അ​ഭി​ലാ​ഷി​ന് വേ​ണം നാ​ടി​ന്റെ ക​രു​ത​ൽ; ചി​കി​ത്സ​ക്ക് കു​ടും​ബം ക​നി​വു​തേ​ടു​ന്നു

എ​ലി​ക്കു​ളം: ജ​ന്മ​നാ ശാ​രീ​രി​ക വൈ​ക​ല്യ​മു​ള്ള യു​വാ​വി​ന്റെ കു​ടും​ബം തു​ട​ർ​ചി​കി​ത്സ​ക്കും നി​ത്യ​വൃ​ത്തി​ക്കും വ​ക​യി​ല്ലാ​തെ ദു​രി​ത​ജീ​വി​ത​ത്തി​ൽ. പി​താ​വി​ന്‍റെ​യോ മാ​താ​വി​ന്‍റെ​യോ സ​ഹാ​യ​മി​ല്ലാ​തെ 30ാം വ​യ​സ്സി​ലും ദൈ​നം​ദി​ന ജീ​വി​തം സാ​ധ്യ​മ​ല്ലാ​ത്ത അ​ഭി​ലാ​ഷ് ഉ​ദാ​ര​മ​ന​സ്‌​ക​രു​ടെ ക​നി​വ് തേ​ടു​ക​യാ​ണ്. എ​ലി​ക്കു​ളം ആ​ളു​റു​മ്പ് ക​വ​ല​യി​ൽ പു​ത്ത​ൻ​ന​ട​യി​ൽ സാ​ബു​വി​ന്റെ​യും ഉ​ഷ​യു​ടെ​യും മ​ക​നാ​ണ്​ അ​ഭി​ലാ​ഷ്. ഭി​ന്ന​ശേ​ഷി​ക്കാ​ര​നാ​യ മ​ക​ന് കൂ​ട്ടാ​യി ഒ​രാ​ൾ എ​പ്പോ​ഴും കൂ​ടെ വേ​ണം.

മാ​താ​വ് ഉ​ഷ കൂ​ലി​പ്പ​ണി​ക്കു​പോ​കും. പി​താ​വ് സാ​ബു മ​ക​ന് കൂ​ട്ടാ​യു​ണ്ടാ​വും. സാ​ബു​വും രോ​ഗ​പീ​ഡ​ക​ളാ​ൽ വ​ല​യു​ന്ന​യാ​ളാ​ണ്. മൂ​ന്ന​ര സെ​ന്റി​ലെ പൊ​ട്ടി​പ്പൊ​ളി​ഞ്ഞ വീ​ട്ടി​ലെ ദു​രി​ത​ത്തി​ന് അ​റു​തി​യു​ണ്ടാ​ക​ണ​മെ​ങ്കി​ലും അ​ഭി​ലാ​ഷി​ന് ചി​കി​ത്സ ന​ൽ​ക​ണ​മെ​ങ്കി​ലും ആ​രെ​ങ്കി​ലും ക​നി​യ​ണം. വ​ല്ല​പ്പോ​ഴും മാ​ത്ര​മാ​ണ് മ​രു​ന്ന്​ വാ​ങ്ങി ന​ൽ​കാ​നാ​കു​ന്ന​ത്. ഉ​ഷ​ക്ക് പ​ണി​യി​ല്ലെ​ങ്കി​ൽ വീ​ട് പ​ട്ടി​ണി​യി​ലാ​വും. ഉ​ദാ​ര​മ​ന​സ്സു​ള്ള നാ​ട്ടു​കാ​ർ ന​ൽ​കു​ന്ന സ​ഹാ​യം കൊ​ണ്ടാ​ണി​പ്പോ​ൾ ജീ​വി​തം മു​ന്നോ​ട്ട് കൊ​ണ്ടു​പോ​കു​ന്ന​ത്. ഇ​വ​രു​ടെ ദുഃ​സ്ഥി​തി ക​ണ്ട​റി​ഞ്ഞ് വാ​ർ​ഡ്​ അം​ഗ​വും പ​ഞ്ചാ​യ​ത്ത് വൈ​സ്​ പ്ര​സി​ഡ​ന്റു​മാ​യ സെ​ൽ​വി വി​ത്സ​ൺ സ​ഹാ​യ​നി​ധി സ​മാ​ഹ​രി​ക്കാ​ൻ ശ്ര​മം തു​ട​ങ്ങി. ഫെ​ഡ​റ​ൽ ബാ​ങ്ക് പൈ​ക ശാ​ഖ​യി​ൽ സെ​ൽ​വി​യു​ടെ​യും സാ​ബു​വി​ന്റെ​യും പേ​രി​ൽ ജോ​യ​ന്റ് അ​ക്കൗ​ണ്ട് തു​ട​ങ്ങി. അ​ക്കൗ​ണ്ട് ന​മ്പ​ർ-11150100108 018, ഐ.​എ​ഫ്.​എ​സ്.​സി.​കോ​ഡ് -എ​ഫ്.​ഡി.​ആ​ർ.​എ​ൽ.0001115.