കോ​ട്ട​യം ജില്ലയിൽ 87,286 പേർക്ക്​ രക്തസമ്മർദവും 82,016 പേർക്ക്​ പ്രമേഹവും

കോ​ട്ട​യം: ജി​ല്ല​യി​ൽ 87,286 ര​ക്ത​സ​മ്മ​ർ​ദ​വും 82,016 പേ​ർ പ്ര​മേ​ഹ​വും നേ​രി​ടു​ന്ന​വ​ർ. ആ​രോ​ഗ്യ​വ​കു​പ്പ്​ ന​ട​ത്തു​ന്ന ജ​ന​സം​ഖ്യാ​ധി​ഷ്ഠി​ത ജീ​വി​ത​ശൈ​ലീ​രോ​ഗ നി​ർ​ണ​യ പ​ഠ​ന​ത്തി​ലാ​ണ്​ ഈ ​ക​ണ്ടെ​ത്ത​ൽ. പ്ര​മേ​ഹ​വും ര​ക്ത​സ​മ്മ​ർ​ദ​വും ഒ​രു​പോ​ലെ ​നേ​രി​ടു​ന്ന രോ​ഗി​ക​ൾ 36,682 ആ​ണ്.

മാ​ർ​ച്ച്​ 31ന്​ ​അ​വ​സാ​നി​ക്കു​ന്ന സ​ർ​വേ​യി​ൽ 30 വ​യ​സ്സി​നു മു​ക​ളി​ലു​ള്ള 10,64,236 പേ​രെ പ​രി​ശോ​ധി​ക്കാ​നാ​ണ്​ ല​ക്ഷ്യ​മി​ട്ടി​രി​ക്കു​ന്ന​ത്. ജൂ​ലൈ​യി​ൽ ആ​രം​ഭി​ച്ച സ​ർ​വേ​യി​ൽ ചൊ​വ്വാ​ഴ്ച ​വൈ​കീ​ട്ടു​വ​രെ 7,16,231പേ​രെ പ​രി​ശോ​ധി​ച്ചു. അ​താ​യ​ത്​ 67.3 ശ​ത​മാ​നം. മ​റ്റു ജി​ല്ല​ക​ളെ അ​പേ​ക്ഷി​ച്ച്​ സ​ർ​വേ​യി​ൽ ഏ​റെ മു​ന്നി​ലാ​ണ്​ ജി​ല്ല. അ​ർ​ബു​ദം, പ്ര​മേ​ഹം, ര​ക്താ​തി​മ​ർ​ദം, ശ്വാ​സ​കോ​ശ രോ​ഗ​ങ്ങ​ൾ തു​ട​ങ്ങി​യ ജീ​വി​ത​ശൈ​ലീ​രോ​ഗ നി​ർ​ണ​യ​മാ​ണ്​ ആ​ശാ പ്ര​വ​ർ​ത്ത​ക​രെ ഉ​പ​യോ​ഗി​ച്ചു ന​ട​ത്തു​ന്ന​ത്.

വീ​ടു​ക​ളി​ൽ​ചെ​ന്ന്​ വ്യ​ക്തി​ക​ളു​മാ​യി സം​സാ​രി​ച്ച്​ രോ​ഗം, ചി​കി​ത്സ, ല​ക്ഷ​ണ​ങ്ങ​ൾ തു​ട​ങ്ങി​യ വി​വ​ര​ങ്ങ​ൾ ശേ​ഖ​രി​ച്ച്​ ‘ശൈ​ലി’ മൊ​ബൈ​ൽ ആ​പ്ലി​ക്കേ​ഷ​ൻ​വ​ഴി ക​മ്പ്യൂ​ട്ട​റി​ൽ രേ​ഖ​പ്പെ​ടു​ത്തു​ക​യാ​ണ് ചെ​യ്യു​ന്ന​ത്​. ഈ ​വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ൽ വ്യ​ക്തി​ക​ളു​ടെ ആ​രോ​ഗ്യ​നി​ല​വാ​ര​ത്തെ​ക്കു​റി​ച്ച്​ സ്‌​കോ​റി​ങ്​ ന​ട​ത്തു​ക​യും സ്‌​കോ​ർ നാ​ലി​ന് മു​ക​ളി​ലു​ള്ള വ്യ​ക്തി​ക​ളെ ജീ​വി​ത​ശൈ​ലീ​രോ​ഗ പ​രി​ശോ​ധ​ന​ക്ക് അ​ടു​ത്തു​ള്ള ആ​രോ​ഗ്യ​കേ​ന്ദ്ര​ങ്ങ​ളി​ലേ​ക്ക് പോ​കാ​ൻ നി​ർ​ദേ​ശി​ക്കു​ക​യും ചെ​യ്യും.

ഇ​തു​പ്ര​കാ​രം പ്ര​മേ​ഹ​വും ര​ക്ത​സ​മ്മ​ർ​ദ​വും വ​രാ​ൻ സാ​ധ്യ​ത​യു​ള്ള സ്​​കോ​ർ നാ​ലി​നു മു​ക​ളി​ലു​ള്ള​വ​ർ (ഹൈ​റി​സ്​​ക്​ വി​ഭാ​ഗം) 1,65,129 പേ​രാ​ണ്. രോ​ഗ​ല​ക്ഷ​ണ​ങ്ങ​ൾ ക​ണ്ടെ​ത്തു​ക മാ​ത്ര​മാ​ണ്​ ഇ​പ്പോ​ൾ ചെ​യ്തി​രി​ക്കു​ന്ന​ത്. പ​രി​ശോ​ധ​ന​യി​ലൂ​ടെ മാ​ത്ര​മേ രോ​ഗ​നി​ർ​ണ​യം സാ​ധ്യ​മാ​വൂ. ഇ​തി​നാ​യി എ​ല്ലാ സ​ർ​ക്കാ​ർ ആ​ശു​പ​ത്രി​ക​ളി​ലും കാ​ൻ​സ​ർ ക്ലി​നി​ക്കു​ക​ളും ജീ​വി​ത​ശൈ​ലീ​രോ​ഗ നി​ർ​ണ​യ ക്ലി​നി​ക്കു​ക​ളും ആ​രം​ഭി​ച്ചി​ട്ടു​ണ്ട്. ത​ദ്ദേ​ശ​സ്ഥാ​പ​ന​ങ്ങ​ളു​മാ​യി സ​ഹ​ക​രി​ച്ച്​ ‘കാ​ൻ കോ​ട്ട​യം’ പ​ദ്ധ​തി​യു​ടെ ഭാ​ഗ​മാ​യാ​ണ്​ ക്ലി​നി​ക്കു​ക​ൾ സ്ഥാ​പി​ച്ച​ത്.

രോ​ഗ​ല​ക്ഷ​ണ​ങ്ങ​ൾ ഉ​ള്ള​വ​ർ​ക്ക്​ സാ​മ്പി​ൾ പ​രി​ശോ​ധ​ന​ക്ക്​ ഇ​വി​ടെ​ത്ത​ന്നെ സൗ​ക​ര്യ​മു​ണ്ടാ​വും. വ​രും​വ​ർ​ഷ​ങ്ങ​ളി​ലും ഇ​ത്ത​രം പ​രി​ശോ​ധ​ന തു​ട​രും. ഇ​തോ​ടൊ​പ്പം രോ​ഗം ക​​ണ്ടെ​ത്തു​ന്ന​വ​ർ​ക്ക്​ ചി​കി​ത്സ​യും ന​ൽ​കും. സം​സ്ഥാ​ന​ത​ല​ത്തി​ൽ ജീ​വി​ത​ശൈ​ലീ​രോ​ഗ ര​ജി​സ്​​ട്രി ത​യാ​റാ​ക്കു​ന്ന​തി‍െൻറ ഭാ​ഗ​മാ​യാ​ണ്​ സ​ർ​വേ. ഡെ​പ്യൂ​ട്ടി ഡി.​എം.​ഒ ഡോ. ​പി.​എ​ൻ. വി​ദ്യാ​ധ​ര​നാ​ണ് പ​ദ്ധ​തി​യു​ടെ ജി​ല്ല​ത​ല നോ​ഡ​ൽ ഓ​ഫി​സ​ർ.