58 പേര്‍ക്ക്​ കോവിഡ്

കോട്ടയം: ജില്ലയില്‍ 58പേര്‍ക്ക് കോവിഡ് സ്ഥിരീകരിച്ചു. എല്ലാവര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഇതില്‍ ഒരു ആരോഗ്യപ്രവര്‍ത്തകനും ഉള്‍പ്പെടുന്നു. 82പേര്‍ രോഗമുക്തരായി. 1638 പരിശോധനഫലങ്ങളാണ്​ ലഭിച്ചത്. രോഗം ബാധിച്ചവരില്‍ 22 പുരുഷന്മാരും 28 സ്ത്രീകളും എട്ട്​ കുട്ടികളും ഉള്‍പ്പെടുന്നു. 60 വയസ്സിനു മുകളിലുള്ള 12പേര്‍ക്ക്​ കോവിഡ് സ്ഥിരീകരിച്ചിട്ടുണ്ട്. നിലവില്‍ 549പേരാണ് ചികിത്സയിലുള്ളത്. ഇതുവരെ ആകെ 4,47,305 പേര്‍ കോവിഡ് ബാധിതരായി. 4,45,367പേര്‍ രോഗമുക്തി നേടി. രോഗം ബാധിച്ചവരുടെ വിവരം: കോട്ടയം-16, ചിറക്കടവ്-8, വാഴൂര്‍-6, മുണ്ടക്കയം-3, ഏറ്റുമാനൂര്‍, തലപ്പലം, പാലാ, കുറവിലങ്ങാട്, വിജയപുരം, കാണക്കാരി-2, ഉഴവൂര്‍, കാഞ്ഞിരപ്പള്ളി, വാകത്താനം, അതിരമ്പുഴ, ഉദയനാപുരം, എരുമേലി, വൈക്കം, കുമരകം, വാഴപ്പള്ളി, കങ്ങഴ, തലയാഴം, പായിപ്പാട്, ഞീഴൂര്‍-1.