56 പേര്‍ക്ക് കോവിഡ്

കോട്ടയം: ജില്ലയില്‍ സ്ഥിരീകരിച്ചു. എല്ലാവര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. 61 പേര്‍ രോഗമുക്തരായി. 1559 പരിശോധനഫലങ്ങളാണ്​ ലഭിച്ചത്. രോഗം ബാധിച്ചവരില്‍ 20 പുരുഷന്മാരും 28 സ്ത്രീകളും എട്ട് കുട്ടികളും ഉള്‍പ്പെടുന്നു. നിലവില്‍ 620 പേരാണ് ചികിത്സയിലുള്ളത്. .................... ചാർട്ടേഡ് അക്കൗണ്ടന്‍റ് കോട്ടയം: കാർഷിക വികസന-കർഷക ക്ഷേമ വകുപ്പിന്റെ ആത്മ പ്രോജക്ടുമായി ബന്ധപ്പെട്ട കണക്കുകൾ പരിശോധിക്കുന്നതിന് അംഗീകൃത ചാർട്ടേഡ് അക്കൗണ്ടന്റുമാരുടെ സേവനം ആവശ്യമുണ്ട്. ഏപ്രിൽ 13നകം ആത്മ ഓഫിസുമായി ബന്ധപ്പെടണമെന്ന് പ്രോജക്ട് ഡയറക്ടർ അറിയിച്ചു. ഫോൺ: 9383471984. ................. നിയമസഭ പരിസ്ഥിതി സമിതി തെളിവെടുപ്പ് 31ന് കോട്ടയം: പ്രളയത്തെതുടര്‍ന്ന് പരിസ്ഥിതിനാശം സംഭവിച്ച മൂവാറ്റുപുഴയാറിന്റെ വൈക്കം നിയോജക മണ്ഡലത്തിലെ തീരപ്രദേശങ്ങളുടെ സംരക്ഷണം സംബന്ധിച്ച് നിയമസഭ പരിസ്ഥിതി സമിതി ഈ മാസം 31ന് തെളിവെടുപ്പ് നടത്തും. രാവിലെ 10ന് കലക്ടറേറ്റ് കോണ്‍ഫറന്‍സ് ഹാളില്‍ ചേരുന്ന യോഗത്തിൽ വിവിധ വകുപ്പുകളുടെ ജില്ലതല മേധാവികൾ, പരിസ്ഥിതി പ്രവര്‍ത്തകര്‍, പൊതുജനങ്ങള്‍ എന്നിവരില്‍നിന്ന് വിവരശേഖരണം നടത്തും. വെള്ളൂര്‍ വില്ലേജിലെ ചെറുകരയിലും സമീപ പ്രദേശങ്ങളിലും സമിതി സന്ദര്‍ശനം നടത്തും.