​മെ​ടു​ത്താ​ണ് ഇ​ടു​ക്കി​യി​ലെ പ്ര​വ​ർ​ത്ത​ന​ങ്ങ​ൾ. ഇ​തി​നു​ശേ​ഷ​മാ​കും ഇ​ട​മ​ല​യാ​ർ, ബാ​ണാ​സു​ര​സാ​ഗ​ർ എ​ന്നി​വി​ട​ങ്ങ​ളി​ലെ ക​ണ​ക്കെ​ടു​പ്പ്.

നി​​ർ​​മാ​​ണ​​ഘ​​ട്ട​​ത്തി​​ലെ സം​​ഭ​​ര​​ണ​​ശേ​​ഷി​​യും നി​ല​വി​ൽ ശേ​ഖ​രി​ക്കാ​വു​ന്ന ജ​ല​ത്തി​​ന്‍റെ അ​ള​വും ത​മ്മി​ൽ വ​ലി​യ അ​ന്ത​ര​മു​ണ്ടെ​ന്ന സം​ശ​യ​ത്തി​ലാ​ണ്​​ പ​ഠ​നം. അ​ടി​ത്ത​ട്ടി​ൽ വ​ലി​യ​തോ​തി​ൽ ച​ളി​യും മ​ണ്ണും അ​ടി​ഞ്ഞു​കൂ​ടി​യ​തി​നാ​ൽ നി​ല​വി​ലെ ക​ണ​ക്കു​ക​ൾ കൃ​ത്യ​മ​ല്ലെ​ന്നും ചൂ​ണ്ടി​ക്കാ​ട്ട​പ്പെ​ട്ടി​രു​ന്നു.

പു​തി​യ പ​ഠ​ന​ത്തി​ലൂ​ടെ ഒാ​രോ ഡാ​മി​ലെ​യും ജ​ല​ശേ​ഖ​ര​ത്തി​ന്‍റെ കൃ​ത്യ​മാ​യ വി​വ​ര​ങ്ങ​ൾ ല​ഭ്യ​മാ​കു​മെ​ന്നാ​ണ്​ ജ​ല​ക​മീ​ഷ​ൻ വി​ല​യി​രു​ത്ത​ൽ. വി​വി​ധ ഘ​ട്ട​ങ്ങ​ളാ​യി തി​രി​ച്ച്​ രാ​ജ്യ​ത്തു​ട​നീ​ളം വ​ലി​യ അ​ണ​ക്കെ​ട്ടു​ക​ളി​ൽ സ​ർ​വേ ന​ട​ന്നു​വ​രി​ക​യാ​ണ്. വി​വി​ധ ക​മ്പ​നി​ക​ൾ​ക്കാ​ണ്​ പ​ഠ​ന​ക​രാ​ർ.

ആ​റ് മാ​സ​ത്തി​നു​ള്ളി​ൽ റി​പ്പോ​ർ​ട്ട്​ പ്ര​സി​ദ്ധീ​ക​രി​ക്കാ​നാ​കു​മെ​ന്നാ​ണ്​ ക​ണ​ക്കു​കൂ​ട്ട​ൽ. ഇ​തി​ന്‍റെ അ​ടി​സ്ഥാ​ന​ത്തി​ൽ സം​സ്ഥാ​ന​ങ്ങ​ൾ​ക്ക്​ ഡാ​മു​ക​ളി​ലെ ച​ളി നീ​ക്ക​ൽ അ​ട​ക്ക​മു​ള്ള ന​ട​പ​ടി​ക​ളി​ലേ​ക്ക് ക​ട​ക്കാ​മെ​ന്നാ​ണ്​ ക​മീ​ഷ​ൻ അ​റി​യി​പ്പ്.

നേ​ര​ത്തേ കെ.​എ​സ്.​ഇ.​ബി​യു​ടെ കീ​ഴി​ലു​ള്ള മ​റ്റ്​ ഡാ​മു​ക​ളു​ടെ സം​ഭ​ര​ണ​ശേ​ഷി ക​​ണ്ടെ​ത്താ​നാ​യി സം​സ്ഥാ​ന സ​ർ​ക്കാ​ർ ക​ണ​ക്കെ​ടു​പ്പ്​ ന​ട​ത്തി​യി​രു​ന്നു. ഇ​തി​ൽ സം​ഭ​ര​ണ​ശേ​ഷി​യി​ൽ ഏ​റ്റ​വും കു​റ​വു​ണ്ടാ​യ​ത്​ ക​ല്ലാ​ർ​കു​ട്ടി ഡാ​മി​ലാ​ണെ​ന്ന്​ ക​ണ്ടെ​ത്തി. അ​ടി​ത്ത​ട്ടി​ൽ ച​ളി​യും മ​ണ​ലും നി​റ​ഞ്ഞ​തി​നാ​ൽ സം​ഭ​ര​ണ​ശേ​ഷി​യി​ൽ 43 ശ​ത​മാ​നം കു​റ​വു​ണ്ടാ​യെ​ന്നാ​യി​രു​ന്നു ക​ണ്ടെ​ത്ത​ൽ. ഇ​തി​ന്‍റെ അ​ടി​സ്ഥാ​ന​ത്തി​ൽ ഇ​വി​ടെ​നി​ന്ന്​ പ​രീ​ക്ഷ​ണാ​ടി​സ്ഥാ​ന​ത്തി​ൽ മ​ണ​ൽ വാ​രാ​നു​ള്ള തീ​രു​മാ​ന​ത്തി​ലാ​ണ്​ സ​ർ​ക്കാ​ർ. ക​ല്ലാ​ർ​കു​ട്ടി​യി​ലേ​ത്​ വി​ജ​യ​മാ​യാ​ൽ അ​ടു​ത്ത​ഘ​ട്ടം കൂ​ടു​ത​ൽ ഡാ​മു​ക​ളി​ൽ​നി​ന്ന്​ മ​ണ​ൽ വാ​രാ​നാ​ണ്​ ധാ​ര​ണ. 2018ലെ ​മ​ഹാ​പ്ര​ള​യ​ത്തി​ൽ സം​സ്ഥാ​ന​ത്തെ സം​ഭ​ര​ണി​ക​ളി​ലേ​ക്ക് വ​ലി​യ​തോ​തി​ൽ മ​ണ​ൽ ഒ​ഴു​കി​യെ​ത്തി​യി​രു​ന്നു.