മൂന്ന് കാറുകൾ കൂട്ടിയിടിച്ചു

കോട്ടയം: എം.സി റോഡിൽ പള്ളം കരിമ്പിൻകാലായിൽ മൂന്ന് കാറുകൾ കൂട്ടിയിടിച്ച് അപകടം. ചങ്ങനാശ്ശേരി ഭാഗത്തുനിന്നുമെത്തിയ കാറിന്‍റെ നിയന്ത്രണം നഷ്ടമായതിനെ തുടർന്നാണ് പള്ളം റോഡിൽ ശനിയാഴ്ച വൈകീട്ട് 4.15 ഓടെ അപകടം.

ചങ്ങനാശ്ശേരി ഭാഗത്തുനിന്നെത്തിയ കാർ മറ്റൊരു കാറിലിടിച്ച് നിയന്ത്രണം നഷ്ടപ്പെട്ട് എതിരെവന്ന കാറിൽ ഇടിക്കുകയായിരുന്നു. അപകടത്തെ തുടർന്ന് എം.സി റോഡിൽ ഗതാഗതം പൂർണമായി തടസ്സപ്പെട്ടു. യാത്രക്കാർക്ക് നിസ്സാര പരിക്കേറ്റു.