ഈ ഓണത്തിനും ഇവർ തെരുവിൽ തന്നെ

​കോ​ട്ട​യം: തി​രു​ന​ക്ക​ര ബ​സ്​ സ്റ്റാ​ൻ​ഡ്​ ​കെ​ട്ടി​ട​ത്തി​ൽ ക​ച്ച​വ​ടം ​ചെ​യ്തി​രു​ന്ന വ്യാ​പാ​രി​ക​ളെ തെ​രു​വി​ലി​റ​ക്കി​യി​ട്ട്​ വ​ർ​ഷം മൂ​ന്നു ക​ഴി​ഞ്ഞു. താ​ൽ​ക്കാ​ലി​ക പു​ന​ര​ധി​വാ​സം എ​ന്ന ചൂ​ണ്ട​യി​ട്ട്​ കെ​ട്ടി​ടം പൊ​ളി​ക്കാ​ൻ മു​ന്നി​ട്ടി​റ​ങ്ങി​യ ന​ഗ​ര​സ​ഭ അ​ധി​കൃ​ത​ർ കെ​ട്ടി​ടം പൊ​ളി​ക്ക​ൽ ക​ഴി​ഞ്ഞ​പ്പോ​ൾ മ​റു​ക​ണ്ടം ചാ​ടി. വ്യാ​പാ​രി​ക​ൾ​ക്ക്​ താ​ൽ​ക്കാ​ലി​ക​മാ​യി ഇ​ടം ന​ൽ​കി​യാ​ൽ ഒ​ഴി​ഞ്ഞു​പോ​വി​ല്ലെ​ന്നാ​ണ്​ അ​വ​സാ​നം അ​ധി​കൃ​ത​ർ ക​ണ്ടെ​ത്തി​യ ന്യാ​യം.

സ്വ​ന്തം ചെ​ല​വി​ൽ ഷെ​ഡ്​ കെ​ട്ടി സ്വ​ന്തം ചെ​ല​വി​ൽ പൊ​ളി​ച്ചു​മാ​റ്റാ​മെ​ന്ന്​ വ്യാ​പാ​രി​ക​ൾ സ​ത്യ​വാ​ങ്​​മൂ​ലം ന​ൽ​കാ​ൻ ത​യാ​റാ​യി​ട്ടും ന​ഗ​ര​സ​ഭ​ക്ക്​ കു​ലു​ക്ക​മി​ല്ല. ഇ​തോ​ടെ ഈ ​ഓ​ണ​ത്തി​നെ​ങ്കി​ലും താ​ൽ​ക്കാ​ലി​ക ഷെ​ഡ്​ കെ​ട്ടി ക​ച്ച​വ​ടം തു​ട​ങ്ങാ​ൻ ക​ഴി​യു​മെ​ന്ന അ​വ​രു​ടെ പ്ര​തീ​ക്ഷ വെ​ള്ള​ത്തി​ലാ​യി. കെ​ട്ടി​ടം പൊ​ളി​ക്കു​ന്ന​തി​​ന്‍റെ ഭാ​ഗ​മാ​യി ഒ​ഴി​പ്പി​ച്ച ബ​സ്​ ബേ​യും കാ​ത്തി​രി​പ്പ്​ കേ​ന്ദ്ര​വും ടാ​ക്​​സി സ്​​റ്റാ​ൻ​ഡും തി​രി​ച്ചെ​ത്തി. സ്​​റ്റാ​ൻ​ഡി​ന്‍റെ ഒ​രു ഭാ​ഗം പൊ​തു​പ​രി​പാ​ടി​ക​ൾ​ക്കും മേ​ള​ക​ൾ​ക്കും ന​ൽ​കു​ന്നു​മു​ണ്ട്. സ്​​റ്റാ​ൻ​ഡി​നെ ആ​ശ്ര​യി​ച്ചു​ക​ഴി​ഞ്ഞി​രു​ന്ന വ്യാ​പാ​രി​ക​ളെ മാ​ത്ര​മാ​ണ്​ അ​വ​ഗ​ണി​ക്കു​ന്ന​ത്.

വ്യാ​പാ​രി​ക​ളു​ടെ​ താ​ൽ​ക്കാ​ലി​ക പു​ന​ര​ധി​വാ​സം ന​ട​പ്പാ​ക്കാ​നോ ന​ട​പ​ടി സ്വീ​ക​രി​ക്കാ​നോ അ​ധി​കൃ​ത​ർ ത​യാ​റാ​യി​ട്ടി​ല്ല. കൗ​ൺ​സി​ല​ർ​മാ​ർ വ്യ​ക്​​തി​പ​ര​മാ​യി വ്യാ​പാ​രി​ക​ൾ​ക്ക്​ പി​ന്തു​ണ ന​ൽ​കു​ന്നു​ണ്ടെ​ങ്കി​ലും കൗ​ൺ​സി​ലി​ൽ അ​ടി​യ​ന്ത​ര​മാ​യി ഉ​ന്ന​യി​ച്ച്​ ​പ്ര​ശ്​​ന പ​രി​ഹാ​രം തേ​ടാ​ൻ ആ​രും മു​ന്നോ​ട്ടു​വ​രു​ന്നി​ല്ല. തെ​ര​ഞ്ഞെ​ടു​പ്പ്​ വി​ജ്ഞാ​പ​നം വ​രു​ന്ന​തി​നു​മു​മ്പ്​ തീ​രു​മാ​ന​മാ​യി​ല്ലെ​ങ്കി​ൽ കാ​ത്തി​രി​പ്പ്​ വീ​ണ്ടും നീ​ളും.

കെ​ട്ടി​ടം പൊ​ളി​ക്കു​ന്ന​തി​നു​മു​മ്പ്, 2022 ന​വം​ബ​ർ 10നു ​ചേ​ർ​ന്ന കൗ​ൺ​സി​ൽ യോ​ഗ​ത്തി​ൽ സ്റ്റാ​ൻ​ഡി​ൽ താ​ൽ​ക്കാ​ലി​ക ക​ട​മു​റി​ക​ൾ നി​ർ​മി​ക്കാ​ൻ അ​നു​മ​തി ന​ൽ​കാ​ൻ കൗ​ൺ​സി​ൽ തീ​രു​മാ​നി​ച്ചി​രു​ന്നു. ഇ​തു പ്ര​കാ​രം വ്യാ​പാ​രി​ക​ൾ​ക്ക്​ താ​ൽ​ക്കാ​ലി​ക പു​ന​ര​ധി​വാ​സം ന​ൽ​കാ​ൻ ജൂ​ൺ 17 ന്​​ ​ഹൈ​കോ​ട​തി ഉ​ത്ത​ര​വി​ട്ടി​രു​ന്നു​. തീ​രു​മാ​നം ന​ട​പ്പാ​ക്കു​ന്നി​​ല്ലെ​ന്നു ചൂ​ണ്ടി​ക്കാ​ട്ടി​ തി​രു​ന​ക്ക​ര മു​നി​സി​പ്പ​ൽ ബ​സ്​ സ്​​റ്റാ​ൻ​ഡ്​ ഷോ​പ്പി​ങ്​ കോം​പ്ല​ക്സ്​ മ​ർ​ച്ച​ന്‍റ്​​സ്​ അ​സോ​സി​യേ​ഷ​ൻ​ കോ​ട​തി​​യെ സ​മീ​പി​ച്ചു. കെ​ട്ടി​ടം പൊ​ളി​ച്ചു​മാ​റ്റി​യ സ്ഥ​ല​ത്ത്​ വ്യാ​പാ​രി​ക​ളു​ടെ ചെ​ല​വി​ൽ ഷെ​ഡ്​ നി​ർ​മി​ക്കാ​മെ​ന്നും പു​തി​യ കെ​ട്ടി​ടം വ​രു​മ്പോ​ൾ സ്വ​ന്തം ചെ​ല​വി​ൽ ത​ന്നെ ഷെ​ഡ്​ നീ​ക്ക​ണ​മെ​ന്നു​മാ​യി​രു​ന്നു കോ​ട​തി നി​ർ​ദേ​ശം. കോ​ട​തി ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ൽ വ്യാ​പാ​രി​ക​ളും മ​ർ​ച്ച​ന്‍റ്​​സ്​ അ​സോ​സി​യേ​ഷ​നും സെ​ക്ര​ട്ട​റി​ക്ക്​ ക​ത്ത്​ ന​ൽ​കി. സ്റ്റാ​ൻ​ഡി​ൽ നി​ർ​മി​ക്കാ​നു​ദ്ദേ​ശി​ക്കു​ന്ന താ​ൽ​ക്കാ​ലി​ക ഷെ​ഡി​ന്‍റെ പ്ലാ​നും കൈ​മാ​റി​യെ​ങ്കി​ലും തു​ട​ർ ന​ട​പ​ടി​യി​ല്ല.

പ​ടി​ഞ്ഞാ​റു​ഭാ​ഗ​ത്ത്​ ക​ട​മു​റി​ക​ൾ പ​ണി​യാം

സ്റ്റാ​ൻ​ഡി​ന്‍റെ പ​ടി​ഞ്ഞാ​റേ അ​റ്റ​ത്ത്​ കാ​ത്തി​രി​പ്പു​കേ​ന്ദ്ര​ത്തി​ന്‍റെ പു​റ​കി​ൽ നീ​ള​ത്തി​ൽ ഷെ​ഡ്​ ​കെ​ട്ടാ​മെ​ന്നാ​ണ്​ വ്യാ​പാ​രി​ക​ളു​ടെ നി​ർ​ദേ​ശം. ഇ​വി​ടെ മൂ​ന്നു മീ​റ്റ​ർ വീ​തി​യു​ണ്ട്. നി​ല​വി​ൽ മാ​ലി​ന്യം ത​ള്ളു​ന്ന ഇ​വി​ടം വൃ​ത്തി​യാ​ക്കി താ​ൽ​ക്കാ​ലി​ക ക​ട​ക​ൾ തു​ട​ങ്ങി​യാ​ൽ യാ​ത്ര​ക്കാ​ർ​ക്കോ ടാ​ക്സി സ്റ്റാ​ൻ​ഡി​നോ പൊ​തു​സ​മ്മേ​ള​ന​ങ്ങ​ൾ​ക്കോ ത​ട​സ്സ​മു​ണ്ടാ​വി​ല്ല. പു​തി​യ കെ​ട്ടി​ടം പ​ണി​യാ​ൻ കാ​ത്തി​രി​പ്പ്​ കേ​ന്ദ്രം പൊ​ളി​ച്ചു​മാ​റ്റു​ന്ന​തി​നൊ​പ്പം ഷെ​ഡും നീ​ക്കി​യാ​ൽ മ​തി.

കെ​ട്ടി​ടം പൊ​ളി​ക്കു​​ന്ന​തി​ന്‍റെ ഭാ​ഗ​മാ​യി ഒ​ഴി​പ്പി​ച്ച വ്യാ​പാ​രി​ക​ളി​ൽ ഭൂ​രി​ഭാ​ഗ​വും വ​ഴി​യാ​ധാ​ര​മാ​ണ്. ​2022 ആ​ഗ​സ്റ്റ്​ മൂ​ന്നി​നാ​ണ്​ ​കെ​ട്ടി​ട​ത്തി​ലെ 52 ക​ട ഒ​ഴി​പ്പി​ച്ച​ത്. ഇ​തി​ൽ അ​ഞ്ചു​പേ​ർ​ക്കും ഒ​രു ബാ​ങ്കി​നും നാ​ഗ​മ്പ​ട​ത്ത്​ ക​ട​മു​റി അ​നു​വ​ദി​ച്ചു. ഒ​രാ​ൾ മ​രി​ച്ചു. ര​ണ്ടു പേ​ർ ക​ട​മു​റി വേ​ണ്ടെ​ന്ന്​ പ​റ​ഞ്ഞു. ബാ​ക്കി 37 പേ​ർ​ക്കു​വേ​ണ്ടി​യാ​ണ്​ കോ​ട​തി​യി​ൽ പോ​യ​ത്.

‘സ്ഥ​ലം കൗ​ൺ​സി​ൽ തീ​രു​മാ​നി​ക്ക​ണം’

കോ​ട്ട​യം: വ്യാ​പാ​രി​ക​ൾ​ക്ക്​ താ​ൽ​ക്കാ​ലി​ക ഷെ​ഡ്​ പ​ണി​യാ​ൻ എ​വി​ടെ​യാ​ണ്​ സ്ഥ​ലം അ​നു​വ​ദി​ക്കേ​ണ്ട​തെ​ന്ന കാ​ര്യം കൗ​ൺ​സി​ലാ​ണ്​ തീ​രു​മാ​നി​ക്കേ​ണ്ട​ത്. വി​ഷ​യം കൗ​ൺ​സി​ലി​ൽ അ​ജ​ണ്ട​യാ​യി വെ​ച്ചി​ട്ടി​ല്ല- ​ന​ഗ​ര​സ​ഭ സെ​ക്ര​ട്ട​റി