വി​സ വാ​ഗ്ദാ​നം ചെ​യ്ത് കോ​ടി​ക​ള്‍ ത​ട്ടി ഏ​ജ​ന്‍റ്​ മു​ങ്ങി; ട്രാ​വ​ല്‍ ഏ​ജ​ന്‍സി പൊ​ലീ​സ് അ​ട​ച്ചു​പൂ​ട്ടി

കൂ​ട്ടി​ക്ക​ല്‍: വി​ദേ​ശ​രാ​ജ്യ​ങ്ങ​ളി​ല്‍ വി​സ വാ​ഗ്ദാ​നം ചെ​യ്തു കോ​ടി​ക​ള്‍ ത​ട്ടി​യ ഏ​ജ​ന്‍റ്​ ഒ​ളി​വി​ൽ ​പോ​യി. നി​ര​വ​ധി പ​രാ​തി​ക​ളെ തു​ട​ര്‍ന്ന് പൊ​ലീ​സ് ട്രാ​വ​ല്‍ ഏ​ജ​ന്‍സി അ​ട​ച്ചു​പൂ​ട്ടി. കൂ​ട്ടി​ക്ക​ല്‍ എ​സ്.​ബി.​ഐ ജ​ങ്ഷ​നി​ലെ ഓ​ര്‍ക്കി​ഡ് ക​ണ്‍സ​ൽ​ട്ട​ന്‍സി​യാ​ണ് പൊ​ലീ​സ് പൂ​ട്ടി​യ​ത്.

കൂ​ട്ടി​ക്ക​ല്‍ പാ​ല​ക്കു​ന്നേ​ല്‍ അ​നീ​ഷ് ഉ​മ്മ​റി​ന്‍റെ ഉ​ട​മ​സ്ഥ​ത​യി​ല്‍ വി​വി​ധ പേ​രു​ക​ളി​ൽ പ്ര​വ​ര്‍ത്തി​ച്ചു​വ​ന്ന ട്രാ​വ​ല്‍ ഏ​ജ​ന്‍സി​ക്കാ​ണ് പൂ​ട്ടു വീ​ണ​ത്. യൂ​റോ​പ്യ​ന്‍ രാ​ജ്യ​ങ്ങ​ളി​ലേ​ക്ക്​ വി​സ ന​ല്‍കാ​മെ​ന്നു പ​റ​ഞ്ഞാ​ണ് നാ​ലു മു​ത​ല്‍ 15 ല​ക്ഷം രൂ​പ വ​രെ വാ​ങ്ങി​യ​ത്. വി​സ ന​ൽ​കി​യി​ല്ലെ​ന്ന പ​രാ​തി ഉ​യ​ര്‍ന്ന​തോ​ടെ ഇ​യാ​ള്‍ ഒ​ളി​വി​ല്‍ പോ​യി. ക​റു​ക​ച്ചാ​ല്‍, ച​ങ്ങ​നാ​ശ്ശേ​രി, മു​ണ്ട​ക്ക​യം, പെ​രു​വ​ന്താ​നം, കോ​ഴി​ക്കോ​ട്, ക​ല്ല​റ, പ​ത്ത​നം​തി​ട്ട പൊ​ലീ​സ്​ സ്​​റ്റേ​ഷ​നു​ക​ളി​ല്‍ നി​ര​വ​ധി പ​രാ​തി​ക​ൾ എ​ത്തി​യി​രു​ന്നു.

കൂ​ലി​വേ​ല​ക്കാ​രാ​യ നി​ര​വ​ധി​പേ​ര്‍ വി​ദേ​ശ ജോ​ലി സ്വ​പ്‌​നം ക​ണ്ട് ഇ​യാ​ളു​ടെ വ​ല​യി​ല്‍ കു​ടു​ങ്ങി​യി​ട്ടു​ണ്ട്. കൂ​ട്ടി​ക്ക​ല്‍ സ്വ​ദേ​ശി​യാ​യ ഒ​രാ​ള്‍ വീ​ട് പ​ണ​യ​പ്പെ​ടു​ത്തി​യാ​ണ് പ​ണം ന​ല്‍കി​യ​ത്. പ​ണം വാ​ങ്ങി വി​സ ന​ൽ​കാ​തെ ത​ട്ടി​പ്പി​ന് ഇ​ര​യാ​യ കോ​ഴി​ക്കോ​ട് സ്വ​ദേ​ശി ക​ഴി​ഞ്ഞ ദി​വ​സം അ​നീ​ഷ് ഉ​മ്മ​റി​നെ കോ​ഴി​ക്കോ​ട് ക​ണ്ടു​മു​ട്ടു​ക​യും ത​ട​ഞ്ഞു​വെ​ച്ചു മെ​ഡി​ക്ക​ൽ കോ​ള​ജ് പൊ​ലീ​സി​ന് കൈ​മാ​റു​ക​യും ചെ​യ്തി​രു​ന്നു. തു​ട​ർ​ന്ന് അ​യാ​ൾ​ക്ക് പൊ​ലീ​സ് സാ​ന്നി​ധ്യ​ത്തി​ൽ ചെ​ക്ക്​ ന​ൽ​കി ര​ക്ഷ​പ്പെ​ടു​ക​യാ​യി​രു​ന്നു. ഉ​ട​മ ഒ​ളി​വി​ൽ പോ​യ​തോ​ടെ പ​ണം ന​ഷ്ട​പ്പെ​ട്ട പ​രാ​തി​ക്കാ​രു​ടെ​യും എ​ണ്ണം വ​ര്‍ധി​ച്ചു​വ​രു​ക​യാ​ണ്.

മു​മ്പ് കൂ​ട്ടി​ക്ക​ല്‍ ടൗ​ണി​ല്‍ കോ​ഴി​ക്കോ​ട് കേ​ന്ദ്ര​മാ​യി പ്ര​വ​ര്‍ത്തി​ക്കു​ന്ന സ​ഫി​യ ട്രാ​വ​ല്‍സി​ന്‍റെ ഫ്രാ​ഞ്ചൈ​സി​യാ​യാ​ണ് പ്ര​വ​ര്‍ത്ത​നം തു​ട​ങ്ങു​ന്ന​ത്. പി​ന്നീ​ട് സാ​മ്പ​ത്തി​ക ബാ​ധ്യ​ത ഉ​ണ്ടാ​യ​തി​നെ തു​ട​ര്‍ന്നു നി​ര്‍ത്തു​ക​യും ‘ത​ന​യ’​ഇ-​സേ​വ​ന കേ​ന്ദ്ര​മാ​യി വീ​ണ്ടും ആ​രം​ഭി​ച്ചു. പി​ന്നീ​ടാ​ണ് കൂ​ട്ടി​ക്ക​ല്‍ എ​സ്.​ബി.​ഐ ജ​ങ്ഷ​നി​ല്‍ ട്രാ​വ​ല്‍ ഏ​ജ​ന്‍സി ആ​രം​ഭി​ച്ച​ത്. ഏ​ജ​ൻ​സി മാ​നേ​ജ​ർ കൂ​ട്ടി​ക്ക​ൽ താ​ളു​ക​ൽ സ്വ​ദേ​ശി​യെ കൂ​ടി പ​ങ്കാ​ളി​യാ​ക്കി ക​മ്പ​നി​യാ​യി ര​ജി​സ്റ്റ​ർ ചെ​യ്തി​ട്ടു​ണ്ട്. ഇ​തി​ന്‍റെ അ​ക്കൗ​ണ്ടി​ലേ​ക്കാ​ണ് പ​ണം സ്വീ​ക​രി​ച്ചി​രു​ന്ന​ത്.

സം​സ്ഥാ​ന​ത്തെ വി​വി​ധ പൊ​ലീ​സ് സ്റ്റേ​ഷ​നു​ക​ളി​ല്‍ കേ​സ് ര​ജി​സ്റ്റ​ര്‍ ചെ​യ്ത ഇ​യാ​ള്‍ക്കാ​യി പൊ​ലീ​സ്​ ഊ​ർ​ജി​ത തി​ര​ച്ചി​ല്‍ തു​ട​രു​ക​യാ​ണ്.