കേന്ദ്രബജറ്റ്​ നാ​ളെ: തുടർപ്രഖ്യാപനം കാത്ത്​ റെയില്‍വേ ടെര്‍മിനല്‍ പദ്ധതി

കോ​ട്ട​യം: കേ​ന്ദ്ര ബ​ജ​റ്റ്​ ശ​നി​യാ​ഴ്ച അ​വ​ത​രി​പ്പി​ക്കു​മ്പോ​ൾ, തു​ട​ർ​പ്ര​ഖ്യാ​പ​നം കാ​ത്ത്​ കോ​ട്ട​യ​ത്തെ റെ​യി​ൽ​വേ ടെ​ര്‍മി​ന​ല്‍ പ​ദ്ധ​തി. 2011-12ലെ ​റെ​യി​ൽ​വേ ബ​ജ​റ്റി​ലാ​ണ്​ കോ​ട്ട​യം സ്റ്റേ​ഷ​നി​ൽ കോ​ച്ച്​ ടെ​ര്‍മി​ന​ൽ നി​ർ​മി​ക്കു​മെ​ന്ന്​ പ്ര​ഖ്യാ​പി​ച്ച​ത്.

എ​ന്നാ​ൽ, ​14 വ​ര്‍ഷ​മാ​യി​ട്ടും യാ​ഥാ​ർ​ഥ്യ​മാ​യി​ട്ടി​ല്ല. ഇ​തി​നി​ടെ ത​മി​ഴ്​​നാ​ട്ടി​ലും ക​ർ​ണാ​ട​ക​യി​ലും നി​ര​വ​ധി ടെ​ർ​മി​ന​ലു​ക​ളും റെ​യി​ൽ​വേ നി​ർ​മി​ച്ചു. ത​മി​ഴ്‌​നാ​ട്ടി​ലെ താം​ബ​രം, ക​ര്‍ണാ​ട​ക​യി​ലെ ബൈ​യ്യ​പ്പ​ന​ഹ​ള്ളി, തെ​ല​ങ്കാ​ന​യി​ലെ ചെ​ര്‍ല​പ്പ​ള്ളി എ​ന്നി​വി​ട​ങ്ങ​ളി​ലാ​ണ്​ ഇ​ക്കാ​ല​യ​ള​വി​ൽ റെ​യി​ൽ​വേ ടെ​ര്‍മി​ന​ലു​ക​ള്‍ പൂ​ർ​ത്തി​യാ​ക്കി​യ​ത്. ത​മി​ഴ്‌​നാ​ട്ടി​ല്‍ പെ​രു​മ്പൂ​ര്‍, പോ​ട​ന്നൂ​ര്‍ എ​ന്നി​വി​ട​ങ്ങ​ളി​ല്‍ പു​തി​യ ടെ​ര്‍മി​ന​ലു​ക​ള്‍ക്കു​ള്ള ശ്ര​മ​ത്തി​ലാ​ണ് ദ​ക്ഷി​ണ റെ​യി​ല്‍വേ. എ​ന്നാ​ൽ, കോ​ട്ട​യ​ത്തി​ന്‍റെ കാ​ര്യ​ത്തി​ൽ മൗ​നം തു​ട​രു​ക​യാ​ണ്. ​

റെ​യി​ല്‍വേ ബ​ജ​റ്റ് കൂ​ടി ഉ​ള്‍പ്പെ​ടു​ന്ന കേ​ന്ദ്ര​ബ​ജ​റ്റ് ശ​നി​യാ​ഴ്ച ധ​ന​മ​ന്ത്രി പാ​ർ​ല​മെ​ന്‍റി​ൽ അ​വ​ത​രി​പ്പി​ക്കു​മ്പോ​ൾ ഇ​തു​മാ​യി ബ​ന്ധ​പ്പെ​ട്ട തു​ട​ർ​പ്ര​ഖ്യാ​പ​ന​മാ​ണ്​ ജി​ല്ല കാ​ക്കു​ന്ന​ത്.

ദ​ക്ഷി​ണ റെ​യി​ല്‍വേ​യി​ല്‍ വ​രു​മാ​ന​ത്തി​ല്‍ 21ാം സ്ഥാ​ന​ത്താ​ണ്​ കോ​ട്ട​യം സ്‌​റ്റേ​ഷ​നെ​ങ്കി​ലും വി​ക​സ​ന​ത്തി​ൽ മാ​റ്റി​നി​ർ​ത്ത​പ്പെ​ടു​ക​യാ​ണെ​ന്ന വി​കാ​രം ശ​ക്ത​മാ​ണ്. കോ​ട്ട​യം വ​ഴി​യു​ള്ള ഇ​ര​ട്ട​പ്പാ​ത 2022 മേ​യി​ലും ആ​റു പ്ലാ​റ്റ്‌​ഫോ​മു​ക​ളോ​ടെ ന​വീ​ക​രി​ച്ച സ്‌​റ്റേ​ഷ​ന്‍ യാ​ര്‍ഡ് അ​തേ​വ​ര്‍ഷം സെ​പ്റ്റം​ബ​റി​ലും പൂ​ര്‍ത്തി​യാ​യ​താ​ണ്. എ​ന്നാ​ല്‍, ഈ ​സൗ​ക​ര്യ​ങ്ങ​ള്‍ക്ക്​ അ​നു​സൃ​ത​മാ​യി പു​തി​യ ട്രെ​യി​നു​ക​ളൊ​ന്നും അ​നു​വ​ദി​ച്ചി​ട്ടി​ല്ല. എ​റ​ണാ​കു​ള​ത്ത് യാ​ത്ര അ​വ​സാ​നി​ക്കു​ന്ന ചി​ല ട്രെ​യി​നു​ക​ള്‍ കോ​ട്ട​യ​ത്തേ​ക്ക്​ നീ​ട്ട​ണ​മെ​ന്ന് യാ​ത്ര​ക്കാ​ർ നി​ര​ന്ത​രം ആ​വ​ശ്യ​പ്പെ​ട്ടി​ട്ടും റെ​യി​ല്‍വേ അ​ന​ങ്ങി​യി​ട്ടി​ല്ല. എ​റ​ണാ​കു​ള​ത്ത് യാ​ത്ര അ​വ​സാ​നി​പ്പി​ക്കു​ന്ന ക​ണ്ണൂ​ര്‍-​എ​റ​ണാ​കു​ളം എ​ക്സ്​​പ്ര​സ്, ഗോ​ര​ഖ്പു​​ര്‍-​എ​റ​ണാ​കു​ളം ര​പ്തി സാ​ഗ​ര്‍ എ​ക്സ്​​പ്ര​സ്, ബം​ഗ​ളൂ​രു-​എ​റ​ണാ​കു​ളം ഇ​ന്റ​ര്‍സി​റ്റി എ​ക്സ്​​പ്ര​സ് എ​ന്നീ ട്രെ​യി​നു​ക​ള്‍ കോ​ട്ട​യ​ത്തേ​ക്ക് സ​ര്‍വി​സ് നീ​ട്ട​ണ​മെ​ന്നാ​ണ്​ ആ​വ​ശ്യം.

ഇ​തേ കാ​ല​യ​ള​വി​ല്‍ പ​ര​ശു​റാം എ​ക്സ്​​പ്ര​സ് തി​രു​വ​ന​ന്ത​പു​ര​ത്തു​നി​ന്ന്​ നാ​ഗ​ര്‍കോ​വി​ലേ​ക്കും പി​ന്നീ​ട് ക​ന്യാ​കു​മാ​രി​യി​ലേ​ക്കും ദീ​ര്‍ഘി​പ്പി​ച്ചു. അ​മൃ​ത എ​ക്സ്​​പ്ര​സ് പാ​ല​ക്കാ​ട്ടു​നി​ന്ന്​ മ​ധു​ര​ക്കും പാ​ല​രു​വി തൂ​ത്തു​ക്കു​ടി​യി​ലേ​ക്കും, ഗു​രു​വാ​യൂ​ര്‍-​പു​ന​ലൂ​ര്‍ മ​ധു​ര​യി​ലേ​ക്കും നീ​ട്ടി. ത​മി​ഴ്‌​നാ​ട്ടി​ലേ​ക്ക് സ​ര്‍വി​സ് നീ​ട്ടാ​ന്‍ യാ​തൊ​രു​വി​ധ സാ​ങ്കേ​തി​ക ത​ട​സ്സ​ങ്ങ​ളും റെ​യി​ല്‍വേ​ക്കി​ല്ലെ​ന്നും എ​റ​ണാ​കു​ള​ത്തു​നി​ന്ന്​ കോ​ട്ട​യ​ത്തേ​ക്ക് സ​ര്‍വി​സ് നീ​ട്ടാ​ൻ മാ​ത്ര​മാ​ണ്​ ബു​ദ്ധി​മു​ട്ടെ​ന്നും യാ​ത്ര​ക്കാ​ർ കു​റ്റ​പ്പെ​ടു​ത്തു​ന്നു.

ഏ​പ്രി​ലി​ലെ റെ​യി​ല്‍വേ ടൈം​ടേ​ബി​ള്‍ ക​മ്മി​റ്റി പു​ണെ-​എ​റ​ണാ​കു​ളം റൂ​ട്ടി​ലെ ര​ണ്ടു ട്രെ​യി​ൻ കോ​ട്ട​യ​ത്തേ​ക്ക്​ നീ​ട്ടാ​ന്‍ തീ​രു​മാ​നി​ച്ചി​രു​ന്നെ​ങ്കി​ലും ന​ട​പ്പാ​യി​ല്ല. ശ​നി​യാ​ഴ്ച ബ​ജ​റ്റ് അ​വ​ത​രി​പ്പി​ക്കു​മ്പോ​ള്‍ ഇ​ക്കാ​ര്യ​ങ്ങ​ളി​ല്‍ തീ​രു​മാ​ന​മു​ണ്ടാ​കു​മെ​ന്ന പ്ര​തീ​ക്ഷ​യി​ലാ​ണ്​ യാ​ത്ര​ക്കാ​ർ. ഒ​പ്പം ശ​ബ​രി​പാ​ത​യു​മാ​യി ബ​ന്ധ​പ്പെ​ട്ട നി​ർ​ണാ​യ​ക​പ്ര​ഖ്യാ​പ​ന​ത്തി​നാ​യും ജി​ല്ല കാ​ത്തി​രി​ക്കു​ക​യാ​ണ്.