എഴുത്തിന്‍റെ വഴിയിൽ ഐഷ

കോ​ട്ട​യം: ചെ​റു​പ്പം മു​​ത​ൽ വാ​യി​ക്കാ​ൻ ഇ​ഷ്ട​മു​ള്ള കൂ​ട്ട​ത്തി​ലാ​യി​രു​ന്നു ഐ​ഷ നാ​സ​ർ. കൈ​യി​ൽ കി​ട്ടു​ന്ന​തെ​ല്ലാം വാ​യി​ക്കും. ഇം​ഗ്ലീ​ഷും മ​ല​യാ​ള​വും ഒ​രു​പോ​ലെ പ്രി​യം. എ​വി​​ടെ​യോ ഇ​രു​ന്ന്​ ഒ​രാ​ൾ എ​ഴു​തു​ന്ന​ത്​ വേ​റെ​വി​ടെ​യോ ഇ​രു​ന്ന്​ മ​റ്റൊ​രാ​ൾ വാ​യി​ക്കു​ന്ന​തി​ലൂ​ടെ സൃ​ഷ്​​ടി​ക്ക​പ്പെ​ടു​ന്ന ആ ​ഹൃ​ദ​യം തൊ​ട​ലാ​ണ്​ ഐ​ഷ​യെ എ​ഴു​ത്തി​ന്‍റെ ലോ​ക​ത്തെ​ത്തി​ച്ച​ത്.

വെ​റു​തെ കു​ത്തി​ക്കു​റി​ക്കാ​ൻ തു​ട​ങ്ങി​യി​ട​ത്തു​നി​ന്ന്, 25 വ​യ​സ്സി​ന​കം നാ​ലു പു​സ്ത​ക​ങ്ങ​ളു​ടെ ര​ച​യി​താ​വാ​യി ഇ​പ്പോ​ൾ. വെ​ളി​ച്ചം കാ​ണാ​ത്ത അ​ക്ഷ​ര​ക്കൂ​ട്ടു​ക​ളും ഏ​റെ. ബി​സി​ന​സു​കാ​ര​നാ​യ കാ​ഞ്ഞി​ര​പ്പ​ള്ളി തേ​നം​മാ​ക്ക​ൽ നാ​സ​റു​ദ്ദീ​ന്‍റെ​യും ബീ​ന​യു​ടെ​യും ഇ​ള​യ മ​ക​ളാ​ണ്​ ഐ​ഷ. കാ​ഞ്ഞി​ര​പ്പ​ള്ളി​യി​ലെ ലൈ​ബ്ര​റി​യും സ്കൂ​ൾ ലൈ​ബ്ര​റി​യും കൂ​ട്ടു​കാ​രു​മാ​യി​രു​ന്നു ആ​ദ്യ​കാ​ല​ത്ത്​ ഐ​ഷ​യു​ടെ വാ​യ​ന​ക്ക്​ അ​ടി​ത്ത​റ​യൊ​രു​ക്കി​യ​ത്. ജോ​ലി ല​ഭി​ച്ച​തോ​ടെ പു​സ്​​ത​ക​ങ്ങ​ൾ വാ​ങ്ങി വാ​യ​ന തു​ട​ങ്ങി.

22ാം വ​യ​സ്സി​ലാ​ണ്​ ആ​ദ്യ​പു​സ്ത​കം ‘എ​ലി​സ ആ​ൻ​ഡ്​ മി​ഡ്​​​നൈ​റ്റ്​ ഫെ​യ​റി’ പി​റ​ക്കു​ന്ന​ത്. കു​ട്ടി​ക​ൾ​ക്കാ​യു​ള്ള ഫാ​ന്‍റ​സി ഫി​ക്ഷ​ൻ വി​ഭാ​ഗ​ത്തി​ൽ​പെ​ട്ട പു​സ്ത​കം ആ​മ​സോ​ണി​ന്‍റെ ഇ-​ബു​ക്ക് പ​ബ്ലി​ഷി​ങ്​ പ്ലാ​റ്റ്‌​ഫോ​മാ​യ കി​ൻ​ഡി​ൽ ഡ​യ​റ​ക്ട് പ​ബ്ലി​ഷി​ങ് വ​ഴി​യാ​ണ്​ പ്ര​സി​ദ്ധീ​ക​രി​ച്ച​ത്.

ര​ണ്ടാ​മ​ത്തെ പു​സ്ത​ക​മാ​യ ‘ടൈം ​ടീ​ച്ച​സ്​ ടു ​ഹെ​ൽ​പ്​​’ വെ​ളി​ച്ചം ക​ണ്ട​തും കി​ൻ​ഡി​ൽ ഡ​യ​റ​ക്ട് പ​ബ്ലി​ഷി​ങ്ങി​ലൂ​ടെ ത​ന്നെ. പു​തി​യ എ​ഴു​ത്തു​കാ​ർ​ക്ക്​ പു​സ്ത​കം പ്ര​സി​ദ്ധീ​ക​രി​ക്കാ​ൻ എ​ളു​പ്പ​വ​ഴി​യാ​ണ്​ കി​ൻ​ഡി​ൽ ഡ​യ​റ​ക്ട് പ​ബ്ലി​ഷി​ങ് എ​ന്നു പ​റ​യു​ന്നു ഐ​ഷ. ഇ​ന്ത്യ​യി​ൽ ഇ-​ബു​ക്ക്​ മാ​ത്ര​മാ​ണ്​ ല​ഭ്യ​മാ​കു​ക.

മൂ​ന്നാ​മ​ത്തേ​ത്​ ക​വി​ത സ​മാ​ഹാ​ര​മാ​യ ‘ട്വ​ന്‍റി ത്രീ’​യാ​ണ്. ബു​ക്ക്​ ലീ​ഫ്​ പ​ബ്ലി​ഷേ​ഴ്​​സാ​ണ്​ പ്ര​സാ​ധ​ക​ർ. ഫി​ക്ഷ​ൻ വി​ഭാ​ഗ​ത്തി​ൽ​പെ​ട്ട ‘ബി​നീ​ത്​​ ദ ​ഗോ​ൾ​ഡ​ൻ ചെ​യി​ൻ’ യൂ​നി​കോ​ഡ്​ പ​ബ്ലി​ഷേ​ഴ്​​സാ​ണ്​ പ്ര​സി​ദ്ധീ​ക​രി​ച്ച​ത്. ഇ​തി​ന്‍റെ ര​ണ്ടാം എ​ഡി​ഷ​നും ഇ​റ​ങ്ങി. ഇ​ൻ​ഫോ​പാ​ർ​ക്കി​ലെ ജോ​ലി​ക്കി​ടെ​യാ​ണ്​ ഐ​ഷ വാ​യി​ക്കാ​നും എ​ഴു​താ​നും സ​മ​യം ക​ണ്ടെ​ത്തു​ന്ന​ത്. ആ​ന​ക്ക​ല്ല്​ സെ​ന്‍റ്​ ആ​ന്‍റ​ണീ​സ്​ പ​ബ്ലി​ക്​ സ്കൂ​ളി​ലാ​യി​രു​ന്നു 12 ാംക്ലാ​സ്​ വ​രെ പ​ഠ​നം.

പാ​ലാ സെ​ന്‍റ്​ ജോ​സ​ഫ്​ കോ​ള​ജി​ൽ​നി​ന്ന്​ ബി.​ടെ​ക്​ പൂ​ർ​ത്തി​യാ​ക്കി. തു​ട​ർ​ന്ന്​ പ്ലേ​സ്​​മെ​ന്‍റ്​ വ​ഴി മൂ​ന്നു​വ​ർ​ഷം മു​മ്പാ​ണ്​ ജോ​ലി​ക്ക്​ ക​യ​റി​യ​ത്. ഐ.​ടി മേ​ഖ​ല​യു​മാ​യി ബ​ന്ധ​പ്പെ​ട്ട പു​തി​യ മ​ല​യാ​ളം പു​സ്ത​ക​ത്തി​ന്‍റെ പ​ണി​പ്പു​ര​യി​ലാ​ണ്​ ഐ​ഷ.