Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKottayamchevron_rightകാര്‍ താഴ്ചയിലേക്ക്...

കാര്‍ താഴ്ചയിലേക്ക് മറിഞ്ഞു; അഞ്ചുപേര്‍ക്ക് പരിക്ക്

text_fields
bookmark_border
കാര്‍ താഴ്ചയിലേക്ക് മറിഞ്ഞു; അഞ്ചുപേര്‍ക്ക് പരിക്ക്
cancel
camera_alt

കുത്തിയതോട് പാലത്തില്‍ മറിഞ്ഞ കാർ

കോട്ടയം: പാലത്തില്‍ രൂപപ്പെട്ട കുഴിയില്‍വീണ് നിയന്ത്രണംവിട്ട കാര്‍ മുന്നില്‍പോയ കാറില്‍ ഇടിച്ചശേഷം പത്തടിയോളം താഴ്ചയിലേക്ക് മറിഞ്ഞു. യാത്രികരായ അഞ്ചുപേര്‍ക്ക് പരിക്കേറ്റു. ഏറ്റുമാനൂര്‍ പേരൂർ-സംക്രാന്തി റോഡില്‍ കുത്തിയതോട് പാലത്തില്‍ വെള്ളിയാഴ്​ച വൈകീട്ട് നാലോടെയായിരുന്നു അപകടം.

സാരമായി പരിക്കേറ്റ കോട്ടയം മണർകാട് കുന്നുംപുറത്ത്​ വടക്കേതിൽ ബിനി (55), മകൻ വിഷ്ണു (30), വിഷ്ണുവി​െൻറ ഭാര്യ മാതാവ് സുധ (57) എന്നിവരെ തെള്ളകത്തെ സ്വകാര്യ ആശുപത്രിയില്‍ പ്രവേശിപ്പിച്ചു. മറ്റുള്ളവരുടെ പരിക്ക് സാരമുള്ളതല്ല. സംക്രാന്തി ഭാഗത്തുനിന്ന് വന്ന കാറാണ് അപകടത്തില്‍പെട്ടത്.

ഇടിയുടെ ആഘാതത്തില്‍ താഴെ റബര്‍ തോട്ടത്തിലേക്ക് മറിഞ്ഞ കാര്‍ റബര്‍ മരങ്ങളില്‍ തടഞ്ഞ് ചരിഞ്ഞുകിടക്കുകയായിരുന്നു. നാട്ടുകാരാണ്​ പരിക്കേറ്റവരെ ആശുപത്രിയില്‍ എത്തിച്ചത്​. പാലത്തിനും അപ്രോച്ച് റോഡിനും ഇടയില്‍ രൂപപ്പെട്ട വന്‍ കുഴിയാണ് അപകടത്തിന് കാരണം. ഇവിടെ അപകടങ്ങള്‍ പതിവായതോടെ നാട്ടുകാര്‍ മണ്ണിട്ട്​ മൂടിയിരുന്നു. കഴിഞ്ഞ മഴയത്ത് മണ്ണ് ഒഴുകിപ്പോയതോടെ കുഴി വീണ്ടും തെളിഞ്ഞു.

പാലം കയറിയിറങ്ങുമ്പോള്‍ കുഴി ശ്രദ്ധയില്‍പെടാതെ പോകുന്നതാണ് അപകടങ്ങള്‍ക്ക് കാരണമാകുന്നത്.

Show Full Article
TAGS:car accident kottayam 
News Summary - car accident in kuthiyathode 5 injured
Next Story