നാലര കിലോ കഞ്ചാവുമായി അസം സ്വദേശി അറസ്റ്റിൽ

ച​ങ്ങ​നാ​ശ്ശേ​രി: നാ​ല​ര കി​ലോ ക​ഞ്ചാ​വു​മാ​യി അ​സം സ്വ​ദേ​ശി അ​സിം ചാ​ങ്​​മ​ (35) അ​റ​സ്റ്റി​ൽ. ല​ഹ​രി​വി​രു​ദ്ധ സ്‌​ക്വാ​ഡ് പൊ​ൻ​കു​ന്ന​ത്ത് ന​ട​ത്തി​യ പ​രി​ശോ​ധ​ന​യി​ൽ ക​ഞ്ചാ​വു​മാ​യി ഒ​രാ​ളെ പി​ടി​കൂ​ടി​യി​രു​ന്നു. ഇ​യാ​ളെ ചോ​ദ്യം ചെ​യ്ത​പ്പോ​ൾ പൊ​ൻ​കു​ന്നം സ​ബ് ജ​യി​ലി​ൽ പ​രി​ച​യ​പ്പെ​ട്ട അ​സിം ചി​ങ്​​മാ​യ് ആ​ണ്​ ക​ഞ്ചാ​വ് ന​ൽ​കി​യ​ത് എ​ന്ന്​ വ്യ​ക്​​ത​മാ​യി.

തു​ട​ർ​ന്ന്,​ അ​സിം ചാ​ങ്​​മ താ​മ​സി​ക്കു​ന്ന ഇ​ൻ​ഡ​സ്ട്രി​യ​ൽ എ​സ്റ്റേ​റ്റി​ന​ടു​ത്ത വാ​ട​ക​വീ​ട്ടി​ൽ പൊ​ലീ​സ് പ​രി​ശോ​ധ​ന ന​ട​ത്തു​ക​യും ക​ഞ്ചാ​വ് ക​ണ്ടെ​ത്തു​ക​യു​മാ​യി​രു​ന്നു. ഒ​രു​മാ​സം മു​മ്പ് ഇ​യാ​ളെ ഒ​ന്ന​ര കി​ലോ ക​ഞ്ചാ​വു​മാ​യി ച​ങ്ങ​നാ​ശ്ശേ​രി എ​ക്സൈ​സ് സ്‌​ക്വാ​ഡ് അ​റ​സ്റ്റ് ചെ​യ്തി​രു​ന്നു.

റി​മാ​ൻ​ഡി​ലാ​യി​രു​ന്ന പ്ര​തി ക​ഴി​ഞ്ഞ​യാ​ഴ്ച​യാ​ണ് ജാ​മ്യ​ത്തി​ൽ ഇ​റ​ങ്ങി​യ​ത്. ഇ​ൻ​ഡ​സ്ട്രി​യ​ൽ എ​സ്റ്റേ​റ്റി​ൽ ജോ​ലി ചെ​യ്യു​ന്ന തൊ​ഴി​ലാ​ളി​ക​ൾ​ക്കി​ട​യി​ൽ ചെ​റു പൊ​തി​ക​ളി​ലാ​ക്കി​യാ​ണ് ഇ​യാ​ൾ ക​ഞ്ചാ​വ് വി​ൽ​പ​ന ന​ട​ത്തി​യി​രു​ന്ന​ത്. ജി​ല്ല പൊ​ലീ​സ് മേ​ധാ​വി ഷാ​ഹു​ൽ​ഹ​മീ​ദി​ന്റെ നി​ർ​ദേ​ശ​പ്ര​കാ​രം ച​ങ്ങ​നാ​ശ്ശേ​രി ഡി​വൈ.​എ​സ്.​പി എ.​കെ. വി​ശ്വ​നാ​ഥ​ന്റെ നേ​തൃ​ത്വ​ത്തി​ൽ എ​സ്.​എ​ച്ച്.​ഒ ബി. ​വി​നോ​ദ് കു​മാ​ർ, എ​സ്.​ഐ​മാ​രാ​യ സു​രേ​ഷ് ബാ​ബു, ബി​ജു, എ​സ്. സ​ന്തോ​ഷ്‌, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ​മാ​രാ​യ ബി​ജോ​യ്‌, കൃ​ഷ്ണ​കു​മാ​ർ, ജ​യ​കു​മാ​ർ, പ്ര​തീ​ഷ് എ​ന്നി​വ​രും ജി​ല്ല ഡാ​ൻ​സാ​ഫ്​ ടീം ​ഉം ചേ​ർ​ന്നാ​ണ് അ​റ​സ്റ്റ് ചെ​യ്ത​ത്. പ്ര​തി​യെ കോ​ട​തി​യി​ൽ ഹാ​ജ​രാ​ക്കി.