ഒറ്റപ്പെടൽ ഭീഷണിയിൽ അറയാഞ്ഞിലിമൺ

എ​രു​മേ​ലി: ക​ന​ത്ത​മ​ഴ​യെ തു​ട​ർ​ന്ന് പ​മ്പ​യാ​റ്റി​ൽ ജ​ല​നി​ര​പ്പ് ഉ​യ​ർ​ന്ന​തോ​ടെ അ​റി​യാ​ഞ്ഞി​ലി​മ​ൺ കോ​സ്​​വേ​യി​ൽ വെ​ള്ളം​ക​യ​റി. ഇ​തോ​ടെ പ്ര​ദേ​ശം മ​ണി​ക്കൂ​റു​ക​ളോ​ളം ഒ​റ്റ​പ്പെ​ട്ടു. ര​ണ്ടു​ദി​വ​സ​മാ​യി പെ​യ്യു​ന്ന തോ​രാ​മ​ഴ​യി​ൽ പ​മ്പ, അ​ഴു​ത ആ​റു​ക​ളി​ൽ ജ​ല​നി​ര​പ്പ് ഉ​യ​ർ​ന്നി​രു​ന്നു. തി​ങ്ക​ളാa​ഴ്ച രാ​വി​ലെ​യോ​ടെ​യാ​ണ് അ​റ​യാ​ഞ്ഞി​ലി​മ​ൺ കോ​സ്​​വേ​യി​ൽ വെ​ള്ളം ക​യ​റി​യ​ത്. ഒ​രു​വ​ശം പ​മ്പാ​ന​ദി​യും മ​റ്റ് മൂ​ന്നു​വ​ശം ശ​ബ​രി​മ​ല വ​ന​ത്താ​ലും ചു​റ്റ​പ്പെ​ട്ട പ്ര​ദേ​ശ​ങ്ങ​ളാ​ണ് അ​റ​യാ​ഞ്ഞി​ലി​മ​ണ്ണും കു​രു​മ്പ​ൻ​മു​ഴി​യും.

പ​മ്പാ ന​ദി​ക്ക്​ കു​റു​കെ സ്ഥാ​പി​ച്ചി​രി​ക്കു​ന്ന കോ​സ്​​വേ​ക​ളാ​ണ് ഇ​വി​ട​ങ്ങ​ളി​ലെ​ത്താ​നു​ള്ള ഏ​ക​മാ​ർ​ഗം. എ​ന്നാ​ൽ, ഉ​യ​രം കു​റ​ഞ്ഞ കോ​സ്​​വേ മ​ഴ​ക്കാ​ല​ത്ത് മു​ങ്ങു​ക​യും പ്ര​ദേ​ശ​ങ്ങ​ൾ ദി​വ​സ​ങ്ങ​ളോ​ളം ഒ​റ്റ​പ്പെ​ടു​ക​യും ചെ​യ്യും. ഉ​യ​രം​കൂ​ടി​യ പാ​ലം നി​ർ​മി​ക്കു​ക മാ​ത്ര​മാ​ണ് മ​ഴ​ക്കാ​ല​ത്ത് പ്ര​ദേ​ശ​ത്തെ ജ​ന​ങ്ങ​ൾ​ക്കു​ണ്ടാ​കു​ന്ന ഒ​റ്റ​പ്പെ​ട​ലി​നു​ള്ള പ​രി​ഹാ​രം. അ​റ​യാ​ഞ്ഞി​ലി​മ​ൺ പാ​ലം ടെ​ൻ​ഡ​ർ ന​ട​പ​ടി​ക​ളാ​യ​താ​യി റാ​ന്നി എം.​എ​ൽ.​എ പ്ര​മോ​ദ് നാ​രാ​യ​ൺ അ​റി​യി​ച്ചു. 2.6 കോ​ടി രൂ​പ ചെ​ല​വ​ഴി​ച്ച് 1.8 മീ​റ്റ​ർ വീ​തി​യും 90 മീ​റ്റ​ർ നീ​ള​വു​മു​ള്ള പാ​ല​മാ​ണ് നി​ർ​മി​ക്കു​ക.