ഹോട്ടലുടമയെ കബളിപ്പിച്ച് ലക്ഷങ്ങൾ തട്ടിയ മുംബൈ സ്വദേശി അറസ്റ്റിൽ

കോ​ട്ട​യം: ഹോ​ട്ട​ൽ ഉ​ട​മ​യെ ക​ബ​ളി​പ്പി​ച്ച് ല​ക്ഷ​ങ്ങ​ൾ ത​ട്ടി​യെ​ടു​ത്ത കേ​സി​ൽ മും​ബൈ സ്വ​ദേ​ശി​യെ അ​റ​സ്റ്റ് ചെ​യ്തു. മും​ബൈ സ്വ​ദേ​ശി​യാ​യ സു​ജി​ത്ത് ഷോ (38) ​നെ​യാ​ണ്​ വെ​സ്റ്റ് പൊ​ലീ​സ് അ​റ​സ്റ്റ് ചെ​യ്ത​ത്.

കോ​ട്ട​യ​ത്തെ ഹോ​ട്ട​ല്‍ ഉ​ട​മ​യി​ൽ​നി​ന്ന്​ 29.40 ല​ക്ഷം രൂ​പ​യാ​ണ്​ ഇ​യാ​ൾ ക​ബ​ളി​പ്പി​ച്ച് ത​ട്ടി​യെ​ടു​ത്ത് ക​ട​ന്നു​ക​ള​ഞ്ഞ​ത്. 2017ൽ ​കോ​ട്ട​യ​ത്ത് ഹോ​ട്ട​ല്‍ ജോ​ലി​ക്ക് എ​ത്തി​യ ഇ​യാ​ൾ ഹോ​ട്ട​ലു​ട​മ​യു​ടെ വി​ശ്വാ​സം നേ​ടി​യ ശേ​ഷം ഈ ​ഹോ​ട്ട​ലി​ന്റെ പാ​നി​പു​രി കൗ​ണ്ട​റും സോ​ഡാ കൗ​ണ്ട​റും വാ​ട​ക​ക്കെ​ടു​ത്ത് ന​ട​ത്തി വ​രി​ക​യാ​യി​രു​ന്നു.

തു​ട​ർ​ന്ന് ഇ​യാ​ൾ ഹോ​ട്ട​ൽ ഉ​ട​മ​യോ​ട് ഷെ​യ​ർ മാ​ർ​ക്ക​റ്റി​ൽ പ​ണം ഇ​റ​ക്കി​യാ​ൽ കൂ​ടു​ത​ൽ ലാ​ഭം കി​ട്ടു​മെ​ന്ന് പ​റ​ഞ്ഞ് വി​ശ്വ​സി​പ്പി​ച്ച് പ​ല​ത​വ​ണ​ക​ളി​ലാ​യി 14.40 ല​ക്ഷം രൂ​പ കൈ​പ്പ​റ്റു​ക​യും കൂ​ടാ​തെ ഹോ​ട്ട​ല്‍ ഉ​ട​മ​യെ ഏ​ല്‍പ്പി​ക്കാ​ൻ മ​റ്റൊ​രാ​ള്‍ ഇ​യാ​ളെ ഏ​ല്‍പ്പി​ച്ച 15 ല​ക്ഷം രൂ​പ ഉ​ള്‍പ്പ​ടെ 29.40 ല​ക്ഷം ത​ട്ടി​യെ​ടു​ത്ത് ക​ട​ന്നു​ക​ള​യു​ക​യാ​യി​രു​ന്നു. പ​രാ​തി​യെ തു​ട​ർ​ന്ന് വെ​സ്റ്റ് പൊ​ലീ​സ് കേ​സെ​ടു​ക്കു​ക​യും ജി​ല്ല പൊ​ലീ​സ് മേ​ധാ​വി കെ. ​കാ​ർ​ത്തി​ക്കി​ന്റെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ​സം​ഘം ന​ട​ത്തി​യ തി​ര​ച്ചി​ലി​നോ​ടു​വി​ല്‍ ഇ​യാ​ളെ വ​യ​നാ​ട്നി​ന്ന്​ പി​ടി​കൂ​ടു​ക​യാ​യി​രു​ന്നു.

വെ​സ്റ്റ് എ​സ്.​എ​ച്ച്.​ഒ എം.​ശ്രീ​കു​മാ​ർ, എ​സ്.​ഐ​മാ​രാ​യ വി​ദ്യാ.​വി, സ​ജി​കു​മാ​ർ, എ.​എ​സ്.​ഐ സ​ജി ജോ​സ​ഫ്, സി.​പി.​ഒ​മാ​രാ​യ രാ​ജേ​ഷ് കെ.​എം, സ​ല​മോ​ൻ, രാ​ജീ​വ് കു​മാ​ർ എ​ന്നി​വ​രും അ​ന്വേ​ഷ​ണ​സം​ഘ​ത്തി​ൽ ഉ​ണ്ടാ​യി​രു​ന്നു. കോ​ട​തി​യി​ൽ ഹാ​ജ​രാ​ക്കി​യ ഇ​യാ​ളെ റി​മാ​ൻ​ഡ് ചെ​യ്തു.