മോ​ഷ​ണമടക്കം നി​ര​വ​ധി കേ​സു​ക​ളി​ലെ പ്ര​തി അ​റ​സ്​​റ്റി​ൽ

കോ​ട്ട​യം: വീ​ട് കു​ത്തി​ത്തു​റ​ന്നു​ള്ള മോ​ഷ​ണ​മ​ട​ക്കം നി​ര​വ​ധി കേ​സു​ക​ളി​ലെ പ്ര​തി അ​റ​സ്​​റ്റി​ൽ. ആ​ല​പ്പു​ഴ ക​ന​ക​ക്കു​ന്ന് പ​ട്ടോ​ളി മാ​ർ​ക്ക​റ്റി​ന് സ​മീ​പം പെ​രു​മ​ന പു​തു​വ​ൽ വീ​ട്ടി​ൽ സു​ധീ​ഷ് കു​മാ​റി​നെ​യാ​ണ് (41) കോ​ട്ട​യം ഈ​സ്റ്റ് പൊ​ലീ​സ് അ​റ​സ്റ്റ് ചെ​യ്ത​ത്.

ഇ​യാ​ൾ 2021ൽ ​കോ​ട്ട​യം ഈ​സ്റ്റ് പൊ​ലീ​സ് സ്റ്റേ​ഷ​ൻ പ​രി​ധി​യി​ൽ വീ​ട് കു​ത്തി​ത്തു​റ​ന്ന് മോ​ഷ​ണം ന​ട​ത്തു​ക​യും തു​ട​ര്‍ന്ന് പൊ​ലീ​സ് ഇ​യാ​ളെ പി​ടി​കൂ​ടു​ക​യും ചെ​യ്തി​രു​ന്നു. പി​ന്നീ​ട് കോ​ട​തി​യി​ൽ​നി​ന്ന്​ ജാ​മ്യ​ത്തി​ലി​റ​ങ്ങി​യ ഇ​യാ​ൾ ഒ​ളി​വി​ലാി​രു​ന്നു. ജി​ല്ല പൊ​ലീ​സ് മേ​ധാ​വി കെ. ​കാ​ർ​ത്തി​ക്കി​ന്റെ നേ​തൃ​ത്വ​ത്തി​ൽ വി​വി​ധ കേ​സു​ക​ളി​ല്‍ ഒ​ളി​വി​ൽ ക​ഴി​യു​ന്ന പ്ര​തി​ക​ൾ​ക്കാ​യി തി​ര​ച്ചി​ൽ ശ​ക്ത​മാ​ക്കി​യ​തി​നൊ​ടു​വി​ൽ ഇ​യാ​ളെ പേ​രൂ​രി​ല്‍നി​ന്ന്​ പി​ടി​കൂ​ടു​ക​യാ​യി​രു​ന്നു.

ഇ​യാ​ൾ​ക്ക് ആ​ല​പ്പു​ഴ, കോ​ട്ട​യം ജി​ല്ല​ക​ളി​ലാ​യി നി​ര​വ​ധി മോ​ഷ​ണ​ക്കേ​സു​ക​ൾ നി​ല​വി​ലു​ണ്ട്. ഒ​രു സ്ഥ​ല​ത്ത് സ്ഥി​ര​മാ​യി താ​മ​സി​ക്കാ​തെ മാ​റി​മാ​റി​ത്താ​മ​സി​ക്കു​ന്ന ഇ​യാ​ള്‍ അ​വി​ടെ​നി​ന്നും മോ​ഷ​ണം ന​ട​ത്തി ക​ട​ന്നു​ക​ള​യു​ക​യാ​ണ് പ​തി​വെ​ന്നും പൊ​ലീ​സ് പ​റ​ഞ്ഞു.