ടോറസും ഓട്ടോയും കൂട്ടിയിടിച്ച് ഓട്ടോ ഡ്രൈവർക്ക് പരിക്ക്

ചാമംപതാൽ: കാനം സി.എം.എസ് ഹൈസ്കൂളിനു സമീപം ടോറസും ഓട്ടോയും കൂട്ടിയിടിച്ചുണ്ടായ അപകടത്തിൽ ഓട്ടോ ഡ്രൈവർക്ക് പരിക്ക്. ചാമംപതാൽ കരോട്ടുമുറിയിൽ ഷെഫീഖിനാണ് (46) പരിക്കേറ്റത്. തലക്കും കാലിനും കൈക്കും പരിക്കേറ്റ ഷെഫീഖിനെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

വ്യാഴാഴ്ച ഉച്ചക്കു പന്ത്രണ്ടോടെ ആയിരുന്നു അപകടം. കാനം ഭാഗത്തേക്കു പോകുന്ന ടോറസും ചാമംപതാലിലേക്കു വന്ന ഓട്ടോയുമാണ് കൂട്ടിയിടിച്ചത്. ഇടിയുടെ ആഘാതത്തിൽ ഓട്ടോയുടെ മുൻഭാഗം പൂർണമായി തകർന്നു.