പൊ​ലീ​സ് സ്‌​റ്റേ​ഷ​നി​ല്‍ അ​ഡീ​ഷ​ന​ല്‍ എ​സ്‌.​ഐ​യും വ​നി​താ പൊ​ലീസും ത​മ്മി​ൽ കൈ​യാ​ങ്ക​ളി​; നടപടിക്ക് സാധ്യത

പ​ള്ളി​ക്ക​ത്തോ​ട്: പൊ​ലീ​സ് സ്‌​റ്റേ​ഷ​നി​ല്‍ അ​ഡീ​ഷ​ന​ല്‍ എ​സ്‌.​ഐ​യും വ​നി​താ പൊ​ലീ​സും ത​മ്മി​ലു​ള്ള ത​ര്‍ക്ക​വും കൈ​യാ​ങ്ക​ളി​യും സം​ബ​ന്ധി​ച്ച്​ വ​കു​പ്പു​ത​ല അ​ന്വേ​ഷ​ണം ആ​രം​ഭി​ച്ചു. ജി​ല്ല പൊ​ലീ​സ് മേ​ധാ​വി​യു​ടെ നി​ർ​ദേ​ശ​ത്തെ തു​ട​ര്‍ന്ന് സം​ഭ​വ​ത്തെ​ക്കു​റി​ച്ച് വി​ശ​ദ​മാ​യ അ​ന്വേ​ഷ​ണം ആ​രം​ഭി​ച്ച​താ​യാ​ണ്​ സൂ​ച​ന.

ഞാ​യ​റാ​ഴ്ച രാ​വി​ലെ പ​ള്ളി​ക്ക​ത്തോ​ട് പൊ​ലീ​സ് സ്‌​റ്റേ​ഷ​നി​ലാ​യി​രു​ന്നു സം​ഭ​വം. വ​നി​ത പൊ​ലീ​സു​കാ​രി​യു​ടെ ഫോ​ണി​ലേ​ക്ക് അ​ഡീ​ഷ​ന​ല്‍ എ​സ്‌.​ഐ സ​ന്ദേ​ശം അ​യ​ച്ചെ​ന്നാ​ണ് ആ​രോ​പ​ണം. ഇ​തി​നേ​ത്തു​ട​ര്‍ന്നു​ണ്ടാ​യ ത​ര്‍ക്കം കൈ​യാ​ങ്ക​ളി​യു​ടെ വ​ക്കി​ലെ​ത്തി. സം​ഭ​വ​ത്തെ​ക്കു​റി​ച്ച് സ്‌​പെ​ഷ​ല്‍ ബ്രാ​ഞ്ച് വി​ശ​ദ​മാ​യ റി​പ്പോ​ര്‍ട്ട് ന​ല്‍കി​യ​താ​യി സൂ​ച​ന​യു​ണ്ട്.

നി​യ​മ​പാ​ല​ന​രം​ഗ​ത്ത് പ്ര​ധാ​ന സ്ഥാ​നം വ​ഹി​ക്കു​ന്ന പൊ​ലീ​സ് ഉ​ദ്യോ​ഗ​സ്ഥ‍െൻറ ഭാ​ഗ​ത്തു​നി​ന്നു​ണ്ടാ​യ അ​ച്ച​ട​ക്ക​രാ​ഹി​ത്യ​ത്തെ ആ​ഭ്യ​ന്ത​ര​വ​കു​പ്പ് ഗൗ​ര​വ​മാ​യി​ട്ടാ​ണ് കാ​ണു​ന്ന​ത്. പു​തു​വ​ത്സ​ര ത​ലേ​ന്ന് രാ​ത്രി വാ​ഴൂ​ര്‍ പേ​ഴ​ത്തു​ങ്ക​ല്‍ ത​ക​ടി​യി​ല്‍ ക​ട​യി​ല്‍ സാ​ധ​നം വാ​ങ്ങാ​നെ​ത്തി​യ​വ​രെ ഒ​രു പ്ര​കോ​പ​ന​വു​മി​ല്ലാ​തെ ഇ​തേ അ​ഡീ​ഷ​ന​ല്‍ എ​സ്‌.​ഐ മ​ർ​ദി​ച്ച​താ​യി നാ​ട്ടു​കാ​ര്‍ പ​രാ​തി ഉ​ന്ന​യി​ച്ചി​രു​ന്നു. ഇ​ത് സം​ബ​ന്ധി​ച്ച് മു​ഖ്യ​മ​ന്ത്രി​ക്കും ജി​ല്ല പൊ​ലീ​സ് മേ​ധാ​വി​ക്കും പ്ര​ദേ​ശ​വാ​സി​ക​ൾ ന​ല്‍കി​യ പ​രാ​തി​യി​ല്‍ അ​ന്വേ​ഷ​ണം ന​ട​ക്കു​ന്ന​തി​നി​ട​യി​ലാ​ണ് പു​തി​യ സം​ഭ​വം.