ഡിവൈ.എസ്​.പിയുടെ വ്യാജ ഫേസ്​ബുക്ക്​ അക്കൗണ്ടിലൂടെ പണം തട്ടാൻ ശ്രമം

കോ​ട്ട​യം: ച​ങ്ങ​നാ​ശ്ശേ​രി ഡി​വൈ.​എ​സ്.​പി കെ.​പി. ടോം​സ​ണി​ന്‍റെ പേ​രി​ലു​ള്ള വ്യാ​ജ അ​ക്കൗ​ണ്ടി​ൽ​നി​ന്നു മെ​സേ​ജ്​ അ​യ​ച്ച്​ പ​ണം ത​ട്ടാ​ൻ ശ്ര​മം. സി.​ആ​ർ.​പി.​എ​ഫ് ഉ​ദ്യോ​ഗ​സ്ഥ​ൻ ച​മ​ഞ്ഞ് വീ​ട്ടു​പ​ക​ര​ണ​ങ്ങ​ൾ ന​ൽ​കാ​മെ​ന്ന രീ​തി​യി​ലാ​ണ്​ സ​ന്ദേ​ശ​ങ്ങ​ൾ അ​യ​ച്ച​ത്. ക​ടു​ത്തു​രു​ത്തി പൂ​ഴി​ക്കോ​ൽ സ്വ​ദേ​ശി പൂ​വ​ത്തും​മൂ​ട്ടി​ൽ സു​നി​ൽ ഫി​ലി​പ്പി​ൽ നി​ന്നാ​ണ് പ​ണം​ത​ട്ടാ​ൻ ശ്ര​മം ന​ട​ന്ന​ത്. ഡി​വൈ.​എ​സ്.​പി കെ.​പി. ടോം​സ​ൺ ആ​ണെ​ന്നും വാ​ട്‌​സ്​​ആ​പ് ന​മ്പ​ർ ആ​വ​ശ്യ​പ്പെ​ട്ടും സു​നി​ൽ ഫി​ലി​പ്പി​നു ക​ഴി​ഞ്ഞ​ദി​വ​സം മെ​സ​ഞ്ച​റി​ൽ മെ​സേ​ജ് വ​ന്നു. സു​നി​ൽ വാ​ട്സാ​പ് ന​മ്പ​ർ ന​ൽ​കി.

സു​നി​ലി​ന്‍റെ ന​മ്പ​ർ സു​ഹൃ​ത്താ​യ സി.​ആ​ർ.​പി.​എ​ഫ് ഉ​ദ്യോ​ഗ​സ്ഥ​ൻ സു​മി​ത് കു​മാ​റി​ന് ന​ൽ​കു​മെ​ന്നും അ​ദ്ദേ​ഹം വി​ളി​ക്കു​മെ​ന്നും അ​റി​യി​ച്ചു. തു​ട​ർ​ന്ന്​ ടോം​സ​ൺ പ​റ​ഞ്ഞി​ട്ട് ബ​ന്ധ​പ്പെ​ടു​ക​യാ​ണെ​ന്നും സി.​ആ​ർ.​പി.​എ​ഫ് ഉ​ദ്യോ​ഗ​സ്ഥ​ൻ സു​മി​ത് കു​മാ​റാ​ണെ​ന്നും അ​റി​യി​ച്ച് വാ​ട്സാ​പ്പി​ൽ മെ​സേ​ജ് വ​ന്നു.

ത​നി​ക്ക് സ്ഥ​ലം​മാ​റ്റ​മാ​ണെ​ന്നും ഉ​പ​യോ​ഗി​ച്ചി​രു​ന്ന ഫ്രി​ഡ്ജ്, സ്മാ​ർ​ട് ടി.​വി, സോ​ഫ സെ​റ്റ്, ഇ​ൻ​വെ​ർ​ട്ട​ർ, ക​ട്ടി​ൽ, വാ​ട്ട​ർ പ്യൂ​രി​ഫ​യ​ർ, വാ​ഷി​ങ് മെ​ഷീ​ൻ, എ.​സി, അ​ല​മാ​ര, ഡൈ​നി​ങ് ടേ​ബി​ൾ എ​ന്നി​വ ന​ൽ​കാ​നു​ണ്ടെ​ന്നും അ​റി​യി​ച്ചു. മൂ​ന്നു​മാ​സം പ​ഴ​ക്ക​മു​ള്ള എ​ല്ലാ സാ​ധ​ന​ങ്ങ​ൾ​ക്കും കൂ​ടി 1,20,000 രൂ​പ ത​ന്നാ​ൽ മ​തി​യെ​ന്നും പ​ണം ഗൂ​ഗി​ൾ പേ ​ചെ​യ്താ​ൽ മ​തി​യെ​ന്നും സാ​ധ​ന​ങ്ങ​ൾ മൂ​ന്നു ദി​വ​സ​ത്തി​ന​കം സി.​ആ​ർ.​പി.​എ​ഫി​ന്‍റെ ട്ര​ക്കി​ൽ വീ​ട്ടി​ൽ എ​ത്തി​ച്ചു​ന​ൽ​കാ​മെ​ന്നും അ​റി​യി​ച്ചു.

സം​ശ​യം തോ​ന്നി​യ സു​നി​ൽ പ​ണം അ​യ​ച്ചി​ല്ല. ക​ടു​ത്തു​രു​ത്തി​യി​ൽ സി.​ഐ ആ​യി ജോ​ലി ചെ​യ്തി​രു​ന്ന കെ.​പി. ടോം​സ​ണെ പ​രി​ച​യ​മു​ള്ള ചി​ല​രെ ബ​ന്ധ​പ്പെ​ട്ട​പ്പോ​ഴാ​ണ് ത​ട്ടി​പ്പാ​ണെ​ന്ന് അ​റി​യു​ന്ന​ത്. ഡി​വൈ.​എ​സ്.​പി കെ.​പി. ടോം​സ​ണും ഭാ​ര്യ​യു​മാ​യു​ള്ള ചി​ത്രം പ്രൊ​ഫൈ​ൽ പി​ക്ച​ർ ആ​ക്കി​യാ​ണ്​ വ്യാ​ജ ഐ.​ഡി ഉ​ണ്ടാ​ക്കി​യ​ത്.